ਜਦਕਿ ਇਹਨਾਂ ਵਿੱਚੋਂ ਦੋ ਕੇਸ ਅਲੱਗ ਤੋਂ ਹਨ
ਪੰਚਕੂਲ- ਪੰਚਕੂਲਾ ਵਿੱਚ 24 ਘੰਟਿਆਂ ਦੌਰਾਨ ਕੋਰੋਨਾ ਪਾਜ਼ੇਟਿਵ ਦੇ 9 ਕੇਸ ਸਾਹਮਣੇ ਆਏ। ਜਦਕਿ ਇਹਨਾਂ ਵਿੱਚੋਂ ਦੋ ਕੇਸ ਅਲੱਗ ਤੋਂ ਹਨ ਜਿਹਨਾਂ ਨੇ ਆਪਣਾ ਸਹੀ ਪਤਾ ਨਾ ਲਿਖਾਉਂਦੇ ਹੋਏ ਪੰਚਕੂਲਾ ਦਾ ਗਲਤ ਪਤਾ ਲਿਖਾ ਕੇ ਪੰਚਕੂਲਾ ਦੇ ਸਰਕਾਰੀ ਹਸਪਤਾਲ ਦੀ ਲੇਬੋਰਟਰੀ ਤੋਂ ਟੈਸਕ ਕਰਵਾਇਆ ਹੈ ਅਤੇ ਇਹ ਦੋਨੋਂ ਵਿਅਕਤੀ ਕੋਰੋਨਾ ਪਾਜ਼ੇਟਿਵ ਆਏ ਹਨ।
Corona Virus
ਪੰਚਕੂਲਾ ਦੀ ਸਿਵਲ ਸਰਜਨ ਡਾਕਟਰ ਜਸਜੀਤ ਕੌਰ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਇਹ ਦੋ ਕੇਸ ਅਸਲ ਵਿੱਚ ਚੰਡੀਗੜ੍ਹ ਅਤੇ ਪੰਚਕੂਲਾ ਨਾਲ ਲਗਦੇ ਜ਼ੀਰਕਰਪੁਰ ਦੇ ਹਨ। ਇਹਨਾਂ ਦੋਹਾਂ ਦੇ ਪਾਜ਼ੇਟਿਵ ਹੋਣ ਦੀ ਸੂਚਨਾ ਇਹਨਾਂ ਦੇ ਇਲਾਕੇ ਦੇ ਸਿਹਤ ਵਿਭਾਗ ਨੂੰ ਦੇ ਦਿੱਤੀ ਗਈ ਹੈ ਅਤੇ ਇਹਨਾਂ ਨੂੰ ਆਈਸੋਲੇਸ਼ਨ ਕਰਨ ਲਈ ਕਿਹਾ ਗਿਆ ਹੈ।
Corona Virus
ਖ਼ਬਰ ਲਿਖੇ ਜਾਣ ਤੱਕ ਜਿਹੜੇ 4 ਨਵੇਂ ਕੋਰੋਨਾ ਪਾਜ਼ੇਟਿਵ ਕੇਸ ਆਏ ਸਨ ਉਹਨਾਂ ਦੀ ਟਰੈਵਲ ਹਿਸਟਰੀ ਗੁਰੂਗ੍ਰਾਮ ਅਤੇ ਦਿੱਲੀ ਦੱਸੀ ਗਈ ਹੈ। 24 ਘੰਟਿਆਂ ਦੌਰਾਨ ਇਹਨਾਂ 9 ਕੇਸਾਂ ਵਿੱਚੋਂ ਪਿੰਜ਼ੌਰ ਦੇ ਇੱਕ ਪਰਿਵਾਰ ਦੇ 4 ਮੈਂਬਰ ਸ਼ਾਮਲ ਹਨ, ਜਦਕਿ ਕਾਲਕਾ ਦੀ ਇੱਕ ਮਹਿਲਾ ਕੋਰੋਨਾ ਪਾਜ਼ੇਟਿਵ ਆਈ ਹੈ।
Corona Virus
24 ਘੰਟਿਆਂ ਵਿੱਚ ਨਵੇਂ 9 ਕੇਸ ਆ ਜਾਣ ਕਾਰਨ ਸਿਹਤ ਵਿਭਾਗ ਵਿੱਚ ਹੜਕੰਪ ਮਚ ਗਿਆ ਹੈ ਅਤੇ ਹੁਣ ਸਿਹਤ ਵਿਭਾਗ ਅਤੇ ਪ੍ਰਸ਼ਾਸਨ ਹੋਰ ਚੇਤੰਨ ਹੋ ਗਿਆ ਹੈ। ਜਿਹੜੇ ਹੁਣੇ ਹੁਣੇ 4 ਕੇਸ ਨਵੇਂ ਕੋਰੋਨਾ ਪਾਜੇਟਿਵ ਆਏ ਹਨ ਉਹਨਾਂ ਦੇ ਸੰਪਰਕ ਵਿੱਚ ਆਉਣ ਵਾਲਿਆਂ ਦੀ ਸੂਚੀ ਬਣਾਈ ਜਾ ਰਹੀ ਹੈ।
Corona Virus
ਇਹਨਾਂ 4 ਕੇਸਾਂ ਤੋਂ ਇਲਾਵਾ ਪਿੰਜ਼ੌਰ ਦੇ ਜਿਹੜੇ ਹੋਰ 4 ਕੇਸ ਹਨ ਉਹਨਾਂ ਵਿੱਚੋਂ ਅਬਦੁੱਲਪੁਰ ਦਾ ਰਹਿਣ ਵਾਲਾ ਇੱਕ ਪਰਿਵਾਰ ਦੇ ਵਿੱਚ ਪਤੀ-ਪਤਨੀ, ਬੇਟੇ ਅਤੇ ਉਹਨਾਂ ਦੀ ਇੱਕ ਰਿਸ਼ਤੇਦਾਰ ਵੀ ਕੋਰੋਨਾ ਪਾਜ਼ੇਟਿਵ ਹੋਈ ਹੈ।
Corona Virus
ਜਦਕਿ ਅੰਬਾਲਾ ਤੋਂ ਬਸ ਰਾਹੀਂ ਆਈ ਕਾਲਕਾ ਦੀ ਇੱਕ ਮਹਿਲਾ ਜੋ ਫਰੈਂਡਜ਼ ਕਲੋਨੀ ਦੀ ਨਿਵਾਸੀ ਹੈ ਉਹ ਵੀ ਕੋਰੋਨਾ ਪਾਜ਼ੇਟਿਵ ਆਈ ਹੈ ਅਤੇ ਇਹਨਾਂ ਸਭ ਨੂੰ ਆਈਸੋਲੇਸ਼ਨ ਵਾਰਡ ਵਿੱਚ ਭਰਤੀ ਕੀਤਾ ਗਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
