ਪੜ੍ਹਾਈ ਤੋਂ ਇਲਾਵਾ ਖੇਡਾਂ ਅਤੇ ਭੰਗੜੇ ਦਾ ਸ਼ੌਂਕ ਵੀ ਰੱਖਦੇ ਹਨ ਗੁਰਕੀਰਤ ਸਿੰਘ
ਚੰਡੀਗੜ੍ਹ: ਰਾਸ਼ਟਰੀ ਯੋਗਤਾ ਅਤੇ ਦਾਖਲਾ ਪ੍ਰੀਖਿਆ (NEET) ਦੇ ਨਤੀਜੇ ਬੀਤੀ ਸ਼ਾਮ ਜਾਰੀ ਹੋਏ। ਦਾਖਲਾ ਪ੍ਰੀਖਿਆ ਵਿਚ ਗੁਰਕੀਰਤ ਸਿੰਘ ਨੇ ਟ੍ਰਾਈਸਿਟੀ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਉਹਨਾਂ ਨੇ 720 ਵਿਚੋਂ 710 ਅੰਕ ਹਾਸਲ ਕੀਤੇ। ਉਹ ਸਿਰਸਾ ਦੇ ਰਹਿਣ ਵਾਲੇ ਹਨ, ਪਰ ਉਹਨਾਂ ਨੇ ਅਪਣੀ ਪੜ੍ਹਾਈ ਚੰਡੀਗੜ੍ਹ ਤੋਂ ਕੀਤੀ ਹੈ।
NEET 2020
ਟ੍ਰਾਈਸਿਟੀ ਟਾਪਰ ਅਤੇ ਆਲ ਇੰਡੀਆ ਵਿਚ 15ਵੀਂ ਰੈਂਕਿੰਗ ਹਾਸਲ ਕਰਨ ਵਾਲੇ ਗੁਰਕੀਰਤ ਸਿੰਘ ਨੇ ਅਪਣੀ ਪੜ੍ਹਾਈ ਚੰਡੀਗੜ੍ਹ ਦੇ ਸੈਕਟਰ 37 ਸਥਿਤ ਸੈਂਟ ਪੀਟਰਸ ਸਕੂਲ ਤੋਂ ਕੀਤੀ ਹੈ। ਸੈਕਟਰ-16 ਵਿਚ ਰਹਿ ਕੇ ਉਹਨਾਂ ਨੇ ਨੀਟ ਪ੍ਰੀਖਿਆ ਦੀ ਤਿਆਰੀ ਕੀਤੀ। ਉਹਨਾਂ ਨੂੰ ਡਾਕਟਰ ਬਣਨ ਦੀ ਪ੍ਰੇਰਣਾ ਅਪਣੀ ਭੈਣ ਨਵਪ੍ਰੀਤ ਕੌਰ ਤੋਂ ਮਿਲੀ ਹੈ, ਜੋ ਕਿ ਐਮਬੀਬੀਐਸ ਕਰ ਰਹੀ ਹੈ।
Gurkirat tops Chandigarh in NEET
ਸਿਰਸਾ ਦੇ ਰਹਿਣ ਵਾਲੇ ਗੁਰਕੀਰਤ ਸਿੰਘ ਨੇ ਦੱਸਿਆ ਕਿ 11ਵੀਂ ਕਲਾਸ ਵਿਚ ਪਹੁੰਚਦੇ ਹੀ ਉਹਨਾਂ ਨੇ ਅਪਣਾ ਪੂਰਾ ਧਿਆਨ ਨੀਟ ਦੀ ਤਿਆਰੀ 'ਤੇ ਲਗਾਇਆ।
ਪੜ੍ਹਾਈ ਤੋਂ ਇਲਾਵਾ ਗੁਰਕੀਰਤ ਸਿੰਘ ਖੇਡਾਂ ਵਿਚ ਵੀ ਕਾਫ਼ੀ ਅੱਗੇ ਹੈ। ਇਸ ਤੋਂ ਇਲਾਵਾ ਗੁਰਕੀਰਤ ਨੂੰ ਭੰਗੜੇ ਦਾ ਵੀ ਬਹੁਤ ਸ਼ੌਂਕ ਹੈ।
NEET 2020
ਉਹਨਾਂ ਨੇ ਦੱਸਿਆ ਕਿ ਪ੍ਰੀਖਿਆ ਦੀ ਤਿਆਰੀ ਦੌਰਾਨ ਜਦੋਂ ਵੀ ਉਹ ਥੱਕ ਜਾਂਦੇ ਤਾਂ ਉਹ ਭੰਗੜਾ ਪਾਉਂਦੇ ਸੀ। ਉਹਨਾਂ ਦੱਸਿਆ ਕਿ ਪ੍ਰੀਖਿਆ ਦੀ ਤਿਆਰੀ ਲਈ ਉਹ ਰੋਜ਼ 12 ਘੰਟੇ ਪੜ੍ਹਾਈ ਕਰਦੇ ਸਨ। ਗੁਰਕੀਰਤ ਸਿੰਘ ਦੇ ਪਿਤਾ ਸਰਕਾਰੀ ਕਰਮਚਾਰੀ ਹਨ ਅਤੇ ਉਹਨਾਂ ਦੀ ਮਾਂ ਇਕਬਾਲ ਕੌਰ ਵਿਗਿਆਨ ਦੀ ਅਧਿਆਪਕ ਹੈ।
