ਜਸਪ੍ਰੀਤ ਸਿੰਘ ਸਮੇਤ ਹੋਰਨਾਂ ਨੇ ਦੱਸਿਆ ਕਿ ਇਥੇ ਥਾਂ-ਥਾਂ 'ਤੇ ਕਰੰਟ ਵਾਲੀ ਨੰਗੀਆਂ ਤਾਰਾਂ ਜਮੀਨ 'ਤੇ ਵਿੱਛਿਆ ਪਈਆ ਹਨ
ਡੇਰਾ ਬੱਸੀ (ਗੁਰਜੀਤ ਇਸਾਪੁਰ) : ਬੀਤੀ ਰਾਤ ਡੇਰਾ ਬੱਸੀ ਵਿਖੇ ਸਥਿਤ ਐਸ.ਬੀ.ਪੀ. ਹਾਊਸਿੰਗ ਪ੍ਰਾਜੈਕਟ 'ਚ ਵਾਪਰੇ ਹਾਦਸੇ 'ਚ ਇਕ ਪਾਲਤੂ ਕੁੱਤਾ ਆਪ ਮਰ ਕੇ ਅਪਣੇ ਮਾਲਕ ਦੀ ਜਾਨ ਬਚਾ ਗਿਆ। ਪ੍ਰਾਜੈਕਟ ਦੇ ਅੰਦਰ ਬਿਜਲੀ ਦੀ ਨੰਗੀ ਤਾਰ ਉਪਰੋ ਥਾਂ-ਥਾਂ ਖੜ੍ਹੇ ਬਰਸਾਤੀ ਪਾਣੀ ਕਰ ਕੇ ਵਾਪਰੇ ਹਾਦਸੇ 'ਚ ਇਕ ਵਿਅਕਤੀ ਦੀ ਵੀ ਜਾਨ ਜਾ ਸਕਦੀ ਸੀ, ਜੇਕਰ ਉਸ ਦਾ ਕੁੱਤਾ ਪਾਣੀ 'ਚ ਪਈ ਬਿਜਲੀ ਵਾਲੀ ਨੰਗੀ ਤਾਰ ਦੀ ਲਪੇਟ 'ਚ ਆਏ ਅਪਣੇ ਮਾਲਕ ਦੇ ਹੱਥ 'ਤੇ ਵੱਢ ਦੇ ਉਸ ਨੂੰ ਪਿਛੇ ਨਾ ਧੱਕਾ ਮਾਰਦਾ। ਇਸ ਹਾਦਸੇ ਕਰ ਕੇ ਜਿਥੇ ਐਸ.ਬੀ.ਪੀ. ਵਿਖੇ ਬਣੇ ਫਲੈਟਾਂ 'ਚ ਰਹਿਣ ਵਾਲੇ ਲੋਕਾਂ 'ਚ ਰੋਸ਼ ਪਾਇਆ ਜਾ ਰਿਹਾ ਹੈ।
ਮਾਮਲੇ ਦੀ ਜਾਣਕਾਰੀ ਦਿੰਦੇ ਮ੍ਰਿਤਕ ਕੁੱਤੇ ਦੇ ਮਾਲਕ ਜਸਪ੍ਰੀਤ ਸਿੰਘ ਬੇਦੀ ਨੇ ਦੱਸਿਆ ਕਿ ਉਹ ਇੱਕ ਸਾਲ ਪਹਿਲਾਂ ਐਸ.ਬੀ.ਪੀ. ਵਿਖੇ ਬਣੇ ਫਲੈਟ 'ਚ ਪਰਿਵਾਰ ਅਤੇ ਆਪਣੇ ਪਾਲਤੂ ਕੁੱਤੇ ਨਾਲ ਰਹਿਣ ਆਇਆ ਸੀ। ਰੋਜ਼ਾਨਾ ਦੀ ਤਰ੍ਹਾਂ ਸ਼ਾਮ ਨੂੰ ਉਹ ਆਪਣੇ ਲੈਬਰਾ ਕੁੱਤੇ ਨੂੰ ਫਲੈਟਾਂ ਨੇੜੇ ਘੁੰਮਾ ਰਿਹਾ ਸੀ ਤਾਂ ਰਾਹ 'ਚ ਖੜ੍ਹੇ ਬਰਸਾਤੀ ਪਾਣੀ ਵਿਚੋਂ ਨਿਕਲਦੇ ਸਮੇਂ ਅਚਾਨਕ ਉਸ ਦੇ ਕੁੱਤੇ ਨੂੰ ਕਰੰਟ ਲਗਿਆ, ਜਿਸ ਨੂੰ ਬਚਾਉਣ ਲਈ ਜਦੋਂ ਉਸ ਨੇ ਕੁੱਤੇ ਨੂੰ ਹੱਥ ਪਾਇਆ ਤਾਂ ਉਹ ਵੀ ਕਰੰਟ ਦੀ ਚਪੇਟ 'ਚ ਆ ਗਿਆ।
ਇਸ ਦੌਰਾਨ ਉਸ ਦੇ ਕੁੱਤੇ ਨੇ ਉਸ ਦੇ ਹੱਥ 'ਤੇ ਵੱਢਦੇ ਹੋਏ ਉਸ ਨੂੰ ਕਰੰਟ ਵਾਲੀ ਤਾਰ ਤੋਂ ਦੂਰ ਕਰ ਦਿੱਤਾ, ਲੇਕਿਨ ਆਪ ਮਰ ਗਿਆ। ਜਸਪ੍ਰੀਤ ਸਿੰਘ ਸਮੇਤ ਹੋਰਨਾਂ ਨੇ ਦੱਸਿਆ ਕਿ ਇਥੇ ਥਾਂ-ਥਾਂ 'ਤੇ ਕਰੰਟ ਵਾਲੀ ਨੰਗੀਆਂ ਤਾਰਾਂ ਜਮੀਨ 'ਤੇ ਵਿੱਛਿਆ ਪਈਆ ਹਨ, ਜਿਨ੍ਹਾਂ ਵਿਚੋਂ ਇੱਕ ਤਾਰ 'ਚ ਕਰੰਟ ਕਰਕੇ ਉਸ ਦੇ ਕੁੱਤੇ ਦੀ ਮੌਤ ਹੋ ਗਈ। ਜਸਪ੍ਰੀਤ ਨੇ ਦੱਸਿਆ ਕਿ ਉਸ ਦਾ ਕੁੱਤਾ ਇੱਕ ਸਾਲ ਦੀ ਸੀ। ਛੋਟੇ ਜਿਹੇ ਕੁੱਤੇ ਨੂੰ ਆਪਣੇ ਪਰਿਵਾਰ ਦੇ ਮੈਂਬਰ ਵਾਂਗ ਪਾਲ ਕੇ ਵੱਡਾ ਕੀਤਾ ਸੀ,
ਲੇਕਿਨ ਪ੍ਰਬੰਧਕਾਂ ਦੀ ਅਣਗਹਿਲੀ ਕਰਕੇ ਉਸ ਦੇ ਕੁੱਤੇ ਦੀ ਮੌਤ ਹੋ ਗਈ। ਇਸ ਹਾਦਸੇ 'ਚ ਜਸਪ੍ਰੀਤ ਸਿੰਘ ਦਾ ਹੱਥ ਵੀ ਬੂਰੀ ਤਰਾਂ ਝੂਲਸ ਗਿਆ। ਇਸ ਬਾਰੇ ਗੱਲ ਕਰਨ 'ਤੇ ਐਸ.ਬੀ.ਪੀ. ਪ੍ਰਾਜਕੈਟ ਦੇ ਹੈਡ ਅਮਨ ਸਿੰਗਲਾ ਨਾਲ ਗੱਲ ਕਰਨ 'ਤੇ ਉਨ੍ਹਾਂ ਕਿਹਾ ਕਿ ਹਾਦਸਾ ਠੇਕੇਦਾਰ ਦੀ ਲਾਪਰਵਾਹੀ ਕਰਕੇ ਵਾਪਰਿਆ ਹੈ, ਜਿਸ ਦੀ ਜਾਂਚ ਕੀਤੀ ਜਾਵੇਗੀ।