ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਰੱਖਿਆ ਸੈਨਾਵਾਂ ਦੇ ਰਾਜਨੀਤੀ ਕਰਨ ਦੇ ਯਤਨਾਂ ‘ਤੇ ਦੁੱਖ ਜ਼ਾਹਿਰ ਕਰਦੇ ਹੋਏ ...
ਚੰਡੀਗੜ੍ਹ (ਪੀਟੀਆਈ) : ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਰੱਖਿਆ ਸੈਨਾਵਾਂ ਦੇ ਰਾਜਨੀਤੀ ਕਰਨ ਦੇ ਯਤਨਾਂ ‘ਤੇ ਦੁੱਖ ਜ਼ਾਹਿਰ ਕਰਦੇ ਹੋਏ ਕਿਹਾ ਹੈ ਕਿ ਹਥਿਆਰਬੰਦ ਸੈਨਾ ਸਿਰਫ਼ ਰੈਜੀਮੈਂਟਲ ਮੁਖੀ ਦੇ ਪ੍ਰਤੀ ਜਵਾਬਦੇਹ ਹੁੰਦੀ ਹੈ ਨਾ ਕਿ ਉਸਨੂੰ ਨੇਤਾਵਾਂ ਦੇ ਇਸ਼ਾਰਿਆਂ ਉਤੇ ਕੰਮ ਕਰਨਾ ਹੁੰਦਾ ਹੈ। ਮੁੱਖ ਮੰਤਰੀ ਦੇ ਰੱਖਿਆ ਸੈਨਾਵਾਂ ਦੇ ਕੰਮਕਾਜ਼ ਵਿਚ ਸਿਆਸੀ ਦਖ਼ਲਅੰਦਾਜ਼ ਦੀ ਮੌਜੂਦਾ ਪ੍ਰਥਾ ਦਾ ਤੁਰੰਤ ਖ਼ਤਮ ਕਰਨ ਦਾ ਅਵਾਵਾਂ ਕੀਤਾ ਤਾਂਕਿ ਫ਼ੌਜ ਦੇ ਅਫ਼ਸਰ ਅਤੇ ਸੈਨਿਕ ਅਪਣੀ ਡਿਊਟੀ ਚੰਗੀ ਤਰ੍ਹਾਂ ਨਿਭਾ ਸਕੇ।
ਮੁੱਖ ਮੰਤਰੀ ਨੇ ਕਿਹਾ ਕਿ ਇਹ ਕਦਮ ਦੇਸ਼ ਦੀ ਸੁਰੱਖਿਆ, ਏਕਤਾ ਅਤੇ ਅਖੰਡਤਾ ਦੇ ਵੱਡੇ ਹਿਤਾਂ ਲਈ ਜ਼ਿਆਦਾ ਅਨੁਮਾਨਿਤ ਹੈ। ਇਹ ਵਿਚਾਰ ਬੁਧਵਾਰ ਨੂੰ ਕੈਪਟਨ ਅਮਰਿੰਦਰ ਸਿੰਘ ਨੇ ਪਹਿਲੇ ਵਿਸ਼ਵ ਯੁੱਧ ਦੇ ਦੌਰਾਨ ਸ਼ਹੀਦੀ ਪ੍ਰਾਪਤ ਕਰਨ ਵਾਲੇ ਰਾਸ਼ਟਰਮੰਡਲ ਦੇਸ਼ਾਂ ਦੇ ਹਥਿਆਰਮੰਦ ਸੈਨਿਕਾਂ ਨੂੰ ਸ਼ਰਧਾਜ਼ਲੀ ਦਿੰਦੇ ਹੋਏ ਦਿੱਤਾ ਗਿਆ। ਕੈਪਟਨ ਨੇ ਦੁੱਖ ਜਤਾਇਆ ਕਿ ਸਵਤੰਤਰਤਾ ਅਤੇ ਲੋਕਤਾਂਤ੍ਰਿਕ ਸਿਧਾਤਾਂ ਦੀ ਰੱਖਿਆ ਲਈ ਇਹਨਾਂ ਮਹਾਨ ਸੈਨਿਕਾਂ ਦੀ ਬੇਮਿਸਾਲ ਬਹਾਦਰੀ ਅਤੇ ਅਮਿਟ ਜਜ਼ਬੇ ਨੂੰ ਉਸ ਹੱਦ ਤਕ ਮਾਨਤਾ ਨਹੀਂ ਮਿਲ ਸਕੀ।
ਉਹਨਾਂ ਨੇ ਕਿਹਾ ਕਿ ਇਸ ਇਤਿਹਾਸਕ ਯੁੱਧ ਵਿਚ ਲਗਪਗ 74000 ਸੈਨਿਕ ਸ਼ਹੀਦ ਅਤੇ 67000 ਜ਼ਖ਼ਮੀ ਹੋਏ ਸੀ। ਮੁੱਖ ਮੰਤਰੀ ਨੇ ਕਿਹਾ ਕਿ ਪਹਿਲੇ ਵਿਸ਼ਵ ਯੁੱਧ ਵਿਚ ਹਿੱਸਾ ਲੈਣ ਵਾਲੇ ਬਹਾਦਰ ਸੈਨਿਕਾਂ ਦੇ ਮਹਾਨ ਬਲੀਦਾਨ ਨੂੰ ਆਮ ਤੌਰ ‘ਤੇ ਭੁਲਾ ਦਿਤਾ ਗਿਆ। ਕੈਪਟਨ ਨੇ ਸਕੂਲੀ ਪਾਠ-ਪੁਸਤਕ ਵਿਚ ਪਹਿਲੇ ਅਤੇ ਦੂਜੇ ਵਿਸ਼ਵ ਯੁੱਧ ਵਿਚ ਭਾਰਤ ਦੇ ਯੋਗਦਾਨ ਸੰਬੰਧੀ ਵਿਸਤਰਤ ਰੂਪ ‘ਚ ਅਭਿਆਸ ਵਿਚ ਸ਼ਾਮਲ ਕਰਨ ਦੀ ਵਕਾਲਤ ਕੀਤੀ ਸੀ।
ਅਪਣੀ ਪੁਸਤਕ ਆਨਰ-ਐਂਡ ਫਿਡੇਲਟੀ-ਇੰਡੀਅਨਜ਼ ਮਿਲਟਰੀ ਕੰਟ੍ਰੀਬਊਸ਼ਨ ਟੂ ਦਾ ਗ੍ਰੇਟ ਵਾਰ 1914-18 ਦਾ ਜ਼ਿਕਰ ਕਰਦੇ ਹੋਏ ਮੁੱਖ ਮੰਤਰੀ ਨੇ ਦੱਸਿਆ ਕਿ ਯੁੱਧ ਸ਼ੁਰੂ ਹੋਣ ਤੋਂ ਬਾਅਦ 20 ਦਿਨਾਂ ਦੇ ਅੰਦਰ ਬੁਲਾਏ ਗਏ ਭਾਰਤੀ ਸੈਨਿਕਾਂ ਨੇ ਯੁੱਧ ਵਿਚ ਬ੍ਰਿਟਿਸ਼ ਨੂੰ ਵੱਡੀ ਸਹਾਇਤਾ ਪ੍ਰਦਾਨ ਕੀਤੀ ਸੀ। ਇਸ ਤੋਂ ਪਹਿਲਾਂ ਚੰਡੀਗੜ੍ਹ ਵਿਚ ਬ੍ਰਿਟਿਸ਼ ਹਾਈ ਕਮਿਸ਼ਨਰ ਐਡ੍ਰਿਊ ਆਈਰ ਨੇ ਵਿਸ਼ਵ ਯੁੱਧ ਵਿਚ ਭਾਰਤੀ ਫ਼ੌਜ ਦੁਆਰਾ ਨਿਭਾਈ ਗਈ ਭੂਮਿਕਾ ਦੀ ਸਰਾਹਨਾ ਕੀਤੀ। ਉਹਨਾਂ ਨੇ ਕਿਹਾ ਕਿ ਵਿਸ਼ਵ ਦੀ ਸਵਤੰਤਰਤਾ ਅਤੇ ਮੁੰਕਤੀ ਲਈ ਇਸ ਯੁੱਧ ਵਿਚ ਭਾਰਤੀ ਸੈਨਾ ਦੀ ਬਚਨਬੱਧਤਾ, ਚਿੰਤਾ ਅਤੇ ਸਮਰਪਣ ਦੀ ਝਲਕ ਮਿਲਦੀ ਹੈ
