75 ਸਾਲ ਦੀ ਉਮਰ ਤੋਂ ਨਵੇਂ ਰੀਕਾਰਡ ਬਣਾ ਰਹੇ ਹਨ ਅਤੇ ਉਨ੍ਹਾਂ ਰੀਕਾਰਡਾਂ ਨੂੰ ਬਰਕਰਾਰ ਰੱਖ ਰਹੇ ਹਨ।
ਕਿਸ਼ਨਗੜ੍ਹ (ਜਸਪਾਲ ਸਿੰਘ ਦੋਲੀਕੇ) : ਅੱਜ ਦੁਨੀਆ ਦੀ ਮਸ਼ਹੂਰ ਸੰਸਥਾ ਵਰਲਡ ਬੁੱਕ ਆਫ਼ ਰਿਕਾਰਡਜ਼ ਲੰਡਨ( London) ਤੋਂ ਪੰਜਾਬ ਦੇ ਪ੍ਰਧਾਨ ਰਣਦੀਪ ਸਿੰਘ ਕੋਹਲੀ ਨੇ 110 ਸਾਲਾ ਮੈਰਾਥਨ ਦੌੜਾਕ ਸਰਦਾਰ ਫ਼ੌਜਾ ਸਿੰਘ( Runner Fauja Singh) ਨੂੰ ਵਿਸ਼ੇਸ਼ ਸਨਮਾਨ ਭੇਟ ਕੀਤਾ। ਇਹ ਸਨਮਾਨ ਉਨ੍ਹਾਂ ਦੁਆਰਾ ਪਿਛਲੇ ਕਈ ਸਾਲਾਂ ਤੋਂ ਇੰਨੀ ਵੱਡੀ ਉਮਰ ’ਚ ਵੀ ਦੌੜ ਨੂੰ ਉਤਸ਼ਾਹਤ ਕਰਨ ਲਈ ਦਿਤਾ ਗਿਆ।
Fauja Singh
ਦਸਣਯੋਗ ਹੈ ਕਿ ਦੌੜਾਕ ਸਰਦਾਰ ਫ਼ੌਜਾ ਸਿੰਘ( Runner Fauja Singh) 75 ਸਾਲ ਦੀ ਉਮਰ ਤੋਂ ਨਵੇਂ ਰੀਕਾਰਡ ਬਣਾ ਰਹੇ ਹਨ ਅਤੇ ਉਨ੍ਹਾਂ ਰੀਕਾਰਡਾਂ ਨੂੰ ਬਰਕਰਾਰ ਰੱਖ ਰਹੇ ਹਨ। ਜਿਸ ਦੇ ਮੱਦੇਨਜ਼ਰ ਅੱਜ ਇਹ ਸਨਮਾਨ ਵਰਲਡ ਬੁੱਕ ਆਫ਼ ਰਿਕਾਰਡਜ਼ ਲੰਡਨ ਦੀ ਟੀਮ ਦੁਆਰਾ ਦਿਤਾ ਗਿਆ।
Fauja Singh
ਇਹ ਵੀ ਪੜ੍ਹੋ: ਝੋਨੇ ਦੇ ਸੀਜ਼ਨ ਅਤੇ ਵਰ੍ਹਦੇ ਮੀਂਹ ਦੇ ਬਾਵਜੂਦ ਧਰਨਿਆਂ ’ਚ ਡਟੇ ਕਿਸਾਨ
ਇਸ ਮੌਕੇ ਪਹੁੰਚੇ ਪੰਜਾਬ ਦੇ ਮੁਖੀ ਰਣਦੀਪ ਸਿੰਘ ਕੋਹਲੀ ਨੇ ਦਸਿਆ ਕਿ ਉਹ ਅਕਸਰ ਹੀ ਪੰਜਾਬ ਰਾਜ ’ਚ ਅਜਿਹੇ ਲੁਕਵੇਂ ਹੀਰਿਆਂ ਦੀ ਭਾਲ ਕਰਦੇ ਰਹਿੰਦੇ ਹਨ। ਜਿਨ੍ਹਾਂ ਲੋਕਾਂ ਨੇ ਦੂਜਿਆਂ ਲਈ ਕੁੱਝ ਕੀਤਾ ਹੈ। ਅਜਿਹਾ ਹੀ ਇਕ ਸ਼ਖ਼ਸ ਦੌੜਾਕ ਸਰਦਾਰ ਫ਼ੌਜਾ ਸਿੰਘ( Runner Fauja Singh) ਹੈ ਜੋ ਪਿਛਲੇ ਕਈਂ ਸਮੇਂ ਤੋਂ ਦੌੜ ਨੂੰ ਉਤਸ਼ਾਹਤ ਕਰ ਰਿਹਾ ਹੈ। ਅੱਜ 110 ਸਾਲ ਦੀ ਉਮਰ ’ਚ ਵੀ ਪੂਰੇ ਜੋਸ਼ ਨਾਲ ਭਰੇ ਹੋਏ ਹਨ ਅਤੇ ਅਸੀਂ ਪ੍ਰਮਾਤਮਾ ਅੱਗੇ ਅਰਦਾਸ ਕਰਦੇ ਹਾਂ ਕਿ ਉਹ ਇਸ ਤਰ੍ਹਾਂ ਤੰਦਰੁਸਤ ਰਹਿਣ।
Fauja Singh
ਵਰਲਡ ਬੁੱਕ ਆਫ਼ ਰਿਕਾਰਡਜ਼ ( World Book of Records) ਭਾਰਤ ਤੋਂ ਸੁਰਜੀਤ ਕੌਰ ਵੀ ਇਸ ਮੌਕੇ ’ਤੇ ਸ਼ਾਮਲ ਸਨ। ਵਰਲਡ ਬੱਕੁ ਆਫ਼ ਰਿਕਾਰਡਜ਼ ਲੰਡਨ ਦੇ ਪ੍ਰਧਾਨ ਸੰਤੋਸ਼ ਸ਼ੁਕਲਾ, ਚੇਅਰਮੈਨ ਦਿਵਾਕਰ ਸੁਕੂਲ ਅਤੇ ਵਰਿੰਦਰ ਸ਼ਰਮਾ ਸਰਪ੍ਰਸਤ ਡਬਲਯੂ.ਬੀ.ਆਰ ਅਤੇ ਬਿਆਸ ਪਿੰਡ ਦੇ ਸਰਪੰਚ ਸੰਜੀਵ ਕੁਮਾਰ ਰੌਕੀ ਨੇ ਉਨ੍ਹਾਂ ਨੂੰ ਇਸ ਸਨਮਾਨ ਲਈ ਵਧਾਈ ਦਿਤੀ।
