ਅਮਰੀਕਾ ਪੁੱਜੇ 80 ਹਜ਼ਾਰ ਅਫ਼ਗ਼ਾਨੀ, ਪੈਂਟਾਗਨ

ਵਾਸ਼ਿੰਗਟਨ, 6 ਸਤੰਬਰ : ਅਫ਼ਗ਼ਾਨਿਸਤਾਨ ਤੋਂ ਆਖਰੀ ਜਹਾਜ਼ ਨਿਕਲੇ ਹੋਏ ਵੀ ਹਫ਼ਤਾ ਹੋ ਗਿਆ ਹੈ। ਇਸ ਕੌਮਾਂਤਰੀ ਉਥਲ ਪੁਥਲ ਦੇ ਵਿਚ ਅਮਰੀਕਾ ਦੇ ਸਾਹਮਣੇ ਹੁਣ ਇਕ ਚੁਣੌਤੀ ਇਹ ਵੀ ਹੈ ਕਿ ਜਿਹੜੇ ਅਫ਼ਗ਼ਾਨੀ ਨਾਗਰਿਕਾਂ ਨੂੰ ਉਹ ਬਤੌਰ ਰਫਿਊਜੀ ਅਫ਼ਗ਼ਾਨਿਸਤਾਨ ਤੋਂ ਕੱਢ ਕੇ ਲਿਆਇਆ ਹੈ, ਉਨ੍ਹਾਂ ਕਿਵੇਂ ਵਸਾਏ। ਬਾਈਡਨ ਪ੍ਰਸ਼ਾਸਨ ਦੇ ਅਧਿਕਾਰੀਆਂ ਮੁਤਾਬਕ ਇਨ੍ਹਾ ਅਫ਼ਗਾਨੀ ਰਫਿਊਜੀਆਂ ਦੀ ਗਿਣਤੀ 80 ਹਜ਼ਾਰ ਤੋਂ ਜ਼ਿਆਦਾ ਹੈ।
ਦੇਸ਼ ਵਿਚ ਵਸਣ ਤੋਂ ਪਹਿਲਾਂ ਇਨ੍ਹਾਂ ਰਫਿਊਜੀਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿਸ ਦੇ ਲਈ ਪੈਂਟਾਗਨ ਦੇ ਚਾਰ ਸੈਨਿਕ ਬੇਸ ਤੋਂ ਇਲਾਵਾ ਕੁਝ ਹੋਰ ਜਗ੍ਹਾ ਨੂੰ ਵੀ ਤਿਆਰ ਕੀਤਾ ਗਿਆ।
ਇਸ ਜਾਂਚ ਤੋਂ ਬਾਅਦ ਹੀ ਉਨ੍ਹਾਂ ਸਪੈਸ਼ਲ ਇਮੀਗਰੈਂਟ ਵੀਜ਼ਾ ਦਿੱਤਾ ਜਾ ਰਿਹਾ ਹੈ। ਕੁਝ ਲੋਕ ਅਜਿਹੇ ਵੀ ਹਨ ਜੋ ਜਾਂਚ ਵਿਚ ਸਹੀ ਪਾਏ ਜਾਣ ਤੋਂ ਬਾਅਦ ਵੀ ਵੀਜ਼ੇ ਦੀ ਸ਼ਰਤਾਂ ਪੂਰੀਆਂ ਨਹੀਂ ਕਰ ਪਾਉਂਦੇ ਹਨ। ਇਨ੍ਹਾਂ ਮਨੁੱਖਤਾ ਦੇ ਆਧਾਰ ’ਤੇ ਪੈਰੋਲ ਦੇ ਕੇ ਦੇਸ਼ ਵਿਚ ਐਂਟਰ ਹੋਣ ਦੀ ਆਗਿਆ ਦਿੱਤੀ ਜਾ ਰਹੀ ਹੈ।
ਬਾਈਡਨ ਪ੍ਰਸ਼ਾਸਨ ਦੇ ਅਧਿਕਾਰੀ ਕਹਿੰਦੇ ਹਨ ਕਿ ਅਫਗਾਨਿਸਤਾਨ ਤੋਂ ਜੋ ਲੋਕ ਅਮਰੀਕਾ ਪੁੱਜ ਰਹੇ ਹਨ ਉਨ੍ਹਾਂ ਪਹਿਲਾਂ ਸੈਨਿਕ ਬੇਸ ’ਤੇ ਰੱਖਿਆ ਜਾ ਰਿਹਾ ਹੈ।
30 ਦਿਨਾਂ ਤੱਕ ਉਨ੍ਹਾਂ ਦੀ ਜਾਂਚ ਹੋ ਰਹੀ ਹੈ। ਅਮਰੀਕੀ ਹੋਮਲੈਂਡ ਸਕਿਓਰਿਟੀ ਵਿਭਾਗ ਦੇ ਅਧਿਕਾਰੀ ਦਾ ਕਹਿਣਾ ਹੈ ਕਿ ਰਫਿਊਜੀਆਂ ਦਾ ਪੂਰਾ ਇਤਿਹਾਸ ਖੰਗਾਲਣ ਦੇ ਨਾਲ ਹੀ ਬਾਇਓਮੈਟ੍ਰਿਕ ਜਾਂਚ ਵੀ ਹੋ ਰਹੀ ਹੈ। ਕੁਝ ਲੋਕਾਂ ਨੂੰ ਇਸ ਜਾਂਚ ਦੇ ਸਿਲਸਿਲੇ ਵਿਚ ਕਤਰ ਵੀ ਲਿਜਾਇਆ ਗਿਆ , ਜਾਂਚ ਲਈ ਪੈਂਟਾਗਨ ਨੇ ਅਪਣੇ ਚਾਰ ਸੈਨਿਕ ਬੇਸ ਤੈਅ ਕੀਤੇ ਹਨ।     (ਏਜੰਸੀ)
ਨਿਊਜਰਸੀ ਵਿਚ ਮੈਕਗਵਾਇਰ-ਡਿਕਸ-ਲੇਕਹਰਸਟ ਜਾਇੰਟ ਬੇਸ, ਵਰਜੀਨਿਆ ਵਿਚ ਫੋਰਟ ਲੀ, ਟੈਕਸਾਸ ਵਿਚ ਫੋਰਟ ਬਿਲਸ ਅਤੇ ਵਿਸਕੌਨਸਿਨ ਵਿਚ ਫੋਰਟ ਮੈਕਾਏ ਵਿਚ ਰਫਿਊਜਿੰਗ ਦੀ ਪ੍ਰੋਸੈਸਿੰਗ ਹੋ ਰਹੀ ਹੈ। ਵਰਜੀਨਿਆ ਵਿਚ ਕਵਾਂਟਿਕੋ ਸਥਿਤ ਮਰੀਨ ਕੋਰ ਬੇਸ ਅਤੇ ਵਾਸ਼ਿੰਗਟਨ ਡੀਸੀ ਦੇ ਨੇੜੇ ਐਕਸਪੋ ਸੈਂਟਰ ਨੂੰ ਵੀ ਇਸ ਕੰਮ ਵਿਚ ਜੋੜਿਆ ਜਾ ਰਿਹਾ ਹੈ। ਨਿਊਯਾਰਕ ਦੇ ਜੇਐਫਕੇ ਏਅਰਪੋਰਟ’ਤੇ ਕਾਰਗੋ ਬਿਲਡਿੰਗ ਨੂੰ ਵੀ ਰਫਿਊਜੀਆਂ ਦੇ ਲਈ ਅਸਥਾਈ ਰਿਹਾਇਸ਼ ਵਿਚ ਬਦਲਿਆ ਜਾ ਰਿਹਾ। ਜਾਂਚ ਦੇ ਨਾਲ ਹੀ ਰਫਿਊਜੀਆਂ ਨੰ ਕਾਗਜ਼ਾਤ ਦਿਵਾਉਣ ਵਿਚ ਮਦਦ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਅਮਰੀਕੀ ਸਭਿਆਚਾਰ ਸਮਝਾਉਣ ਦੇ ਲਈ ਓਰਿਐਂਟੇਸ਼ਨ ਕੋਰਸ ਵੀ ਕਰਾਏ ਜਾ ਹੇ ਹਨ। ਹਰ ਰਫਿਊਜੀ ਦੀ ਕੋਵਿਡ ਜਾਂਚ ਵੀ ਹੋ ਰਹੀ ਹੈ। ਡਲਾਸ ਐਕਸਪੋ ਸੈਂਟਰ ਵਿਚ ਇੱਕ ਵੈਕਸੀਨੇਸ਼ਨ ਕੈਂਪ ਵੀ ਚਲ ਰਿਹੈ ਰਿਸੈਟਲਮੈਂਟ ਏਜੰਸੀਆਂ ਇਨ੍ਹਾਂ ਪਰਵਾਰਾਂ ਦੇ ਰਹਿਣ ਖਾਣ ਦੇ ਨਾਲ ਹੀ ਉਨ੍ਹਾਂ ਦੇ ਲਈ ਰੋਜ਼ਗਾਰ ਦੀ ਵੀ ਵਿਵਸਥਾ ਕਰ ਰਹੀ ਹੈ।