ਚਿਰਾਗ ਫਲੋਰ 'ਜੇ.ਈ.ਈ ਐਡਵਾਂਸਡ 2020' 'ਚ ਰਹੇ ਅੱਵਲ
ਨਵੀਂ ਦਿੱਲੀ, 5 ਅਕਤੂਬਰ : (ਜੇ.ਈ.ਈ.) ਸੰਯੁਕਤ ਪ੍ਰਵੇਸ਼ ਪ੍ਰੀਖਿਆ ਐਡਵਾਂਸਡ 2020 ਦੇ ਅੱਜ ਐਲਾਨੇ ਨਤੀਜਿਆਂ 'ਚ ਇਸ ਵਾਰ ਆਈ. ਆਈ. ਟੀ. ਬਾਂਬੇ ਜ਼ੋਨ ਦੇ ਚਿਰਾਗ ਫਲੋਰ ਅੱਵਲ ਰਹੇ ਹਨ। ਚਿਰਾਗ ਨੇ ਕੁੱਲ 396 ਅੰਕਾਂ 'ਚੋਂ 352 ਅੰਕ ਪ੍ਰਾਪਤ ਕੀਤੇ ਹਨ।ਆਈ. ਆਈ. ਟੀ. ਰੁੜਕੀ ਦੀ ਕਨਿਸ਼ਕਾ ਮਿੱਤਲ ਨੇ ਲੜਕੀਆਂ ਦੀ ਸ਼੍ਰੇਣੀ 'ਚੋਂ ਪਹਿਲਾ ਸਥਾਨ ਹਾਸਲ ਕੀਤਾ ਹੈ, ਕਨਿਸ਼ਕਾ ਦੀ ਆਲ ਇੰਡੀਆ ਰੈਂਕ ਵਿਚ 17ਵਾਂ ਸਥਾਨ ਹੈ।। ਕਨਿਸ਼ਕਾ ਨੇ 396 'ਚੋਂ 315 ਅੰਕ ਪ੍ਰਾਪਤ ਕੀਤੇ ਹਨ।
ਇਹ ਨਤੀਜੇ ਭਾਰਤੀ ਤਕਨਾਲੋਜੀ ਸੰਸਥਾ ਦਿੱਲੀ ਵਲੋਂ ਜਾਰੀ ਕੀਤੇ ਗਏ ਹਨ।1,50,838 ਵਿਦਿਆਰਥੀਅ ਜੇ. ਈ. ਏ. ਐਡਵਾਂਸਡ ਦੇ ਇਮਤਿਹਾਨ ਵਿਚ ਸ਼ਾਮਲ ਹੋਏ ਸਨ, ਜਿਨ੍ਹਾਂ 'ਚੋਂ 43,204 ਵਿਦਿਆਰਥੀਆਂ ਨੇ ਸਫ਼ਲਤਾ ਹਾਸਲ ਕੀਤੀ ਹੈ। ਇਸ 'ਚੋਂ 6,707 ਕੁੜੀਆਂ ਨੇ ਸਫ਼ਲਤਾ ਹਾਸਲ ਕੀਤੀ। ਜੇ. ਈ. ਏ. ਐਡਵਾਂਸਡ ਦੀ ਅਧਿਕਾਰਤ ਵੈਬਸਾਈਟ http://jeeadv.ac.in 'ਤੇ ਨਤੀਜੇ ਚੈਕ ਕੀਤੇ ਜਾ ਸਕਦੇ ਹਨ। ਜਿਹੜੇ ਵਿਦਿਆਰਥੀ ਇਮਤਿਹਾਨ ਵਿਚ ਸ਼ਾਮਲ ਹੋਏ ਸਨ, ਉਹ ਜੇ. ਈ. ਏ. ਐਡਵਾਂਸਡ ਦੀ ਵੈਬਸਾਈਟ 'ਤੇ ਅਪਣਾ ਜੇ. ਈ. ਏ. ਐਡਵਾਂਸਡ ਰੋਲ ਨੰਬਰ, ਜਨਮ ਤਾਰੀਖ਼ ਅਤੇ ਮੋਬਾਇਲ ਨੰਬਰ ਭਰ ਦੇ ਅਪਣਾ ਨਤੀਜਾ ਚੈਕ ਕਰ ਸਕਦੇ ਹਨ। (ਏਜੰਸੀ)