ਦ੍ਰਿੜ ਇੱਛਾ ਨਾਲ ਤੁਸੀ ਵੱਡੇ ਤੋਂ ਵੱਡੇ ਨਸ਼ੇ ਤੋਂ ਵੀ ਛੁਟਕਾਰਾ ਪਾ ਸਕਦੇ ਹੋ।
ਪਟਿਆਲਾ : ਦ੍ਰਿੜ ਇੱਛਾ ਨਾਲ ਤੁਸੀ ਵੱਡੇ ਤੋਂ ਵੱਡੇ ਨਸ਼ੇ ਤੋਂ ਵੀ ਛੁਟਕਾਰਾ ਪਾ ਸਕਦੇ ਹੋ। ਇਸ ਗੱਲ ਨੂੰ ਸਾਬਤ ਕੀਤਾ ਹੈ ਸ਼ਹਿਰ ਦੇ ਕਿਤਾਬਾਂ ਬਾਜ਼ਾਰ ਦੇ ਰਹਿਣ ਵਾਲੇ ਦੋ ਭਰਾਵਾਂ ਨੇ। ਪਹਿਲਾਂ ਵੱਡਾ ਭਰਾ ਅਤੇ ਉਸ ਦੇ ਬਾਅਦ ਉਸ ਨੂੰ ਦੇਖਾਦੇਖੀ ਅਤੇ ਗਲਤ ਦੋਸਤਾਂ ਦੀ ਸੰਗਤ ਨਾਲ ਛੋਟਾ ਭਰਾ ਵੀ ਅਜਿਹਾ ਨਸ਼ੇ ਦੀ ਦਲਦਲ ਵਿਚ ਫਸਿਆ ਕਿ ਫਿਰ ਬਾਹਰ ਨਿਕਲ ਨਹੀਂ ਸਕਿਆ। ਉਨ੍ਹਾਂ ਦੀ ਨਸ਼ੇ ਦੀ ਭੈੜੀ ਆਦਤ ਨੇ ਪੂਰਾ ਪਰਵਾਰ ਬਰਬਾਦ ਕਰ ਦਿੱਤਾ।
ਪੁੱਤਾਂ ਨੂੰ ਨਸ਼ੇੜੀ ਦੇਖ ਪ੍ਰੇਸ਼ਾਨੀ ਵਿਚ ਪਿਤਾ ਦਾ ਦੇਹਾਂਤ ਹੋ ਗਿਆ। ਪਰ ਉਸ ਤੋਂ ਬਾਅਦ ਵੀ ਉਹ ਨਹੀਂ ਸੰਭਲੇ ਤਾਂ ਮਾਂ ਘਰ ਛੱਡ ਕੇ ਪੇਕੇ ਚਲੀ ਗਈ। ਮਾਂ ਦੇ ਜਾਣ ਦੇ ਬਾਅਦ ਦੋਨਾਂ ਭਰਾਵਾਂ ਨੂੰ ਲਗਾ ਕਿ ਉਨ੍ਹਾਂ ਨੇ ਆਪਣੇ ਘਰ ਦੀਆਂ ਖੁਸ਼ੀਆਂ ਦਾ ਕਤਲ ਕਰ ਦਿੱਤਾ। ਦੋਨਾਂ ਨੇ ਠਾਨ ਲਿਆ ਕਿ ਹੁਣ ਨਸ਼ੇ ਤੋਂ ਤੌਬਾ ਕਰਨਗੇ। ਵੱਡਾ ਭਰਾ ਪੂਰੀ ਤਰ੍ਹਾਂ ਨਾਲ ਨਸ਼ਾ ਛੱਡ ਚੁੱਕਿਆ ਹੈ ਛੋਟਾ ਹੁਣ ਨਸ਼ਾ ਛੁਡਾਓ ਕੇਂਦਰ ਤੋਂ ਇਲਾਜ਼ ਕਰਵਾ ਰਿਹਾ ਹੈ।
ਦੋਨਾਂ ਦੀ ਇੱਕ ਹੀ ਇੱਛਾ ਹੈ ਕਿ ਉਨ੍ਹਾਂ ਦੀ ਮਾਂ ਘਰ ਵਾਪਸ ਆ ਜਾਵੇ। ਉਹਨਾਂ ਨੇ ਦੱਸਿਆ ਕਿ ਉਸ ਨੇ ਆਪਣੀ ਸਕੂਲ ਦੀ ਪੜ੍ਹਾਈ ਕਪੂਰਥਲਾ ਫੌਜੀ ਸਕੂਲ ਤੋਂ ਕੀਤੀ। ਇਸ ਦੇ ਬਾਅਦ ਪਟਿਆਲਾ ਆ ਗਏ ਤਾਂ ਬਾਕੀ ਦੀ ਪੜ੍ਹਾਈ ਪਲੇ ਵੇਅ ਸਕੂਲ ਤੋਂ ਪੂਰੀ ਕੀਤੀ। ਉਹਨਾਂ ਨੇ ਦਸਿਆ ਕਿ ਪਿਤਾ ਦੀ ਸਰਕਾਰੀ ਨੌਕਰੀ ਸੀ। ਕੋਈ ਕਮੀ ਨਹੀਂ ਸੀ। ਵੱਡਾ ਭਰਾ ਨਸ਼ਾ ਕਰਦਾ ਸੀ। ਫਿਰ ਉਸ ਨੂੰ ਅਜਿਹੀ ਭੈੜੀ ਆਦਤ ਲੱਗੀ ਕਿ ਬਾਹਰ ਨਹੀਂ ਨਿਕਲ ਸਕਿਆ।
ਇਸ ਮਾਮਲੇ ਸਬੰਧੀ ਪੀੜਤ ਨੇ ਦੱਸਿਆ ਕਿ ਦੋਸਤਾਂ ਦੇ ਨਾਲ ਨਸ਼ੇ ਦੀ ਲੱਗੀ ਭੈੜੀ ਆਦਤ ਦੇ ਚਲਦੇ ਉਸ ਨੂੰ ਪੁਲਿਸ ਨੇ ਚਟੋਕਾ ਦੇ ਨਾਲ ਫੜਿਆ ਅਤੇ 2 ਸਾਲ ਦੀ ਸਜ਼ਾ ਹੋਈ। ਉਹਨਾਂ ਨੇ ਦਸਿਆ ਕਿ 8 ਸਾਲ ਪਹਿਲਾਂ ਚਟੋਕਾ ਦਾ ਨਸ਼ਾ ਕਰਦਾ ਸੀ। ਚਟੋਕਾ ਨਾ ਮਿਲਣ ਲੱਗੀ ਤਾਂ ਉਹ ਟੀਕੇ ਲਗਾਉਣ ਲਗਾ। ਇਸ ਤੋਂ ਉਸ ਦੀਆਂ ਦੋਵੇਂ ਲੱਤਾਂ ਖ਼ਰਾਬ ਹੋ ਗਈਆਂ। ਹੁਣ ਹਾਲਾਤ ਅਜਿਹੇ ਹਨ ਕਿ ਡਰੈਸਿੰਗ ਦੇ ਪੈਸੇ ਨਹੀਂ ਹੁੰਦੇ ਤਾਂ ਆਪਣੇ ਆਪ ਹੀ ਡਰੈਸਿੰਗ ਕਰ ਲੈਂਦੇ ਹਨ। ਨਸ਼ੇ ਦੀ ਭੈੜੀ ਆਦਤ ਨੇ ਮਾਤਾ - ਪਿਤਾ ਖੌਹ ਲਿਆ ਅਤੇ 3 ਮੰਜਲਾ ਘਰ ਨੂੰ ਬਰਬਾਦ ਕਰ ਦਿੱਤਾ।
