ਥਾਣਾ ਮੁਖੀ ਭਾਰਤ ਭੂਸ਼ਨ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮੁਖਬਰ ਵੱਲੋਂ ਇਤਲਾਹ ਦਿੱਤੀ ਗਈ ਕਿ ਨਜ਼ਦੀਕੀ ਪਿੰਡ ਮਿਂਢਵਾ ਵਿਖੇ ਇੱਕ ਘਰ ਵਿੱਚ ਛਾਪਾ ਮਾਰਕੇ
ਸ੍ਰੀ ਅਨੰਦਪੁਰ ਸਾਹਿਬ (ਸੇਵਾ ਸਿੰਘ) : ਥਾਣਾ ਮੁਖੀ ਭਾਰਤ ਭੂਸ਼ਨ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮੁਖਬਰ ਵੱਲੋਂ ਇਤਲਾਹ ਦਿੱਤੀ ਗਈ ਕਿ ਨਜ਼ਦੀਕੀ ਪਿੰਡ ਮਿਂਢਵਾ ਵਿਖੇ ਇੱਕ ਘਰ ਵਿੱਚ ਛਾਪਾ ਮਾਰਕੇ ਘਰ 'ਚੋਂ 3684 ਬੋਤਲਾਂ ਸ਼ਰਾਬ ਬਰਾਮਦ ਕੀਤੀਆਂ ਗਈਆਂ। ਜਿਨਾਂ 3600 ਬੋਤਲਾਂ ਵਿਸਕੀ 555 ਮਾਰਕਾ ਅੰਗਰੇਜ਼ੀ ਅਤੇ 84 ਬੋਤਲਾਂ ਮਾਲਵਾ ਦੇਸੀ ਸ਼ਰਾਬ ਸ਼ਾਮਲ ਹੈ। ਉਨ੍ਹਾਂ ਦੱਸਿਆਂ ਕਿ ਨਾਜਾਇਜ ਸ਼ਰਾਬ ਦਾ ਕੰਮ ਕਰਨ ਵਾਲੇ ਪੰਜ ਵਿਅਕਤੀਆ ਅਮਨ ਰਾਣਾ, ਅਜੇ ਰਾਣਾ, ਅਤੇ ਜਸਪਾਲ ਰਾਣਾ ਵਾਸੀ ਮੀਂਢਵਾ, ਮਿੰਟੂ ਵਾਸੀ ਮਾਂਗੇਵਾਲ ਅਤੇ ਹੈਪੀ ਵਾਸੀ ਗੰਗੂਵਾਲ ਦੇ ਖਿਲਾਫ ਵੱਖ ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਉਨ੍ਹਾਂ ਦਸਿਆ ਕਿ ਇਨ੍ਹਾਂ ਵਿਚੋਂ ਤਿੰਨ ਕਥਿਤ ਦੋਸ਼ੀਆਂ ਅਮਨ ਰਾਣਾ, ਅਜੇ ਰਾਣਾ ਅਤੇ ਜਸਪਾਲ ਰਾਣਾ ਨੂੰ ਗ੍ਰਿਫਤਾਰ ਕਰਨ ਤੋਂ ਇਲਾਵਾ ਇਨ੍ਹਾਂ ਵੱਲੋਂ ਸ਼ਰਾਬ ਵੇਚਣ ਲਈ ਵਰਤੋਂ 'ਚ ਲਿਆਂਦੀਆਂ 4 ਗੱਡੀਆਂ, ਜਿਨ੍ਹਾਂ 'ਚ ਹੁੰਡਈ ਕਰੇਟਾ ਨੰਬਰ ਪੀ ਬੀ 16 ਈ 7009, ਕਾਰ ਨੰਬਰ ਪੀ ਬੀ 12 ਆਰ 4100 ਮਾਰੂਤੀ ਸਵਿਫਟ ਨੰਬਰ 0499 ਅਤੇ ਇੱਕ ਛੋਟਾ ਹਾਥੀ ਨੰਬਰ ਪੀ ਬੀ 12 ਟੀ 7325 ਨੂੰ ਆਪਣੇ ਕਬਜੇ 'ਚ ਲੈ ਕੇ ਦੋਸ਼ੀਆਂ ਵਿਰੁਧ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿਤੀ ਗਈ ਹੈ।