84 ਸਿੱਖ ਕਤਲੇਆਮ ਨੂੰ ਲੈ ਕੇ ਬੀਤੇ ਦਿਨੀਂ ਦਿੱਲੀ ਦੇ ਪਟਿਆਲਾ ਹਾਊਸ ਵਿਖੇ ਪੀੜਤਾ ਚਾਮ ਕੌਰ ਨੇ ਸੱਜਣ ਕੁਮਾਰ ਨੂੰ ਪਹਿਚਾਣ ਲਿਆ ਹੈ....
ਚੰਡੀਗੜ੍ਹ (ਸ.ਸ.ਸ) : 84 ਸਿੱਖ ਕਤਲੇਆਮ ਨੂੰ ਲੈ ਕੇ ਬੀਤੇ ਦਿਨੀਂ ਦਿੱਲੀ ਦੇ ਪਟਿਆਲਾ ਹਾਊਸ ਵਿਖੇ ਪੀੜਤਾ ਚਾਮ ਕੌਰ ਨੇ ਸੱਜਣ ਕੁਮਾਰ ਨੂੰ ਪਹਿਚਾਣ ਲਿਆ ਹੈ। ਚਾਮ ਕੌਰ ਨੇ ਆਪਣੀ ਗਵਾਹੀ ਵਿਚ ਕਿਹਾ ਕਿ ਸੱਜਣ ਕੁਮਾਰ ਨੇ ਹੀ ਭੀੜ ਨੂੰ ਉਕਸਾਇਆ ਸੀ ਅਤੇ ਕਤਲੇਆਮ ਕਰਨ ਦਾ ਆਦੇਸ਼ ਦਿੱਤਾ ਸੀ। 1 ਨਵੰਬਰ 1984 ਨੂੰ ਸੁਲਤਾਨਪੁਰੀ ਇਲਾਕੇ ਭੂਤਰੀ ਹੋਈ ਭੀੜ ਦਾ ਸ਼ਿਕਾਰ ਹੋਈ ਚਾਮ ਕੌਰ ਨੇ ਦੰਗੇ ਵਿਚ ਆਪਣੇ ਪਿਤਾ ਅਤੇ ਪੁੱਤਰ ਨੂੰ ਗਵਾ ਦਿੱਤਾ।
ਜੱਜ ਪੂਨਮ ਭਾਂਬਾ ਦੀ ਅਦਾਲਤ ਵਿਚ ਪੇਸ਼ੀ ਦੌਰਾਨ ਚਾਮ ਕੌਰ ਨੇ ਦੱਸਿਆ ਕਿ ਸੱਜਣ ਕੁਮਾਰ ਨੇ ਸੁਲਤਾਨਪੁਰੀ ਇਲਾਕੇ ਵਿਚ ਭੀੜ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਹਮਾਰੀ ਮਾਂ ਮਾਰ ਦੀ,ਸਰਦਾਰੋਂ ਕੋ ਮਾਰੋ। ਅਗਲੀ ਸਵੇਰ ਸਾਡੇ 'ਤੇ ਹਮਲਾ ਹੋਇਆ ਇਸ ਹਮਲੇ ਵਿਚ ਮੇਰੇ ਪੁੱਤਰ ਅਤੇ ਪਿਤਾ ਨੂੰ ਮਾਰ ਦਿੱਤਾ ਗਿਆ। ਮੇਰਾ ਬੇਟੇ ਕਪੂਰ ਸਿੰਘ ਅਤੇ ਮੇਰੇ ਪਿਤਾ ਸਰਦਾਰਜੀ ਸਿੰਘ ਨੂੰ ਦੂਜੀ ਮੰਜ਼ਲ ਤੋਂ ਬਾਹਰ ਕੱਢਿਆ ਗਿਆ ਅਤੇ ਉਨ੍ਹਾਂ ਨੂੰ ਬੁਰੀ ਤਰ੍ਹਾਂ ਕੁੱਟਿਆ ਗਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਛੱਤ ਤੋਂ ਹੇਠਾਂ ਸੁੱਟ ਦਿੱਤਾ ਗਿਆ।
ਪੀੜਤਾ ਚਾਮ ਕੌਰ ਵੱਲੋਂ ਸੱਜਣ ਕੁਮਾਰ ਨੂੰ ਪਹਿਚਾਨਣ ਤੋਂ ਬਾਅਦ ਸਿਆਸੀ ਮਾਹੌਲ ਭਖਿਆ ਹੋਇਆ ਹੈ ਅਤੇ ਅਦਾਲਤ ਵੱਲੋਂ ਇਸ ਮਾਮਲੇ 'ਤੇ ਅਗਲੀ ਸੁਣਵਾਈ 20 ਦਿਸੰਬਰ ਨੂੰ ਹੋਵੇਗੀ। ਦਿੱਲੀ ਕੈਂਟ ਮਾਮਲੇ ਦੀ ਸੁਣਵਾਈ 2010 ਵਿਚ ਹੋਈ ਸੀ, ਅਤੇ 2013 ਵਿਚ ਪੰਜ ਵਿਅਕਤੀਆਂ ਦੀ ਸਜ਼ਾ ਸੁਣਾਏ ਜਾਣ ਦੇ ਨਾਲ ਹੀ ਸੀ, ਪਰ ਸੱਜ ਕੁਮਾਰ ਦੀ ਬਰੀ ਹੋ ਗਿਆ ਸੀ। ਅਸੀਂ ਦਿੱਲੀ ਹਾਈ ਕੋਰਟ ਵਿਚ ਉਸ ਦੇ ਬਰੀ ਕੀਤੇ ਜਾਣ ਨੂੰ ਚੁਣੌਤੀ ਦਿਤੀ ਹੈ ਅਤੇ 20 ਨਵੰਬਰ ਤੋਂ ਬਾਅਦ ਦੇ ਕਿਸੇ ਵੀ ਦਿਨ ਦੀ ਉਡੀਕ ਕੀਤਾ ਜਾ ਰਹੀ ਹੈ।
ਇਸ ਕੇਸ ਵਿਚ ਲਿਖਤੀ ਦਲੀਲਾਂ ਦੇ ਸੰਮੇਲਨ ਵਿਚ ਆਖ਼ਰੀ ਦਿਨ ਸੱਜਣ ਕੁਮਾਰ ਦੀ ਸ਼ਮੂਲੀਅਤ ਦਾ ਮਾਮਲਾ ਬਹੁਤ ਮਹੱਤਵਪੂਰਨ ਹੈ, ਕਿਉਂਕਿ ਉਹ ਸੁਲਤਾਨਪੁਰੀ ਵਿਚ ਹੋਈਆਂ ਹੱਤਿਆਵਾਂ ਵਿਚ ਉਸ ਦੇ ਖ਼ਿਲਾਫ਼ ਉਸ ਦਾ ਨਾਂ ਲੈਣ ਵਾਲੀ ਇਹ ਦੂਜੀ ਗਵਾਹ ਹੈ। ਸੀ.ਬੀ.ਆਈ ਦੇ ਵਕੀਲ ਤਰੰਮਨ ਚੀਮਾ ਨੇ ਕਿਹਾ ਕਿ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਜਿਸ ਨੇ ਦੰਗੇ ਦੇ ਮਾਮਲਿਆਂ ਵਿਚ ਚਾਮ ਕੌਰ ਅਤੇ ਹੋਰ ਗਵਾਹਾਂ ਨੇ ਗਵਾਹੀ ਦਿਤੀ ਸੀ ਅੱਜ ਦੀਆਂ ਘਟਨਾਵਾਂ ਨੂੰ ਸਿੱਖਾਂ ਵਾਸਤੇ ਇਨਸਾਫ਼ ਦੀ ਯਾਤਰਾ ਵਿਚ ਇਕ ਮੀਲਪੱਥਰ ਕਿਹਾ ਹੈ।
