ਸਰਕਾਰੀ ਸਨਮਾਨਾਂ ਨਾਲ ਕੀਤਾ ਗਿਆ ਅੰਤਿਮ ਸਸਕਾਰ
Punjab News: ਥਾਣਾ ਖਨੌਰੀ ਦੇ ਅਧੀਨ ਪੈਂਦੇ ਪਿੰਡ ਅੰਨਦਾਣਾ ਵਿਖੇ ਬੀ.ਐਸ.ਐਫ. ਜਵਾਨ ਰਾਜਵੀਰ ਸਿੰਘ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ। ਅੱਜ ਸਰਕਾਰੀ ਸਨਮਾਨਾਂ ਨਾਲ ਪਿੰਡ ਅੰਨਦਾਣਾ ਵਿਖੇ ਜਵਾਨ ਰਾਜਵੀਰ ਸਿੰਘ ਦਾ ਅੰਤਿਮ ਸਸਕਾਰ ਕੀਤਾ ਗਿਆ।
ਮਿਲੀ ਜਾਣਕਾਰੀ ਅਨੁਸਾਰ 42 ਸਾਲਾ ਰਾਜਵੀਰ ਸਿੰਘ ਪ੍ਰਵਾਰ ਵਿਚ ਇਕ ਭਰਾ ਅਤੇ ਇਕ ਭੈਣ ਤੋਂ ਛੋਟਾ ਸੀ। ਉਹ ਅਪਣੇ ਪਿਛੇ ਇਕ ਪੁੱਤਰ (16) ਛੱਡ ਗਿਆ ਹੈ, ਜੋ ਕਿ ਦਸਵੀਂ ਜਮਾਤ ਵਿਚ ਪੜ੍ਹਾਈ ਕਰਦਾ ਹੈ। ਪ੍ਰਵਾਰ ਮੁਤਾਬਕ ਰਾਜਵੀਰ ਸਿੰਘ 2003 ਵਿਚ ਫ਼ੌਜ ’ਚ ਭਰਤੀ ਹੋਇਆ ਸੀ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਇਨ੍ਹੀਂ ਦਿਨੀਂ ਉਹ ਮਿਜ਼ੋਰਮ ਵਿਚ ਤੈਨਾਤ ਸੀ। ਕੁੱਝ ਦਿਨ ਪਹਿਲਾਂ ਹੀ ਰਾਜਵੀਰ ਸਿੰਘ ਛੁੱਟੀ ਲਈ ਪਿੰਡ ਆਇਆ ਸੀ, ਜਿਥੇ ਬੀਤੀ ਰਾਤ ਉਸ ਨੂੰ ਅਚਾਨਕ ਦਿਲ ਦਾ ਦੌਰਾ ਪੈ ਗਿਆ। ਪ੍ਰਵਾਰ ਨੇ ਉਸ ਨੂੰ ਨਿੱਜੀ ਹਸਪਤਾਲ ਟੋਹਾਣਾ ਵਿਖੇ ਇਲਾਜ ਲਈ ਭਰਤੀ ਕਰਵਾਇਆ, ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿਤਾ।
ਪ੍ਰਵਾਰ ਨੇ ਦਸਿਆ ਕਿ ਰਾਜਵੀਰ ਸਿੰਘ ਨੇ ਭਲਕੇ ਡਿਊਟੀ ਉਤੇ ਵਾਪਸ ਜਾਣਾ ਸੀ ਪਰ ਇਸ ਤੋਂ ਪਹਿਲਾਂ ਹੀ ਇਹ ਮੰਦਭਾਗੀ ਘਟਨਾ ਵਾਪਰ ਗਈ।
(For more Punjabi news apart from BSF jawan died due to heart attack, stay tuned to Rozana Spokesman)
