ਕੋਰੋਨਾ ਕਾਰਨ ਬਿਹਾਰ ਦੇ ਮੰਤਰੀ ਕਪਿਲ ਦੇਵ ਦਾ ਦਿਹਾਂਤ
ਪਟਨਾ, 16 ਅਕਤੂਬਰ : ਬਿਹਾਰ ਦੇ ਪੰਚਾਇਤੀ ਰਾਜ ਮੰਤਰੀ ਕਪਿਲ ਦੇਵ ਕਾਮਤ ਦੀ ਪਟਨਾ ਸਥਿਤ ਏਮਜ਼ ਵਿਖੇ ਕੋਵਿਡ-19 ਕਾਰਨ ਵੀਰਵਾਰ ਦੇਰ ਰਾਤ ਦਿਹਾਂਤ ਹੋ ਗਿਆ। ਉਹ 70 ਸਾਲ ਦੇ ਸਨ। ਕਾਮਤ ਦੇ ਪਰਵਾਰ 'ਚ ਦੋ ਬੇਟੇ ਅਤੇ ਚਾਰ ਬੇਟੀਆਂ ਹਨ ਅਤੇ ਦੋ ਮਹੀਨੇ ਪਹਿਲਾ ਉਨ੍ਹਾਂ ਦੀ ਪਤਨੀ ਦੀ ਵੀ ਮੌਤ ਹੋ ਗਈ ਸੀ। ਏਮਜ਼ ਪਟਨਾ 'ਚ ਕੋਵਿਡ 19 ਦੇ ਨੋਡਲ ਅਧਿਕਾਰੀ ਡਾਕਟਰ ਸੰਜੀਵ ਕੁਮਾਰ ਨੇ ਕਿਹਾ ਕਿ ਕਪਿਲ ਦੇਵ ਕਾਮਤ ਦਾ ਦਿਹਾਂਤ ਦੇਰ ਰਾਤ 1 ਵਜ ਕੇ 50 ਮਿੰਟ 'ਤੇ ਹੋਇਆ। ਉਨ੍ਹਾਂ ਦੇ ਗੁਰਦਿਆਂ ਨੇ ਕੰਮ ਕਰਨਾ ਬੰਦ ਕਰ ਦਿਤਾ ਸੀ ਅਤੇ ਪਿਛਲੇ ਕੁੱਝ ਦਿਨਾਂ ਤੋਂ ਉਹ ਵੈਂਟੀਲੇਟਰ 'ਤੇ ਸਨ। ਬਾਬੂਬਰਹੀ ਵਿਧਾਨ ਸਭਾ ਖੇਤਰ ਤੋਂ ਜਦਯੂ ਵਿਧਾਇਕ ਕਾਮਤ ਨੂੰ ਕੋਰੋਨਾ ਵਾਇਰਸ ਨਾਲ ਪੀੜਤ ਹੋਣ ਦੇ ਬਾਅਦ ਇਕ ਅਕਤੂਬਰ ਨੂੰ ਹਸਪਤਾਲ 'ਚ ਦਾਖ਼ਲ ਕਰਾਇਆ ਗਿਆ ਸੀ। (ਪੀਟੀਆਈ)