ਇਸ ਸਿਸਟਮ ਨੂੰ ਸਿਰਫ ਐਮਰਜੈਂਸੀ ਲਈ ਸ਼ੁਰੂ ਕੀਤਾ ਗਿਆ ਹੈ।
ਲੁਧਿਆਣਾ: ਐਮਰਜੈਂਸੀ ਵਿਚ ਛੁੱਟੀ ਲਈ ਐਪਲੀਕੇਸ਼ਨ ਲੈ ਕੇ ਪੁਲਿਸ ਮੁਲਾਜ਼ਮਾਂ ਨੂੰ ਹੁਣ ਇੱਧਰ-ਉੱਧਰ ਚੱਕਰ ਕੱਟਣ ਦੀ ਜ਼ਰੂਰਤ ਨਹੀਂ ਹੈ। ਕਿਉਂ ਕਿ ਹੁਣ ਉਹਨਾਂ ਲਈ ਈ-ਮੇਲ ਅਤੇ ਫੈਕਸ ਦੀ ਸੁਵਿਧਾ ਦਿੱਤੀ ਜਾ ਰਹੀ ਹੈ। ਜਿਸ ਦੀ ਮਦਦ ਨਾਲ ਕਿਤੋਂ ਵੀ ਉਹ ਅਪਣੀ ਛੁੱਟੀ ਅਪਲਾਈ ਕਰ ਸਕਦੇ ਹਨ ਅਤੇ ਉਸ ਨੂੰ ਮਨਜ਼ੂਰ ਵੀ ਕੀਤਾ ਜਾਵੇਗਾ। ਇਸ ਸਿਸਟਮ ਨੂੰ ਸਿਰਫ ਐਮਰਜੈਂਸੀ ਲਈ ਸ਼ੁਰੂ ਕੀਤਾ ਗਿਆ ਹੈ। ਜਿਸ ਦਾ ਮੁਲਾਜ਼ਮਾਂ ਨੂੰ ਵੱਡਾ ਫਾਇਦਾ ਹੋਵੇਗਾ।
ਵਿਭਾਗ ਸੂਤਰਾਂ ਮੁਤਾਬਕ ਪਹਿਲਾਂ ਐਮਰਜੈਂਸੀ ਛੁੱਟੀ ਲਈ ਮੁਲਾਜ਼ਮ ਜਾਂ ਉਹਨਾਂ ਦੇ ਪਰਵਾਰ ਨੂੰ ਵੱਖ-ਵੱਖ ਅਧਿਕਾਰੀਆਂ ਦੇ ਚੱਕਰ ਲਗਾਉਣੇ ਪੈਂਦੇ ਸਨ। ਅਧਿਕਾਰੀਆਂ ਕੋਲ ਵਰਕਲੋਡ ਹੋਣ ਕਰ ਕੇ ਐਪਲੀਕੇਸ਼ਨ ਆਨ ਦਾ ਟੇਬਲ ਹੀ ਰਹਿ ਜਾਂਦੀ ਸੀ ਉਦੋਂ ਤਕ ਮੁਲਜ਼ਮ ਛੁੱਟੀ ਪੂਰੀ ਵੀ ਕਰ ਆਉਂਦਾ ਸੀ। ਫਿਰ ਦੇਰੀ ਦੀ ਵਜ੍ਹਾ ਨਾਲ ਐਡਜਸਟਮੈਂਟ ਵੀ ਨਹੀਂ ਹੁੰਦੀ ਸੀ ਅਤੇ ਮੁਲਾਜ਼ਮਾਂ ਨੂੰ ਤਨਖ਼ਾਹ ਕਟਵਾਉਣੀ ਪੈਂਦੀ ਸੀ।
ਪਰ ਇਸ ਸਿਸਟਮ ਨਾਲ ਸਾਰਿਆਂ ਦੀ ਪਰੇਸ਼ਾਨੀਆਂ ਦਾ ਹਲ ਕਰ ਦਿੱਤਾ ਗਿਆ ਹੈ। ਐਮਰਜੈਂਸੀ ਛੁੱਟੀ, ਜਿਵੇਂ ਕਿ ਬਿਮਾਰੀ, ਦੁਰਘਟਨਾ ਹੋ ਜਾਂਦੀ ਹੈ ਤਾਂ ਉਸ ਦੇ ਲਈ ਮੁਲਾਜ਼ਮ ਅਪਣੀ ਲਿਖਤ ਛੁੱਟੀ (cpo.ldh.police@punjab.gov.in) ਤੇ ਈਮੇਲ ਜਾਂ ਫਿਰ 0161-2414943 ਤੇ ਫੈਕਸ ਕਰ ਸਕਦੇ ਹਨ। ਇਸ ਤੇ ਅਧਿਕਾਰੀ ਰਿਵਰਟ ਕਰੇਗਾ ਜਿਸ ਨਾਲ ਛੁੱਟੀ ਨੂੰ ਮਨਜ਼ੂਰ ਮੰਨਿਆ ਜਾਵੇਗਾ।
ਜਦੋਂ ਮੁਲਜ਼ਮ ਛੁੱਟੀ ਤੋਂ ਵਾਪਸ ਆਵੇਗਾ ਤਾਂ ਉਸ ਨੂੰ ਸਾਰੇ ਦਸਤਾਵੇਜ਼ ਲਿਆਉਣੇ ਪੈਣਗੇ ਜਿਸ ਬੇਸ ਤੇ ਛੁੱਟੀ ਲਈ ਹੈ। ਉਦਾਹਰਣ ਲਈ ਦੁਰਘਟਨਾ ਅਤੇ ਬਿਮਾਰੀ ਤੇ ਡਾਕਟਰ ਦੀ ਰਿਪੋਰਟ, ਮਾਤਾ-ਪਿਤਾ ਦੀ ਮੌਤ ਦਾ ਸਰਟੀਫ਼ਿਕੇਟ ਆਦਿ। ਇਸ ਨੂੰ ਦੇਖਣ ਤੋਂ ਬਾਅਦ ਹੀ ਛੁੱਟੀ ਦੇ ਪ੍ਰੋਸੈਸ ਨੂੰ ਪੂਰਾ ਸਮਝਿਆ ਜਾਵੇਗਾ। ਇਸ ਦੇ ਆਧਾਰ ਤੇ ਹੀ ਤਨਖ਼ਾਹ ਦਿੱਤੀ ਜਾਵੇਗਾ।
ਸੂਤਰਾਂ ਦਾ ਕਹਿਣਾ ਹੈ ਕਿ ਪਿਛਲੇ ਦਿਨਾਂ ਵਿਚ ਕੁੱਝ ਮੁਲਾਜ਼ਮਾਂ ਨੇ ਐਮਰਜੈਂਸੀ ਦਾ ਬਹਾਨਾ ਲਗਾ ਕੇ ਛੁੱਟੀਆਂ ਲਈਆਂ ਸਨ ਪਰ ਅਸਲੀਅਤ ਵਿਚ ਉਹ ਹੋਰ ਕਿਤੇ ਗਏ ਹੋਏ ਸਨ। ਅਧਿਕਾਰੀਆਂ ਕੋਲ 5 ਤੋਂ 6 ਮਾਮਲੇ ਅਜਿਹੇ ਆ ਚੁੱਕੇ ਹਨ। ਏਡੀਸੀਪੀ ਦੁਆਰਾ ਇਹ ਆਰਡਰ ਇੰਟਰਨਲ ਤੌਰ ਤੇ ਜਾਰੀ ਕੀਤਾ ਗਿਆ ਹੈ। ਜੋ ਕਿ ਥਾਣਿਆਂ, ਪੀਸੀਆਰ, ਟ੍ਰੈਫਿਕ ਮੁਲਾਜ਼ਮਾਂ ਅਤੇ ਪੁਲਿਸ ਲਾਈਨ ਵਿਚ ਤੈਨਾਤ ਮੁਲਾਜ਼ਮਾਂ ਲਈ ਹੈ।
ਇਸ ਨਵੇਂ ਸਿਸਟਮ ਨਾਲ ਅਧਿਕਾਰੀਆਂ ਦੀਆਂ ਪਰੇਸ਼ਾਨੀਆਂ ਹੱਲ ਹੋਣਗੀਆਂ ਅਤੇ ਉਹਨਾਂ ਨੂੰ ਪਤਾ ਚਲੇਗਾ ਕਿ ਇਕ ਸਮੇਂ ਵਿਚ ਕਿੰਨੇ ਮੁਲਾਜ਼ਮ ਛੁੱਟੀ ਤੇ ਹਨ ਜਦਕਿ ਪਹਿਲਾਂ ਇਸ ਦਾ ਵੀ ਅੰਦਾਜ਼ਾ ਹੀ ਲਗਾਇਆ ਜਾ ਰਿਹਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।