Rampura Phul News : ਅਵਨੀਤ ਕੌਰ ਸਿੱਧੂ ਏਆਈਜੀ ਨੇ ਕੀਤਾ ਸਨਮਾਨਿਤ
Rampura Phul News in Punjabi : ਇੱਥੋਂ ਦੇ 7 ਸਾਲਾ ਸਕੂਲੀ ਵਿਦਿਆਰਥੀ ਮਾਹਿਤ ਸਿੰਗਲਾ ਆਪਣੀ ਵਿਲੱਖਣ ਪ੍ਰਾਪਤੀ ਕਰਕੇ ਚਰਚਾ ਵਿਚ ਹੈ। ਵਿਦਿਆਰਥੀ ਨੇ ਆਪਣੀ ਯਾਦਸ਼ਕਤੀ ਦਾ ਪ੍ਰਦਰਸ਼ਨ ਕਰਦੇ ਹੋਏ 100 ਦੇਸ਼ਾਂ ਦੇ ਨਾਮ ਕ੍ਰਮਵਾਰ ਯਾਦ ਕਰਕੇ ਉਨ੍ਹਾਂ ਨੂੰ ਸਿਰਫ 49 ਸੈਕੰਡ ਵਿੱਚ ਮੂੰਹ ਜੁਬਾਨੀ ਸੁਣਾ ਕੇ ਇੱਕ ਨਵਾਂ ਰਿਕਾਰਡ ਬਣਾ ਦਿੱਤਾ ਹੈ ।
ਵਿਦਿਆਰਥੀ ਨੂੰ ਤਿਆਰੀ ਕਰਵਾਉਣ ਵਾਲੇ ਸਾਰਪ ਬ੍ਰੇਨਸ ਸੰਸਥਾ ਦੇ ਡਾਇਰੈਕਟਰ ਰੰਜੀਵ ਗੋਇਲ ਨੇ ਦੱਸਿਆ ਕਿ ਸਥਾਨਕ ਮਾਊਟ ਲਿਟਰਾ ਜੀ ਸਕੂਲ ਵਿੱਚ ਦੂਸਰੀ ਕਲਾਸ ਦੇ ਵਿਦਿਆਰਥੀ ਮਾਹਿਤ ਸਿੰਗਲਾ ਸਪੁੱਤਰ ਹਰਸ਼ੁਲ ਸਿੰਗਲਾ ਨੇ ਅਬੈਕਸ ਸਿੱਖਿਆ ਦੇ ਨਾਲ ਆਪਣੇ ਦਿਮਾਗ ਦੀ ਇਕਾਗਰਤਾ ਅਤੇ ਯਾਦਸ਼ਕਤੀ ਨੂੰ ਵਧਾ ਕੇ ਇਸ ਰਿਕਾਰਡ ਦੀ ਤਿਆਰੀ ਕੀਤੀ । ਇੰਡੀਆ ਬੁੱਕ ਆਫ ਰਿਕਾਰਡਸ ਨੇ ਮਾਹਿਤ ਦੇ ਇਸ ਨਵੇ ਰਿਕਾਰਡ ਨੂੰ ਮਾਨਤਾ ਦਿੰਦੇ ਹੋਏ ਉਸਨੂੰ ਸਰਟੀਫਿਕੇਟ ਅਤੇ ਮੈਡਲ ਦਿੱਤਾ ਹੈ । ਮਾਹਿਤ ਦੇ ਦਾਦਾ ਪ੍ਰਮੋਦ ਸਿੰਗਲਾ ਨੇ ਰਿਕਾਰਡ ਦੀ ਤਿਆਰੀ ਕਰਵਾਉਣ ਵਿੱਚ ਸ਼ਾਰਪ ਬ੍ਰੇਨਸ ਸੰਸਥਾ ਦੇ ਕੋਚ ਰੰਜੀਵ ਗੋਇਲ ਅਤੇ ਮੈਡਮ ਪੂਜਾ ਗੋਇਲ ਦਾ ਧੰਨਵਾਦ ਕੀਤਾ ਹੈ।
ਜੋਨਲ ਸੀਆਈਡੀ ਵਿੰਗ ਬਠਿੰਡਾ ਦੇ ਸਹਾਇਕ ਇੰਸਪੈਟਕਰ ਜਰਨਲ ਮੈਡਮ ਅਵਨੀਤ ਕੌਰ ਸਿੱਧੂ ਨੇ ਮਾਹਿਤ ਨੂੰ ਇਸ ਰਿਕਾਰਡ ਬਨਾਉਣ ਤੇ ਉਚੇਚੇ ਤੌਰ ਤੇ ਸਨਮਾਨਤ ਕਰਦਿਆਂ ਖੂਬ ਪ੍ਰਸ਼ੰਸਾ ਕੀਤੀ।
(For more news apart from7-year-old student Mahit Singla sets new record by reciting names 100 countries in sequence in 49 seconds News in Punjabi, stay tuned to Rozana Spokesman)
