ਸਿਹਤ ਮੰਤਰੀ ਬਲਬੀਰ ਸਿੱਧੂ ਦਾ ਕਹਿਣਾ ਹੈ ਕਿ ਜਦੋਂ ਉਹਨਾਂ ਨੂੰ ਇਸ ਘਟਨਾ...
ਚੰਡੀਗੜ੍ਹ: ਮੋਹਾਲੀ ਦੇ ਪਿੰਡ ਬਲੌਂਗੀ ਵਿਚ ਰਾਮ ਲੀਲਾ ਗ੍ਰਾਉਂਡ ਨੇੜੇ ਬੀਤੀ ਰਾਤ ਕਲੋਰਿਨ ਗੇਸ ਦਾ ਸਲੰਡਰ ਲੀਕ ਹੋ ਗਿਆ ਸੀ। ਜਿਸ ਨਾਲ ਕਾਫੀ ਲੋਕਾਂ ਦੀ ਹਾਲਤ ਖਰਾਬ ਹੋ ਗਈ ਸੀ ਜਿਹਨਾਂ ਨੂੰ ਤੁਰੰਤ ਹਸਪਤਾਲ ਭਰਤੀ ਕਰਵਾਇਆ ਗਿਆ।
Health Minister Balbir Singh Sidhu
ਸਿਹਤ ਮੰਤਰੀ ਬਲਬੀਰ ਸਿੱਧੂ ਦਾ ਕਹਿਣਾ ਹੈ ਕਿ ਜਦੋਂ ਉਹਨਾਂ ਨੂੰ ਇਸ ਘਟਨਾ ਬਾਰੇ ਪਤਾ ਲੱਗਿਆ ਤਾਂ ਉਹਨਾਂ ਨੇ ਸੀਐਮਓ ਨਾਲ ਗੱਲਬਾਤ ਕੀਤੀ ਸੀ ਉਹਨਾਂ ਦਸਿਆ ਕਿ ਸਾਰੇ ਬੰਦੇ ਬਿਲਕੁੱਲ ਠੀਕ ਹਨ ਤੇ ਉਹ ਡਿਸਚਾਰਜ ਹੋ ਕੇ ਘਰ ਜਾ ਚੁੱਕੇ ਹਨ। ਇਸ ਤੋਂ ਇਲਾਵਾ 3 ਵਿਅਕਤੀ ਹਸਪਤਾਲ ਵਿਚ ਦਾਖਲ ਹਨ ਅਤੇ ਉਹਨਾਂ ਦੀ ਹਾਲਤ ਵੀ ਹੁਣ ਕਾਫੀ ਠੀਕ ਹੋ ਚੁੱਕੀ ਹੈ।
People
ਉਹਨਾਂ ਨੇ ਹਸਪਤਾਲ ਵੀ ਜਾਣਾ ਸੀ ਪਰ ਵਾਇਰਸ ਦੇ ਚਲਦਿਆਂ ਹੁਣ ਉਹ ਹਸਪਤਾਲ ਨਹੀਂ ਜਾ ਸਕਦੇ ਕਿਉਂ ਕਿ ਉੱਥੇ ਹੀ ਕੋਰੋਨਾ ਦੇ ਕਈ ਮਰੀਜ਼ ਹੋ ਸਕਦੇ ਹਨ। ਉਹਨਾਂ ਨੇ ਮੌਕੇ ਤੇ ਆ ਕੇ ਇੱਥੋਂ ਦੇ ਹਾਲਾਤ ਦੇਖੇ ਹਨ ਤੇ ਉਹਨਾਂ ਨੂੰ ਬੇਹੱਦ ਦੁੱਖ ਹੈ ਕਿਉਂ ਕਿ ਇੱਥੋਂ ਦੇ ਹਾਲਾਤ ਪਹਿਲਾਂ ਹੀ ਬਹੁਤ ਮਾੜੇ ਹਨ। ਉਹਨਾਂ ਨੇ ਇਸ ਥਾਂ ਦੀ ਸਫ਼ਾਈ ਕਰਵਾਉਣ ਬਾਰੇ ਵੀ ਗੱਲ ਆਖੀ ਹੈ।
Mohali
ਜੇ ਕਿਸੇ ਹੋਰ ਇਲਾਕੇ ਵਿਚ ਅਜਿਹੇ ਪੁਰਾਣੇ ਸਲੰਡਰ ਪਏ ਹਨ ਤਾਂ ਉਹਨਾਂ ਨੂੰ ਇਕ ਥਾਂ ਇਕੱਠੇ ਕਰ ਕੇ ਸਟੋਰ ਕਰ ਦਿੱਤਾ ਜਾਵੇ ਤਾਂ ਜੋ ਕੋਈ ਹੋਰ ਹਾਦਸਾ ਨਾ ਵਾਪਰੇ। ਇੱਥੇ ਟਿਊਬਵੈਲ ਪੁਰਾਣੀ ਪੰਚਾਇਤ ਨੇ ਲਗਾਇਆ ਸੀ ਪਰ ਹੁਣ ਪੰਚਾਇਤ ਬਦਲ ਗਈ ਤੇ ਉਹਨਾਂ ਨੇ ਇਸ ਵੱਲ ਧਿਆਨ ਨਹੀਂ ਦਿੱਤਾ।
Health Minister Balbir Singh Sidhu
ਜੋ ਚਾਰਜ ਹੁੰਦਾ ਹੈ ਉਹ ਪੰਚਾਇਤੀ ਰਾਜ ਡੀਡੀਪੀਓ ਦੇ ਹੱਥ ਹੁੰਦਾ ਹੈ, ਉਹਨਾਂ ਵੱਲੋਂ ਰਿਪੋਰਟ ਬਣਾ ਕੇ ਦਿੱਤੀ ਜਾਂਦੀ ਹੈ ਤੇ ਓਵਰ ਹੈਡ ਡਿਪਾਰਟਮੈਂਟ ਨੂੰ ਦੇਣਾ ਹੁੰਦਾ ਹੈ। ਪਹਿਲਾਂ ਵਾਲੀ ਪੰਚਾਇਤ ਨੇ ਚਾਰਜ ਛੱਡ ਦਿੱਤਾ ਸੀ ਪਰ ਪਿੰਡ ਨੂੰ ਪਾਣੀ ਦੇਣਾ ਸੀ ਇਸ ਲਈ ਵਿਭਾਗ ਨੇ ਅਪਣੀ ਜ਼ਿੰਮੇਵਾਰੀ ਸਮਝਦੇ ਹੋਏ ਪਾਣੀ ਦੀ ਸੇਵਾ ਸ਼ੁਰੂ ਕੀਤੀ ਹੈ।
Mohali
ਉਹਨਾਂ ਕਿਹਾ ਕਿ ਇਹਨਾਂ ਦੀ ਐਕਸਪਾਇਰੀ ਡੇਟ ਕਰ ਕੇ ਨਹੀਂ ਸਗੋਂ ਲੋਹਾ ਗਲਣ ਕਰ ਕੇ ਇਹ ਘਟਨਾ ਵਾਪਰੀ ਹੈ। ਇਸ ਘਟਨਾ ਦੀ ਇਨਕੁਆਇਰੀ ਕੀਤੀ ਜਾਵੇਗੀ। ਦਸ ਦਈਏ ਕਿ ਗੈਸ ਸਿਲੰਡਰ ਕਰੀਬ 10 ਸਾਲ ਪੁਰਾਣਾ ਦੱਸਿਆ ਜਾ ਰਿਹਾ ਹੈ ਜਿਸ ਨੂੰ ਪਾਣੀ ਵਾਲੇ ਟੈਂਕ ਲਈ ਪਾਣੀ ਦੀ ਸਫ਼ਾਈ ਲਈ ਰੱਖਿਆ ਹੋਇਆ ਸੀ ਜੋ ਕਿ ਬੀਤੀ ਰਾਤ ਲੀਕ ਹੋ ਗਿਆ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
