ਸੈਕਟਰ-15 ਅਤੇ ਇੰਡਸਟਰੀਅਲ ਏਰੀਆ ਨੇੜੇ ਪੈਟਰੋਲ ਪੰਪ ਦੇ ਪਿੱਛੇ ਸੈਰ ਕਰਨ ਵਾਲੇ ਲੋਕਾਂ ਲਈ ਬਣਾਈ ਗਈ ਇਕ ਹੱਟਸ ਦੀ ਛੱਤ ਦੇ ਐਂਗਲ ਨਾਲ ਲਟਕ

ਪੰਚਕੂਲਾ, 16 ਅਪ੍ਰੈਲ (ਪੀ. ਪੀ. ਵਰਮਾ) : ਸੈਕਟਰ-15 ਅਤੇ ਇੰਡਸਟਰੀਅਲ ਏਰੀਆ ਨੇੜੇ ਪੈਟਰੋਲ ਪੰਪ ਦੇ ਪਿੱਛੇ ਸੈਰ ਕਰਨ ਵਾਲੇ ਲੋਕਾਂ ਲਈ ਬਣਾਈ ਗਈ ਇਕ ਹੱਟਸ ਦੀ ਛੱਤ ਦੇ ਐਂਗਲ ਨਾਲ ਲਟਕ ਕੇ ਇਕ ਨੌਜਵਾਨ ਨੇ ਫਾਹਾ ਲੈ ਲਿਆ। ਇਸ ਬਾਰੇ ਸਵੇਰੇ ਰਾਹਗੀਰਾਂ ਨੇ ਪੁਲਿਸ ਨੂੰ ਸੁਚਿਤ ਕੀਤਾ। ਪੁਲਿਸ ਨੇ ਕ੍ਰਾਈਮ ਬ੍ਰਾਂਚ ਅਤੇ ਫ਼ੋਰੈਂਸਿਕ ਸਾਇੰਸ ਦੀ ਟੀਮ ਬਣਾ ਕੇ ਮੌਕਾ ਵਾਰਦਾਤ 'ਤੇ ਜਾ ਕੇ ਲਾਸ਼ ਨੂੰ ਹੇਠਾਂ ਉਤਾਰਿਆ ਅਤੇ ਨਮੂਨੇ ਹਾਸਲ ਕੀਤੇ।

ਪੁਲਿਸ ਨੇ ਲਾਸ਼ ਨੂੰ ਹਸਪਤਾਲ ਭੇਜਿਆ ਜਿਥੇ ਇਸ ਲਾਸ਼ ਦਾ ਕੋਰੋਨਾ ਬਮਾਰ ਹੋਣ ਦੇ ਸ਼ੱਕ ਵਿਚ ਸੈਂਪਲ ਵੀ ਲਿਆ ਗਿਆ। ਪੁਲਿਸ ਨੇ ਲਾਸ਼ ਕਬਜ਼ੇ ਵਿਚ ਲੈ ਕੇ ਸਰਕਾਰੀ ਜਨਰਲ ਹਸਪਤਾਲ ਪੰਚਕੂਲਾ ਦੇ ਮੁਰਦਾਘਾਟ ਵਿਚ ਰਖਵਾ ਦਿਤੀ ਹੈ। ਇਸ ਦਾ ਪੋਸਟਮਾਰਟਮ ਬਾਅਦ ਵਿਚ ਕੀਤਾ ਜਾਵੇਗਾ। ਜਿਥੋਂ ਇਹ ਪਤਾ ਲੱਗ ਸਕੇਗਾ ਕਿ ਇਹ ਹਤਿਆ ਸੀ ਜਾਂ ਆਤਮ ਹਤਿਆ ਹੈ। ਪੁਲਿਸ ਆਸ-ਪਾਸ ਦੇ ਲੋਕਾਂ ਕੋਲੋਂ ਇਸ ਨੌਜਵਾਨ ਦੀ ਸ਼ਨਾਖਤ ਬਾਰੇ ਪਤਾ ਕਰ ਰਹੀ ਹੈ।