ਉਹਨਾਂ ਨੇ ਪੰਚਾਇਤ ਨੂੰ ਬੇਨਤੀ ਕੀਤੀ ਹੈ ਕਿ ਉਹਨਾਂ...
ਫਾਜ਼ਿਲਕਾ: ਜਿੱਥੇ ਇਕ ਪਾਸੇ ਪੰਜਾਬ ਸਰਕਾਰ ਨੌਜਵਾਨਾਂ ਦੀ ਜਵਾਨੀ ਬਚਾਉਣ ਲਈ ਉਹਨਾਂ ਨੂੰ ਨਸ਼ਿਆਂ ਤੋਂ ਤੋੜ ਕੇ ਖੇਡਾਂ ਵੱਲ ਲੈ ਜਾ ਰਹੀ ਹੈ ਤਾਂ ਉੱਥੇ ਹੀ ਦੂਜੇ ਪਾਸੇ ਜ਼ਿਲ੍ਹਾ ਫਾਜ਼ਿਲਕਾ ਵਿਚ ਪੈਂਦੇ ਪਿੰਡ ਤਰੋਵੜੀ ਵਿਚ ਪੰਚਾਇਤ ਰਾਹੀਂ ਪੰਚਾਇਤੀ ਆਮਦਨ ਵਧਾਉਣ ਲ਼ਈ ਨਿਲਾਮੀ ਵਾਸਤੇ ਵਾਅ ਦਿੱਤਾ ਗਿਆ।
Player
ਪਿੰਡ ਦੇ ਕ੍ਰਿਕਟ ਨੈਸ਼ਨਲ ਪਲੇਅਰ ਨਾਲ ਗੱਲ ਕੀਤੀ ਗਈ ਤਾਂ ਉਹਨਾਂ ਦਸਿਆ ਕਿ ਉਹਨਾਂ ਦੇ ਪਿੰਡ ਵਿਚ 3 ਸਾਲ ਪਹਿਲਾਂ ਬੱਚਿਆਂ ਦੇ ਖੇਡਣ ਲਈ ਗ੍ਰਾਉਂਡ ਛੱਡਿਆ ਗਿਆ ਸੀ। ਹੁਣ ਉਸ ਨੂੰ ਮੌਜੂਦਾ ਪੰਚਾਇਤ ਨੇ ਅਪਣੀ ਆਮਦਨੀ ਲ਼ਈ ਵਾਅ ਦਿੱਤਾ ਹੈ। ਮੌਜੂਦਾ ਪੰਚਾਇਤ ਨੇ ਅਪਣੀ ਆਮਦਨੀ ਲਈ ਇਸ ਨੂੰ ਵਾਅ ਦਿੱਤਾ ਹੈ ਜਿਸ ਤੇ ਪਿੰਡ ਵਾਸੀਆਂ ਨੇ ਰੋਸ ਪ੍ਰਗਟ ਕੀਤਾ ਹੈ।
Player
ਉਹਨਾਂ ਨੇ ਪੰਚਾਇਤ ਨੂੰ ਬੇਨਤੀ ਕੀਤੀ ਹੈ ਕਿ ਉਹਨਾਂ ਨੂੰ ਗ੍ਰਾਉਂਡ ਵਾਪਸ ਕੀਤਾ ਜਾਵੇ ਕਿਉਂ ਕਿ ਆਸ ਪਾਸ ਹੋਰ ਕੋਈ ਗ੍ਰਾਉਂਡ ਨਹੀਂ ਹੈ। ਇੱਥੇ ਹਰ ਸਕੂਲੀ ਬੱਚੇ ਵੀ ਖੇਡਣ ਆਉਂਦੇ ਹਨ। ਗ੍ਰਾਉਂਡ ਦੀ ਜ਼ਮੀਨ ਠੇਕੇ ਤੇ ਦਿੱਤੀ ਜਾ ਰਹੀ ਹੈ ਜੋ ਕਿ ਲੋਕਾਂ ਨਾਲ ਸਰਾਸਰ ਧੱਕਾ ਹੈ।
Village
ਉੱਥੇ ਹੀ ਹੋਰ ਖਿਡਾਰੀਆਂ ਨੇ ਦਸਿਆ ਕਿ ਉਹਨਾਂ ਨੇ ਇਸ ਗ੍ਰਾਉਂਡ ਵਿਚ ਹੀ ਖੇਡ ਕੇ ਮੈਡਲ ਹਾਸਲ ਕੀਤੇ ਹਨ। ਪਰ ਹੁਣ ਮੌਜੂਦਾ ਪੰਚਾਇਤ ਅਪਣੀ ਆਮਦਨੀ ਲਈ ਇਸ ਨੂੰ ਠੇਕੇ ਤੇ ਦੇਣਾ ਚਾਹੁੰਦੀ ਹੈ। ਸਾਬਕਾ ਪੰਚਾਇਤ ਨੇ ਮਤਾ ਪਾ ਕੇ ਇਸ ਗ੍ਰਾਉਂਡ ਨੂੰ ਬੱਚਿਆਂ ਲਈ ਤਿਆਰ ਕਰਵਾਇਆ ਸੀ ਪਰ ਮੌਜੂਦਾ ਪੰਚਾਇਤ ਇਸ ਤੇ ਜ਼ਬਰੀ ਹੱਕ ਜਤਾਉਣਾ ਚਾਹੁੰਦੀ ਹੈ।
Player
ਉਹਨਾਂ ਖਿਡਾਰੀਆਂ ਦੀ ਮੰਗ ਇਹੀ ਹੈ ਕਿ ਮੌਜੂਦਾ ਪੰਚਾਇਤ ਤੇ ਬਣਦੀ ਕਾਰਵਾਈ ਕੀਤੀ ਜਾਵੇ ਤੇ ਗ੍ਰਾਉਂਡ ਵਾਪਸ ਕੀਤਾ ਜਾਵੇ। ਉੱਥੇ ਹੀ ਸਾਬਕਾ ਸਰਪੰਚ ਨੇ ਕਿਹਾ ਕਿ ਉਸ ਸਮੇਂ ਬੱਚਿਆਂ ਨੂੰ ਖੇਡਣ ਵਿਚ ਦਿੱਕਤ ਆਉਂਦੀ ਸੀ ਕਿ ਉਹ ਅਪਣੀਆਂ ਖੇਡਾਂ ਦੀ ਤਿਆਰੀ ਕਿੱਥੇ ਕਰਨ। ਇਸ ਲਈ ਬੱਚਿਆਂ ਦੀ ਇਸ ਲੋੜ ਨੂੰ ਮੁੱਖ ਰੱਖਦੇ ਹੋਏ ਗ੍ਰਾਉਂਡ ਦਿੱਤਾ ਗਿਆ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
