ਜਦੋਂ ਪੁੱਟੀ ਧਰਤੀ ਤਾਂ ਦੇਖ ਖੁੱਲ੍ਹੀਆਂ ਰਹਿ ਗਈਆਂ ਅੱਖਾਂ
ਨਾਭਾ: ਦੇਸ਼ ਅੰਦਰ ਅਜਿਹੇ ਅਨੇਕਾ ਹੀ ਪਖੰਡੀ ਬਾਬੇ ਨੇ ਜੋ ਲੋਕਾ ਨੂੰ ਵਹਿਮਾਂ ਭਰਮਾਂ ਵਿਚ ਪਾ ਕੇ ਲੱਖਾ ਰੁਪਏ ਠੱਗਣ ਵਿਚ ਕਾਮਯਾਬ ਹੋ ਜਾਦੇ ਹਨ। ਅਜਿਹੀ ਹੀ ਇਕ ਘਟਨਾ ਵਾਪਰੀ ਹੈ ਨਾਭਾ ਬਲਾਕ ਦੇ ਪਿੰਡ ਰਾਮਗੜ ਵਿਚ ਜਿਥੇ ਕਿਸਾਨ ਹਾਕਮ ਸਿੰਘ ਕੋਲੋ ਬੀਤੀ 5 ਮਈ ਨੂੰ ਠੱਗ ਬਾਬਿਆ ਨੇ ਪੈਸੇ ਦੁਗਣੇ ਕਰਨ ਅਤੇ ਉਸ ਦੇ 2 ਬੇਟਿਆਂ ਦਾ ਵਧੀਆ ਘਰ ਵਿਆਹ ਕਰਵਾਉਣ ਦਾ ਝਾਂਸਾ ਦੇ ਕੇ ਹਾਕਮ ਸਿੰਘ ਤੋ 30 ਲੱਖ ਰੁਪਏ ਘਰ ਤੋ ਮਗਵਾ ਲਏ ਤੇ ਪਿੰਡ ਵਿਚ ਹੀ ਡੇਰੇ ਵਿਚ ਲਜਾ ਕੇ ਪੈਸੇ ਗਾਗਰਾ ਵਿਚ ਪਾਕੇ ਜਮੀਨ ਵਿਚ ਦੱਬ ਦਿੱਤੇ ਤੇ ਕਿਹਾ ਕਿ ਤੁਹਾਡੇ ਪੈਸੇ ਦੁਗਣੇ ਹੋ ਜਾਣਗੇ।
Photo
ਦੂਜੇ ਪਾਸੇ ਦੋਵੇ ਲੜਕਿਆ ਦਾ ਵਿਆਹ ਚੰਡੀਗੜ ਵਿਖੇ ਕਰਵਾਉਣ ਲਈ ਤਿਆਰੀ ਕਰਨ ਲਈ ਕਿਹਾ ਅਤੇ ਘਰ ਵਿਚ ਹੀ ਕਿਸਾਨ ਨੇ ਮਠਿਆਈਆ ਬਣਵਾ ਲਈਆ। ਜਦੋਂ ਬਾਬੇ ਨੂੰ ਪੁੱਛਿਆ ਕਿ ਬਰਾਤ ਕਿੱਥੇ ਲੈ ਕੇ ਜਾਣੀ ਹੈ ਤਾ ਬਾਬਾ ਉਹਨਾ ਨੂੰ ਲਾਰੇ ਲਗਾਉਦਾ ਰਿਹਾ ਕੀ ਲੜਕੀਆਂ ਦੀ ਰਿਸ਼ਤੇਦਾਰੀ ਵਿਚ ਮੌਤ ਹੋ ਗਈ ਹੈ ਆਪਾ ਵਿਆਹ ਸਮਾਗਮ ਵਿਚ ਦੇਰੀ ਨਾਲ ਜਾਵਾਗੇ। ਜਿਸ ਤੋਂ ਬਾਅਦ ਵਿਚ ਬਾਬੇ ਨੇ ਫੋਨ ਬੰਦ ਕਰ ਲਿਆ।
ਜਦੋਂ ਡੇਰੇ ਵਿਚ ਪੀੜਤ ਕਿਸਾਨ ਨੇ ਵੇਖਿਆ ਤਾਂ ਉੱਥੇ ਨਾ ਹੀ 30 ਲੱਖ ਰੁਪਏ ਸਨ ਅਤੇ ਨਾ ਹੀ ਬਾਬੇ। ਫਿਰ ਹਾਕਮ ਸਿੰਘ ਨੇ ਇਸ ਦੀ ਸ਼ਿਕਾਇਤ ਥਾਣੇ ਵਿਚ ਕੀਤੀ। ਜਿਸ ਤੋਂ ਬਾਅਦ ਪੁਲਿਸ ਨੇ ਪਾਖੰਡੀ ਬਾਬਿਆਂ ਨੂੰ 18 ਲੱਖ ਰੁਪਏ ਸਮੇਤ ਗ੍ਰਿਫਤਾਰ ਕੀਤਾ ਹੈ। ਉਧਰ ਪੁਲਿਸ ਨੇ ਪਾਖੰਡੀ ਬਾਬਿਆਂ ਖਿਲਾਫ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪਰ ਸੋਚਣ ਦੀ ਗੱਲ ਹੈ ਕਿ ਅੱਜ ਕੱਲ ਪੜ੍ਹੇ ਲਿਖੇ ਲੋਕਾਂ ਦਾ ਜ਼ਮਾਨਾਂ ਹੋਣ ‘ਤੇ ਵੀ ਲੋਕ ਅੰਧ ਵਿਸ਼ਵਾਸ਼ ਵਿਚ ਫਸੇ ਹੋਏ ਜੋ ਇਨ੍ਹਾਂ ਪਾਖੰਡੀ ਬਾਬਿਆਂ ਮਗਰ ਲੱਗ ਕੇ ਆਪਣਾ ਨੁਕਸਾਨ ਕਰਵਾ ਰਹੇ ਹਨ।
