ਇਹ ਯਾਤਰਾ ਸਿਰਫ਼ ਸੁਣਨ ਲਈ ਹੈ ਨਾ ਕਿ ਬੋਲਣ ਲਈ
ਫ਼ਤਿਹਗੜ੍ਹ ਸਾਹਿਬ - ਕਾਂਗਰਸ ਪਾਰਟੀ ਦੀ Bharat Jodo Yatra ਦਾ ਅੱਜ ਪਹਿਲਾਂ ਦਿਨ ਹੈ ਤੇ ਇਹ ਯਾਤਰਾ ਪੰਜਾਬ ਦੇ ਫ਼ਤਿਹਗੜ੍ਹ ਸਾਹਿਬ ਤੋਂ ਸ਼ੁਰੂ ਹੋਈ। ਇਸ ਤੋਂ ਪਹਿਲਾਂ ਪਾਰਟੀ ਦੇ ਸੰਸਦ ਮੈਂਬਰ ਅਤੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨੇ ਸਵੇਰੇ ਫਤਹਿਗੜ੍ਹ ਸਾਹਿਬ ਵਿਖੇ ਲਾਲ ਪੱਗ ਬੰਨ੍ਹ ਕੇ ਅਰਦਾਸ ਕੀਤੀ। ਪੰਜਾਬ ਵਿਚ ਭਾਰਤ ਜੋੜੋ ਯਾਤਰਾ ਦੌਰਾਨ ਪੰਜਾਬ ਲਈ ਯਾਤਰਾ ਦਾ ਥੀਮ ਗੀਤ ਰਿਲੀਜ਼ ਕੀਤਾ ਗਿਆ ਹੈ। ਗੀਤ ਪੰਜਾਬੀ ਭਾਸ਼ਾ ਵਿਚ ਹੈ। ਜਿਸ ਵਿਚ ਯਾਤਰਾ ਦੀ ਫੁਟੇਜ ਲਗਾਈ ਗਈ ਹੈ। 'ਦੱਸ ਨਾਲ ਸਾਡੇ ਹੁਣ ਕੌਣ ਚੱਲੂਗਾ... ਇਕ ਤੇਰਾ ਕਦਮ, ਇਕ ਮੇਰਾ ਕਦਮ, ਮਿਲ ਜਾਵੇ ਜੁੜ ਜਾਵੇ ਸਾਰਾ ਵਤਨ... ਚਲੀ ਚਲੀ, ਚਲੀ-ਚਲੀ ਭਾਰਤ ਜੋੜੋ ਯਾਤਰਾ ਚਲੀ... ਇਹ ਗੀਤ ਦੇ ਬੋਲ ਹਨ।
Rahul Gandhi
ਇਸ ਦੇ ਨਾਲ ਹੀ ਫ਼ਤਿਹਗੜ੍ਹ ਸਾਹਿਬ ਵਿਚ ਰਾਹੁਲ ਗਾਂਧੀ (Rahul Gandhi) ਨੇ ਬੋਲਦਿਆਂ ਕਿਹਾ ਕਿ ਅਸੀਂ ਸੋਚਿਆ ਕਿ ਇਸ ਯਾਤਰਾ ਵਿਚ ਭਾਰਤ ਦੇ ਸਭ ਤੋਂ ਵੱਡੇ ਮੁੱਦੇ- ਨਫ਼ਰਤ, ਹਿੰਸਾ, ਬੇਰੁਜ਼ਗਾਰੀ ਅਤੇ ਮਹਿੰਗਾਈ ਨੂੰ ਉਠਾਇਆ ਜਾਵੇਗਾ ਅਤੇ ਇਹਨਾਂ ਖਿਲਾਫ਼ ਲੜਾਈ ਲੜੀ ਜਾਵੇਗੀ। ਰਾਹੁਲ ਗਾਂਧੀ ਨੇ ਕਿਹਾ ਕਿ ਅਸੀਂ ਇਸ ਯਾਤਰਾ 'ਚ ਲੰਬੇ ਭਾਸ਼ਣ ਨਹੀਂ ਦਿੰਦੇ। ਇਹ ਸਫ਼ਰ ਬੋਲਣ ਦਾ ਨਹੀਂ, ਸੁਣਨ ਦਾ ਹੈ। ਅਸੀਂ ਸਵੇਰੇ 6 ਵਜੇ ਉੱਠਦੇ ਹਾਂ, ਲਗਭਗ 25 ਕਿਲੋਮੀਟਰ ਸੈਰ ਕਰਦੇ ਹਾਂ ਅਤੇ 6-7 ਘੰਟੇ ਤੁਹਾਨੂੰ ਸਭ ਨੂੰ ਸੁਣਦੇ ਹਾਂ। ਇਸ ਤੋਂ ਬਾਅਦ ਅਸੀਂ 10-15 ਮਿੰਟ ਤੱਕ ਆਪਣੇ ਵਿਚਾਰ ਰੱਖਦੇ ਹਾਂ। ਇਸ ਫੇਰੀ ਦੀ ਭਾਵਨਾ 'ਸੁਣਨਾ' ਹੈ।
Bharat Jodo Yatra
ਇਹ ਵੀ ਪੜ੍ਹੋ - ਸਰਦਾਰ ਮੁੰਡੇ ਨੇ ਖ਼ੁਦ ਨੂੰ ਬੇੜੀਆਂ ਵਿਚ ਜਕੜ ਕੇ ਕੀਤਾ ਪ੍ਰਦਰਸ਼ਨ, ਪੜ੍ਹੋ ਸਿੱਖ ਬੰਦੀ ਸਿੰਘਾਂ ਨੂੰ ਕਿਉਂ ਦੱਸਿਆ ਅਤਿਵਾਦੀ
ਫਤਿਹਗੜ੍ਹ ਸਾਹਿਬ 'ਚ ਕਾਂਗਰਸ ਦੇ ਸੰਸਦ ਮੈਂਬਰ ਰਾਹੁਲ ਗਾਂਧੀ ਨੇ ਕਿਹਾ ਕਿ ਭਾਜਪਾ ਵਾਲੇ ਇਕ ਜਾਤੀ ਨੂੰ ਦੂਜੀ ਜਾਤੀ ਨਾਲ, ਇਕ ਭਾਸ਼ਾ ਨੂੰ ਦੂਜੀ ਨਾਲ ਲੜਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਦੇਸ਼ ਦਾ ਮਾਹੌਲ ਖ਼ਰਾਬ ਕੀਤਾ ਜਾ ਰਿਹਾ ਹੈ। ਅਸੀਂ ਸੋਚਿਆ ਕਿ ਦੇਸ਼ ਨੂੰ ਪਿਆਰ, ਏਕਤਾ ਅਤੇ ਭਾਈਚਾਰੇ ਦਾ ਰਸਤਾ ਦਿਖਾਉਣਾ ਚਾਹੀਦਾ ਹੈ। ਇਸ ਲਈ ਅਸੀਂ ਇਹ ਯਾਤਰਾ ਸ਼ੁਰੂ ਕੀਤੀ।
Rahul Gandhi
ਰਾਹੁਲ ਗਾਂਧੀ ਨੇ ਕਿਹਾ ਕਿ ਦੇਸ਼ ਦਾ ਕਿਸਾਨ ਸਾਡੇ ਨਾਲੋਂ ਵੱਧ ਤੁਰਦਾ ਹੈ। ਇਸ ਸਫ਼ਰ ਵਿਚ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ। ਅਸੀਂ ਮਹਿੰਗਾਈ ਅਤੇ ਬੇਰੁਜ਼ਗਾਰੀ ਦੀ ਗੱਲ ਕਰਦੇ ਹਾਂ। ਬੇਰੁਜ਼ਗਾਰੀ ਅਤੇ ਮਹਿੰਗਾਈ ਦੇਸ਼ ਦੇ ਵੱਡੇ ਮੁੱਦੇ ਹਨ। ਕਾਂਗਰਸ ਸਾਂਸਦ ਰਾਹੁਲ ਗਾਂਧੀ ਨੇ ਕਿਹਾ ਕਿ ਇਹ ਯਾਤਰਾ ਬੋਲਣ ਦੀ ਨਹੀਂ ਹੈ। ਇਹ ਯਾਤਰਾ ਸੁਣਨ ਬਾਰੇ ਹੈ। ਭਾਰਤ ਜੋੜੋ ਯਾਤਰਾ ਨੂੰ ਲੋਕਾਂ ਦਾ ਸਮਰਥਨ ਮਿਲ ਰਿਹਾ ਹੈ। ਇਸ ਦੌਰਾਨ ਉਨ੍ਹਾਂ ਭਾਜਪਾ 'ਤੇ ਹਮਲਾ ਬੋਲਿਆ ਤੇ ਕਿਹਾ ਕਿ ਭਾਜਪਾ ਨੇ ਦੇਸ਼ ਦਾ ਮਾਹੌਲ ਖ਼ਰਾਬ ਕਰ ਦਿੱਤਾ ਹੈ। ਭਾਜਪਾ ਦੇਸ਼ ਵਿਚ ਨਫ਼ਰਤ ਫੈਲਾ ਰਹੀ ਹੈ। ਇਹ ਦੇਸ਼ ਏਕਤਾ ਅਤੇ ਭਾਈਚਾਰੇ ਦਾ ਹੈ।
