ਦੁਰਘਟਨਾ ਤੋਂ ਬਾਅਦ ਇਕ ਗੰਭੀਰ ਜ਼ਖਮੀ ਕਰਮਚਾਰੀ ਨੂੰ ਚੰਡੀਗੜ੍ਹ PGI ਰੈਫਰ ਕਰ ਦਿੱਤਾ ਗਿਆ ਹੈ।
ਚੰਡੀਗੜ੍ਹ: ਪੰਚਕੂਲਾ (Panchkula Sector 3) ਦੇ ਸੈਕਟਰ -3 ਵਿਚ ਬਿਜਲੀ ਦੀ ਮੁਰੰਮਤ ਕਰਨ ਆਏ ਦੋ ਕਰਮਚਾਰੀਆਂ ਵਿਚੋਂ ਇਕ ਦੀ ਕਰੰਟ ਲੱਗਣ ਕਾਰਨ (Death due to Electric Shock) ਮੌਕੇ ’ਤੇ ਹੀ ਮੌਤ ਹੋ ਗਈ। ਇਸ ਦੇ ਨਾਲ ਹੀ ਦੁਰਘਟਨਾ ਤੋਂ ਬਾਅਦ ਇਕ ਗੰਭੀਰ ਜ਼ਖਮੀ ਕਰਮਚਾਰੀ ਨੂੰ ਚੰਡੀਗੜ੍ਹ PGI ਰੈਫਰ ਕਰ ਦਿੱਤਾ ਗਿਆ ਹੈ। ਮ੍ਰਿਤਕ ਦੀ ਪਛਾਣ ਦੇਸ਼ਰਾਜ ਵਜੋਂ ਹੋਈ ਹੈ ਅਤੇ ਗੰਭੀਰ ਰੂਪ ਤੋਂ ਜ਼ਖਮੀ ਵਿਅਕਤੀ ਦੀ ਪਛਾਣ ਦਵਿੰਦਰ ਕੁਮਾਰ ਵਜੋਂ ਹੋਈ ਹੈ।
ਹੋਰ ਪੜ੍ਹੋ: ਕੋਰੋਨਾ ਨਾਲ ਮੌਤ ਹੋਈ ਤਾਂ ਡੈਥ ਸਰਟੀਫਿਕੇਟ ’ਤੇ ਲਿਖਿਆ ਜਾਵੇਗਾ, ਸਰਕਾਰ ਨੇ ਜਾਰੀ ਕੀਤੇ ਨਿਰਦੇਸ਼
ਐਤਵਾਰ ਨੂੰ ਠੇਕੇਦਾਰ ਜਿਤੇਂਦਰ ਕੁਮਾਰ ਆਪਣੇ ਦੋ ਇਲੈਕਟ੍ਰੀਸ਼ੀਅਨ (Electrician) ਦੇਸ਼ਰਾਜ ਅਤੇ ਦੇਵੇਂਦਰ ਕੁਮਾਰ ਨਾਲ ਪੰਚਕੂਲਾ ਦੇ ਸੈਕਟਰ -3 ਵਿਚ ਬਿਜਲੀ ਖਰਾਬ ਹੋਣ ਦੀ ਸੂਚਨਾ 'ਤੇ ਪਹੁੰਚਿਆ ਸੀ। ਦੋਵੇਂ ਇਲੈਕਟ੍ਰੀਸ਼ੀਅਨ ਖੰਭੇ 'ਤੇ ਚੜ੍ਹ ਕੇ ਬਿਜਲੀ ਠੀਕ ਕਰਨ ਦਾ ਕੰਮ ਕਰ ਰਹੇ ਸਨ। ਸਵੇਰ ਤੋਂ ਹਲਕੀ ਬਾਰਿਸ਼ (Rain) ਦੇ ਕਾਰਨ, ਦੋਵਾਂ ਨੂੰ ਬਿਜਲੀ ਦਾ ਕਰੰਟ ਲੱਗ ਗਿਆ। ਇਸ ਤੋਂ ਬਾਅਦ ਖੰਭੇ 'ਤੇ ਕੰਮ ਕਰ ਰਹੇ ਦੋਵੇਂ ਮਜ਼ਦੂਰ ਜ਼ਮੀਨ 'ਤੇ ਡਿੱਗ ਗਏ।
ਹੋਰ ਪੜ੍ਹੋ: PM ਮੋਦੀ ਦੇ ਇਸ਼ਾਰਿਆਂ ’ਤੇ ਪੰਜਾਬ ਦਾ ਮਹੌਲ ਖ਼ਰਾਬ ਕਰਨਾ ਚਾਹੁੰਦੇ ਨੇ ਕੈਪਟਨ ਅਤੇ ਬਾਦਲ: ਅਮਨ ਅਰੋੜਾ
ਮਾਮਲੇ ਦੀ ਸੂਚਨਾ ਮਿਲਣ 'ਤੇ ਪੁਲਿਸ ਅਧਿਕਾਰੀ ਸਮੇਤ PCR 'ਚ ਤਾਇਨਾਤ ਪੁਲਿਸ ਮੁਲਾਜ਼ਮ ਮੌਕੇ 'ਤੇ ਪਹੁੰਚੇ। ਪੁਲਿਸ ਨੇ ਦੋਵਾਂ ਨੂੰ ਪੰਚਕੂਲਾ ਦੇ ਸੈਕਟਰ -6 ਸਥਿਤ ਸਰਕਾਰੀ ਹਸਪਤਾਲ ਵਿਚ ਦਾਖਲ ਕਰਵਾਇਆ। ਜਿੱਥੇ ਡਾਕਟਰਾਂ ਨੇ ਇਕ ਨੂੰ ਮ੍ਰਿਤਕ ਐਲਾਨ ਦਿੱਤਾ, ਜਦੋਂ ਕਿ ਦੂਜੇ ਦੀ ਹਾਲਤ ਨਾਜ਼ੁਕ ਦੇਖਦੇ ਹੋਏ ਉਸਨੂੰ ਚੰਡੀਗੜ੍ਹ PGI ਰੈਫਰ ਕਰ ਦਿੱਤਾ ਗਿਆ ਹੈ।
ਹੋਰ ਪੜ੍ਹੋ: Big Breaking: ਭੁਪਿੰਦਰ ਪਟੇਲ ਬਣੇ ਗੁਜਰਾਤ ਦੇ ਨਵੇਂ ਮੁੱਖ ਮੰਤਰੀ
ਸ਼ੈਲੇਸ਼ ਕੁਮਾਰ, ਜੋ ਕਿ ਹਾਦਸੇ ਤੋਂ ਬਾਅਦ ਘਟਨਾ ਸਥਾਨ ਤੋਂ ਲੰਘ ਰਿਹਾ ਸੀ, ਨੇ ਦੱਸਿਆ ਕਿ ਉਹ ਆਪਣੀ ਸਾਈਕਲ 'ਤੇ ਆਪਣੇ ਗੋਦਾਮ ਵੱਲ ਜਾ ਰਿਹਾ ਸੀ। ਹਾਦਸੇ ਵਾਲੀ ਜਗ੍ਹਾ ਤੋਂ ਲੰਘਦੇ ਹੋਏ ਉਸਨੇ ਦੇਖਿਆ ਕਿ ਖੰਭੇ ਉੱਤੇ ਅੱਗ ਦੇ ਨਾਲ ਪਟਾਕੇ ਪੈਣ ਦੀ ਆਵਾਜ਼ ਆ ਰਹੀ ਸੀ ਅਤੇ ਹਰ ਪਾਸੇ ਧੂੰਆਂ ਹੋ ਗਿਆ ਸੀ। ਕੁਝ ਦੇਰ ਬਾਅਦ, ਜਦੋਂ ਅੱਗ ਅਤੇ ਧੂੰਆਂ ਘੱਟ ਹੋਇਆ, ਉਹ ਮੌਕੇ 'ਤੇ ਆਏ ਅਤੇ ਦੇਖਿਆ ਕਿ ਦੋ ਵਿਅਕਤੀ ਖੰਭੇ ਦੇ ਹੇਠਾਂ ਕੁਝ ਦੂਰੀ 'ਤੇ ਡਿੱਗੇ ਹੋਏ ਸਨ।
ਜਦੋਂ ਕਿ ਹਾਦਸੇ ਤੋਂ ਬਾਅਦ ਮੌਕੇ 'ਤੇ ਇਕੱਠੇ ਹੋਏ ਲੋਕਾਂ ਨੇ ਦੋਸ਼ ਲਾਇਆ ਕਿ ਠੇਕੇਦਾਰ ਜਿਤੇਂਦਰ ਕੁਮਾਰ ਨੇ ਦੋਵਾਂ ਕਰਮਚਾਰੀਆਂ ਨੂੰ ਬਿਜਲੀ ਠੀਕ ਕਰਨ ਲਈ ਆਪਣੇ ਨਾਲ ਲਿਆਂਦਾ ਸੀ। ਉਹ ਦੋਵੇਂ ਇਲੈਕਟ੍ਰੀਸ਼ੀਅਨ ਨਹੀਂ ਸਨ। ਹਾਲਾਂਕਿ, ਅਜੇ ਇਸ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ। ਪੁਲਿਸ ਅਧਿਕਾਰੀਆਂ ਸਮੇਤ ਬਿਜਲੀ ਵਿਭਾਗ ਦੇ ਅਧਿਕਾਰੀ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕਰ ਰਹੇ ਹਨ।