ਕੋਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਸ਼ਹਿਰ ਦੀਆਂ ਵੱਖ-ਵੱਖ ਸਮਾਜ ਸੇਵੀ ਸੰਸਥਾਵਾਂ ਵੀ ਅਪਣੇ-ਅਪਣੇ ਪੱਧਰ ਉਪਰ ਲੋੜਵੰਦਾਂ ਨੂੰ ਰਾਸ਼ਨ ਅਤੇ ਹੋਰ ਜ਼ਰੂਰਤ
ਮਾਲੇਰਕੋਟਲਾ (ਇਸਮਾਈਲ ਏਸੀਆ/ਡਾ. ਮੁਹੰਮਦ ਸਹਿਬਾਜ) : ਕੋਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਸ਼ਹਿਰ ਦੀਆਂ ਵੱਖ-ਵੱਖ ਸਮਾਜ ਸੇਵੀ ਸੰਸਥਾਵਾਂ ਵੀ ਅਪਣੇ-ਅਪਣੇ ਪੱਧਰ ਉਪਰ ਲੋੜਵੰਦਾਂ ਨੂੰ ਰਾਸ਼ਨ ਅਤੇ ਹੋਰ ਜ਼ਰੂਰਤ ਦਾ ਸਮਾਨ ਮੁਹੱਈਆ ਕਰਵਾ ਰਹੀਆਂ ਹਨ। ਇਸੇ ਲੜੀ ਨੂੰ ਅੱਗੇ ਤੋਰਦਿਆਂ ਹੁਣ ਮਾਲੇਰਕੋਟਲਾ ਸਬ ਡਵੀਜ਼ਨ ਵਿਚ ਸਥਿਤ ਵੱਖ-ਵੱਖ ਉਦਯੋਗਿਕ ਇਕਾਈਆਂ ਵੀ ਮਾਲੇਰਕੋਟਲਾ ਪ੍ਰਸ਼ਾਸਨ ਨੂੰ ਸਹਿਯੋਗ ਦੇਣ ਲਈ ਅੱਗੇ ਆਈਆਂ ਹਨ।
File photo
ਇਸ ਸਬੰਧੀ ਵਿਕਰਮਜੀਤ ਸਿੰਘ ਪਾਂਥੇ, ਐਸ.ਡੀ.ਐਮ. ਨੇ ਦਸਿਆ ਕਿ ਸਥਾਨਕ ਫੈਸ਼ਨ ਕ੍ਰੀਏਟਰ ਦੇ ਪ੍ਰੋਪਰਾਇਟਰ ਮੁਹੰਮਦ ਅਮਾਰ ਨੇ ਅੱਜ ਮੈਡੀਕਲ ਸਟਾਫ ਲਈ 50 ਪੀ.ਪੀ.ਈ (ਪਰਸਨਲ ਪ੍ਰੋਟੈਕਟਿਵ ਇਕਿਊਪਮੈਂਟਸ) ਕਿੱਟਾਂ ਐਸ.ਡੀ.ਐਮ. ਦਫਤਰ ਨੂੰ ਮੁਫਤ ਵਿਚ ਮੁਹਈਆ ਕਰਵਾਈਆਂ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਵਿਸ਼ੇਸ਼ ਕਿੱਟਾਂ ਹਨ ਜੋ ਕੋਰੋਨਾ ਪੋਜ਼ਟਿਵ ਮਰੀਜ਼ ਦਾ ਚੈਕਅਪ ਕਰਨ ਵਾਲੇ ਡਾਕਟਰ ਅਤੇ ਨਰਸਾਂ ਪਹਿਨਦੇ ਹਨ। ਇਸ ਮੌਕੇ ਫੈਸ਼ਨ ਕ੍ਰੀਏਟਰ ਦੇ ਪ੍ਰੋਪਰਾਇਟਰ ਸ੍ਰੀ ਮੁਹੰਮਦ ਅਮਾਰ ਨੇ ਦੱਸਿਆ ਕਿ ਇਹ ਕਿੱਟਾਂ ਸਿਹਤ ਵਿਭਾਗ ਦੇ ਮਾਪਦੰਡਾਂ ਦੀ ਪਾਲਣਾ ਕਰਦਿਆਂ 65 ਜੀ.ਐਸ.ਐਮ. ਮੋਟੇ ਕੱਪੜੇ ਨਾਲ ਤਿਆਰ ਕੀਤੀਆਂ ਗਈਆਂ ਹਨ ਜੋ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ।
