Advertisement

'ਆਪ' ਦਾ ਪੰਜਾਬ 'ਕਲੇਸ਼' ਹੋਰ ਵਧਣ ਲੱਗਾ

ਸਪੋਕਸਮੈਨ ਸਮਾਚਾਰ ਸੇਵਾ
Published Jul 12, 2019, 8:54 am IST
Updated Jul 13, 2019, 10:28 am IST
ਖਹਿਰਾ ਦੀ ਥਾਂ ਨੇਤਾ ਵਿਰੋਧੀ ਧਿਰ ਥਾਪੇ ਗਏ ਹਰਪਾਲ ਸਿੰਘ ਚੀਮਾ ਉਤੇ ਹੁਣ ਪਾਰਟੀ ਦੇ ਹੀ ਸੀਨੀਅਰ ਵਿਧਾਇਕ ਅਮਨ ਅਰੋੜਾ ਨੇ ਅਣਦੇਖੀ ਕਰਨ ਦੇ ਦੋਸ਼ ਲਗਾ ਦਿਤੇ ਹਨ। 
AAP
 AAP

ਚੰਡੀਗੜ੍ਹ (ਨੀਲ ਭਲਿੰਦਰ ਸਿੰਘ): ਜੁਲਾਈ 2018 'ਚ ਸੁਖਪਾਲ ਸਿੰਘ ਖਹਿਰਾ ਦੀ ਨੇਤਾ ਵਿਰੋਧੀ ਧਿਰ ਵਜੋਂ ਆਮ ਆਦਮੀ ਪਾਰਟੀ ਦੁਆਰਾ ਅਚਨਚੇਤ ਕੀਤੀ ਗਈ ਛੁੱਟੀ ਤੋਂ ਸ਼ੁਰੂ ਹੋਇਆ ਆਪ ਦਾ ਪੰਜਾਬ ਕਲੇਸ਼ ਮੁੱਕਣ ਦੀ ਥਾਂ ਹੋਰ ਵਧਦਾ ਜਾ ਰਿਹਾ ਹੈ। ਖਹਿਰਾ ਦੀ ਥਾਂ ਨੇਤਾ ਵਿਰੋਧੀ ਧਿਰ ਥਾਪੇ ਗਏ ਹਰਪਾਲ ਸਿੰਘ ਚੀਮਾ ਉਤੇ ਹੁਣ ਪਾਰਟੀ ਦੇ ਹੀ ਸੀਨੀਅਰ ਵਿਧਾਇਕ ਅਮਨ ਅਰੋੜਾ ਨੇ ਅਣਦੇਖੀ ਕਰਨ ਦੇ ਦੋਸ਼ ਲਗਾ ਦਿਤੇ ਹਨ। 

Aman AroraAman Arora

ਅਰੋੜਾ ਨੇ ਪੁੱਛੇ ਜਾਣ ਉਤੇ ਫ਼ੋਨ ਉਤੇ ਇਸ ਪੱਤਰਕਾਰ ਕੋਲ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਉਹ ਪਿਛਲੇ ਕੁੱਝ ਦਿਨਾਂ ਤੋਂ ਪੰਜਾਬ ਖ਼ਾਸ ਕਰ ਕੇ ਚੰਡੀਗੜ੍ਹ ਵਿਚ ਹਨ ਪਰ ਕੁੱਝ ਦਿਨ ਪਹਿਲਾਂ ਸ਼ਾਮ ਵੇਲੇ ਉਨ੍ਹਾਂ ਨੂੰ ਮੀਡੀਆ ਨੇ ਸਵਾਲ ਕੀਤੇ ਕਿ ਸਦਨ ਵਿਚ ਪਾਰਟੀ ਦੇ ਨੇਤਾ ਹਰਪਾਲ ਸਿੰਘ ਚੀਮਾ ਵਲੋਂ ਵਿਧਾਇਕ ਦਲ ਦੀ ਬੁਲਾਈ ਗਈ ਬੈਠਕ ਵਿਚੋਂ ਉਹ ਕਿਉਂ ਨਦਾਰਦ ਸਨ? ਅਰੋੜਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਕਤ ਬੈਠਕ ਬਾਰੇ ਸੱਦਾ ਦੇਣਾ ਤਾਂ ਇਕ ਪਾਸੇ ਬਲਕਿ ਭਿਣਕ ਤਕ ਨਹੀਂ ਪੈਣ ਦਿਤੀ ਗਈ।

Harpal Singh CheemaHarpal Singh Cheema

ਅਰੋੜਾ ਨੇ ਕਿਹਾ ਕਿ ਉਹ ਖ਼ੁਦ ਅਪਣੀ ਪਾਰਟੀ ਦੇ ਸਾਥੀ ਵਿਧਾਇਕਾਂ ਖ਼ਾਸ ਕਰ ਕੇ ਹਰਪਾਲ ਸਿੰਘ ਚੀਮਾ ਦੇ ਅਜਿਹੇ ਵਤੀਰੇ ਤੋਂ ਹੈਰਾਨ ਹਨ। ਅਰੋੜਾ ਨੇ ਇਥੋਂ ਤਕ ਕਹਿ ਦਿਤਾ ਕਿ ਪਾਰਟੀ ਦਾ ਪੰਜਾਬ ਵਿਚ ਵਿਧਾਇਕ ਦਲ ਤਾਂ ਪਹਿਲਾਂ ਹੀ 20 ਤੋਂ 11 ਜਣਿਆਂ ਦਾ ਰਹਿ ਗਿਆ ਹੈ ਤੇ ਜੇਕਰ ਇਹ 11 ਵੀ ਇਕੱਠੇ ਨਾ ਰੱਖੇ ਗਏ ਤਾਂ ਕਿਸ ਤਰ੍ਹਾਂ ਕੰਮ ਚਲੇਗਾ। ਹਰਪਾਲ ਸਿੰਘ ਚੀਮਾ ਨੇ ਕਿਹਾ ਕਿ ਇਹ ਮਹਿਜ਼ ਮਾਮੂਲੀ ਗ਼ਲਤ ਫ਼ਹਿਮੀ ਸੀ। ਉਨ੍ਹਾਂ ਅਮਨ ਅਰੋੜਾ ਨਾਲ ਗੱਲ  ਕਰ ਕੇ ਮਸਲਾ ਸੁਲਝਾ ਲਿਆ ਗਿਆ ਹੋਣ ਦਾ ਵੀ ਦਾਅਵਾ ਕੀਤਾ ਹੈ।

Advertisement

 

Advertisement