ਉਸ ਨੂੰ ਅਪਣੇ ਬਾਰੇ ਕਹੀਆਂ ਜਾਣ ਵਾਲੀਆਂ ਆਮ ਗੱਲਾਂ ਵੀ...
ਚੰਡੀਗੜ੍ਹ: ਸੁਸ਼ਾਤ ਸਿੰਘ ਰਾਜਪੂਤ ਜੋ ਕਿ ਇਕ ਬਹੁਤ ਹੀ ਮਸ਼ਹੂਰ ਅਦਾਕਾਰ ਸਨ। ਉਸ ਨੇ ਅਪਣੀ ਜ਼ਿੰਦਗੀ ਤੋਂ ਹਾਰ ਮੰਨ ਲਈ ਤੇ ਇਸ ਦੁਨੀਆ ਨੂੰ ਛੱਡ ਕੇ ਜਾਣ ਦਾ ਫ਼ੈਸਲਾ ਕਰ ਲਿਆ। ਉਸ ਨੂੰ ਪਰਿਵਾਰ ਵੱਲੋਂ ਖੂਬ ਮਿਲਿਆ ਤੇ ਉਸ ਨੂੰ ਕੁਦਰਤ ਵੱਲੋਂ ਵੀ ਸਾਰੇ ਸੁਪਨੇ ਪੂਰੇ ਕਰਨ ਦਾ ਮੌਕਾ ਮਿਲਿਆ, ਇਸ ਦੇ ਬਾਵਜੂਦ ਸੁਸ਼ਾਂਤ ਨੂੰ ਅਪਣੀ ਜ਼ਿੰਦਗੀ ਪਸੰਦ ਨਹੀਂ ਆਈ।
ਇਸ ਸਬੰਧੀ ਰੋਜ਼ਾਨਾ ਸਪੋਕਸਮੈਨ ਚੈਨਲ ਦੇ ਡੀਐਮ ਨਿਰਮਤ ਕੌਰ ਵੱਲੋਂ ਡਾ. ਕੁਨਾਲ ਕਾਲਾ ਨਾਲ ਰਾਬਤਾ ਕਾਇਮ ਕੀਤਾ ਗਿਆ। ਉਹਨਾਂ ਨੇ ਇਸ ਇੰਟਰਵਿਊ ਵਿਚ ਦਸਿਆ ਕਿ ਲੋਕ ਅਕਸਰ ਹੀ ਡਿਪਰੈਸ਼ਨ ਕਾਰਨ ਭਿਆਨਕ ਕਦਮ ਚੁੱਕ ਲੈਂਦੇ ਹਨ। ਡਿਪਰੈਸ਼ਨ ਹੋਣਾ ਆਤਮਹੱਤਿਆ ਦੀ ਨਿਸ਼ਾਨੀ ਹੈ। ਜਿਹੜੀ ਵਿਅਕਤੀ ਡਿਪਰੈਸ਼ਨ ਵਿਚ ਹੁੰਦੇ ਹਨ ਉਹਨਾਂ ਬਾਰੇ ਜੇ ਕੋਈ ਗੱਲ ਕਰਦਾ ਹੈ ਤਾਂ ਉਹ ਉਸ ਨੂੰ ਵੀ ਨਾਕਾਰਾਤਮਕ ਤਰੀਕੇ ਨਾਲ ਗ੍ਰਹਿਣ ਕਰਦੇ ਹਨ।
ਉਸ ਨੂੰ ਅਪਣੇ ਬਾਰੇ ਕਹੀਆਂ ਜਾਣ ਵਾਲੀਆਂ ਆਮ ਗੱਲਾਂ ਵੀ ਬੁਰੀਆਂ ਲਗਦੀਆਂ ਹਨ। ਉਹਨਾਂ ਨੂੰ ਚੰਗੀ ਤਰ੍ਹਾਂ ਨੀਂਦ ਨਹੀਂ ਆਉਂਦੀ, ਖਾਣ-ਪੀਣ ਵਿਚ ਕੁੱਝ ਚੰਗਾ ਨਹੀਂ ਲਗਦਾ ਤੇ ਉਹਨਾਂ ਨੂੰ ਅਪਣੇ ਆਲੇ ਦੁਆਲੇ ਦਾ ਮਾਹੌਲ ਵੀ ਚੰਗਾ ਨਹੀਂ ਲਗਦਾ। ਅਪਣੇ ਬਾਰੇ ਲਗਦਾ ਹੈ ਕਿ ਉਹ ਬਹੁਤ ਬੁਰਾ ਹੈ ਤੇ ਉਸ ਨੂੰ ਦੁਨੀਆ ਵੀ ਗਲਤ ਲਗਦੀ ਹੈ। ਲੋਕਾਂ ਨੂੰ ਇਸ ਬਿਮਾਰੀ ਦਾ ਸਮੇਂ ਸਿਰ ਟ੍ਰੀਟਮੈਂਟ ਨਹੀਂ ਮਿਲਦਾ ਜਿਸ ਕਾਰਨ ਉਹਨਾਂ ਦੀ ਹਾਲਤ ਦਿਨ-ਬ-ਦਿਨ ਹੋਰ ਵਿਗੜ ਜਾਂਦੀ ਹੈ।
ਇਕ Endogenous Depression ਹੁੰਦਾ ਹੈ ਜਿਸ ਵਿਚ ਕੋਈ ਬਾਹਰਲੀ ਪਰੇਸ਼ਾਨੀ ਨਹੀਂ ਹੁੰਦੀ ਹੈ ਤੇ ਅਪਣੇ ਅੰਦਰ ਹੀ ਪੈਦਾ ਹੁੰਦੀ ਹੈ। ਜਦੋਂ ਕੋਈ ਵਿਅਕਤੀ ਅਪਣਾ ਦੁੱਖ ਦੂਜਿਆਂ ਨੂੰ ਸਾਂਝਾ ਕਰਦਾ ਹੈ ਤਾਂ ਕਈ ਵਾਰ ਉਹਨਾਂ ਦਾ ਮਜ਼ਾਕ ਬਣਾਇਆ ਜਾਂਦਾ ਹੈ ਤਾਂ ਉਹ ਵਿਅਕਤੀ ਫੈਸਲਾ ਕਰ ਦਿੰਦਾ ਹੈ ਕਿ ਉਹ ਹੁਣ ਤੋਂ ਕਿਸੇ ਨੂੰ ਅਪਣਾ ਦੁੱਖ ਨਹੀਂ ਦਸੇਗਾ, ਇਸ ਤੋਂ ਬਾਅਦ ਉਹ ਸਾਰੇ ਦੁੱਖ ਅਪਣੇ ਅੰਦਰ ਲੁਕੋ ਕੇ ਰੱਖ ਲੈਂਦਾ ਹੈ ਜੋ ਕਿ ਬਾਅਦ ਵਿਚ ਡਿਪਰੈਸ਼ਨ ਦਾ ਕਾਰਨ ਬਣਦਾ ਹੈ।
ਉਹ ਅਪਣੇ ਆਪ ਨੂੰ ਲੋਕਾਂ ਸਾਹਮਣੇ ਇੰਝ ਪੇਸ਼ ਕਰਦੇ ਹਨ ਕਿ ਉਹਨਾਂ ਦੀ ਜ਼ਿੰਦਗੀ ਵਿਚ ਕੋਈ ਦੁੱਖ ਨਹੀਂ ਹੈ। ਮੌਜੂਦਾ ਸਮੇਂ ਵਿਚ ਲੋਕਾਂ ਵਿਚ ਤਣਾਅ ਬਹੁਤ ਵੱਧ ਚੁੱਕਾ ਹੈ। ਹਰ ਵਰਗ ਦਾ ਵਿਅਕਤੀ ਤਣਾਅ ਹੇਠ ਜੀ ਰਿਹਾ ਹੈ। ਛੋਟੇ ਛੋਟੇ ਬੱਚੇ ਅਪਣੇ ਪੇਪਰਾਂ ਜਾਂ ਪੜ੍ਹਾਈ ਨੂੰ ਲੈ ਕੇ ਤਣਾਅ ਰੱਖਦੇ ਹਨ ਉੱਥੇ ਹੀ ਨੌਜਵਾਨ ਲੋਕ ਸੋਸ਼ਲ ਮੀਡੀਆ ਦਾ ਤਣਾਅ ਚੁੱਕੀ ਫਿਰਦੇ ਹਨ, ਉਹਨਾਂ ਨੂੰ ਟੈਨਸ਼ਨ ਹੁੰਦੀ ਹੈ ਕਿ ਉਹਨਾਂ ਦੀ ਵੀਡੀਉ ਨੂੰ ਕੋਈ ਲਾਇਕ ਨਹੀਂ ਕਰਦਾ, ਉਸ ਦੀ ਪੋਸਟ ਨੂੰ ਕਿਸੇ ਪਸੰਦ ਨਹੀਂ ਕੀਤਾ।
ਲੋਕਾਂ ਨੂੰ ਇਹੀ ਕਿਹਾ ਜਾਂਦਾ ਹੈ ਕਿ ਜੇ ਤੁਹਾਨੂੰ ਕੋਈ ਦੁਖ ਹੈ ਵੀ, ਉਸ ਨੂੰ ਛੁਪਾ ਕੇ ਰੱਖੋ। ਜਦੋਂ ਕਿਸੇ ਨੂੰ ਡਿਪਰੈਸ਼ਨ ਹੁੰਦਾ ਹੈ ਤੇ ਉਸ ਨੂੰ ਸਮੇਂ ਤੇ ਇਲਾਜ ਨਾ ਮਿਲ ਸਕਣਾ ਆਤਮਹੱਤਿਆ ਦੀ ਨਿਸ਼ਾਨੀ ਹੁੰਦੀ ਹੈ। ਇਸ ਦਾ ਹੱਲ ਇਹੀ ਹੈ ਕਿ ਅਪਣੇ ਕਿਸੇ ਕਰੀਬੀ ਨਾਲ ਅਪਣਾ ਦੁੱਖ ਸਾਂਝਾ ਕਰੋ ਤੇ ਛੋਟੀ ਛੋਟੀ ਗੱਲ ਤੇ ਗੁੱਸਾ ਕਰਨਾ ਜਾਂ ਉਸ ਨੂੰ ਡਿਪਰੈਸ਼ਨ ਦਾ ਨਾਮ ਦੇਣਾ ਬੰਦ ਕਰ ਦਿਓ। ਸਭ ਕੁੱਝ ਇਨਸਾਨ ਤੇ ਨਿਰਭਰ ਕਰਦਾ ਹੈ ਉਹ ਚਾਹੇ ਤਾਂ ਅਪਣੇ ਆਪ ਨੂੰ ਬਚਾ ਸਕਦਾ ਹੈ ਤੇ ਨਾ ਚਾਹੇ ਤਾਂ ਉਹ ਅਪਣੀ ਜਾਨ ਗੁਆ ਵੀ ਸਕਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।