ਮੁਲਜ਼ਮ ਪਿਛਲੇ ਕਈ ਦਿਨਾਂ ਤੋਂ ਖਰੜ ਦੀ ਮੰਡੀ ਵਿਚ ਅਜਿਹੇ 500-500 ਰੁਪਏ ਦੇ ਨੋਟ ਚਲਾ ਰਿਹਾ ਸੀ।

Punjab News: ਖਰੜ ਪੁਲਿਸ ਨੇ ਇਕ ਵਿਅਕਤੀ ਨੂੰ 47,000 ਰੁਪਏ ਦੀ ਜਾਅਲੀ ਕਰੰਸੀ ਸਮੇਤ ਕਾਬੂ ਕੀਤਾ ਹੈ। ਸਾਰੇ ਨੋਟ 500-500 ਰੁਪਏ ਦੇ ਹਨ। ਇਸ ਸਬੰਧੀ ਪੁਲਿਸ ਨੇ ਐਸਬੀਪੀ ਸਿਟੀ ਆਫ਼ ਡਰੀਮਜ਼, ਸੰਤੇ ਮਾਜਰਾ ਦੇ ਫਲੈਟ ਨੰਬਰ 1059 ਦੇ ਰਹਿਣ ਵਾਲੇ ਸੁਖਮੀਤ ਸਿੰਘ ਵਿਰੁਧ ਧਾਰਾ 489-ਸੀ ਤਹਿਤ ਕੇਸ ਦਰਜ ਕਰ ਲਿਆ ਹੈ। ਦਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮ ਖਰੜ ਦੇ ਵੱਖ-ਵੱਖ ਪ੍ਰਾਪਰਟੀ ਡੀਲਰਾਂ ਨਾਲ ਬ੍ਰੋਕਰ ਦਾ ਕੰਮ ਕਰਦਾ ਹੈ।

ਮੁਲਜ਼ਮ ਪਿਛਲੇ ਕਈ ਦਿਨਾਂ ਤੋਂ ਖਰੜ ਦੀ ਮੰਡੀ ਵਿਚ ਅਜਿਹੇ 500-500 ਰੁਪਏ ਦੇ ਨੋਟ ਚਲਾ ਰਿਹਾ ਸੀ। ਇਸ ਸਬੰਧੀ ਪੁਲਿਸ ਨੂੰ ਲਗਾਤਾਰ ਸ਼ਿਕਾਇਤਾਂ ਮਿਲ ਰਹੀਆਂ ਸਨ। ਸੂਚਨਾ ਮਿਲਣ ਤੋਂ ਬਾਅਦ ਪੁਲਿਸ ਨੇ ਮੁਲਜ਼ਮ ਵਿਰੁਧ ਮਾਮਲਾ ਦਰਜ ਕਰ ਕੇ ਜਾਲ ਵਿਛਾਇਆ ਅਤੇ ਉਸ ਨੂੰ ਸੁਸਾਇਟੀ ਦੇ ਸਾਹਮਣੇ ਤੋਂ ਪੈਦਲ ਆਉਂਦੇ ਹੋਏ ਕਾਬੂ ਕਰ ਲਿਆ।

One arrested with fake currency worth 47 thousand rupees in Kharar,

ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।

ਤਲਾਸ਼ੀ ਲੈਣ 'ਤੇ ਉਸ ਕੋਲੋਂ 500-500 ਰੁਪਏ ਦੇ ਨੋਟਾਂ ਦੀ ਕਾਪੀ ਬਰਾਮਦ ਹੋਈ, ਜਿਸ ਦੀ ਜਾਂਚ ਕਰਨ 'ਤੇ ਇਸ ਕਾਪੀ 'ਚ ਵੱਖ-ਵੱਖ ਸੀਰੀਅਲ ਨੰਬਰਾਂ ਨੋਟ ਮੌਜੂਦ ਸਨ। ਇਸ ਦੌਰਾਨ ਕੁੱਲ 94 ਨਕਲੀ ਨੋਟ ਬਰਾਮਦ ਕੀਤੇ ਗਏ।  

(For more Punjabi news apart from One arrested with fake currency worth 47 thousand rupees in Kharar, stay tuned to Rozana Spokesman)