ਜੀ.ਐਸ.ਟੀ ਦਾ ਬਕਾਇਆ 35,298 ਕਰੋੜ ਜਾਰੀ ਕੀਤਾ
ਚੰਡੀਗੜ੍ਹ (ਸਪੋਕਸਮੈਨ ਸਮਾਚਾਰ ਸੇਵਾ): ਮਾੜੀ ਵਿੱਤੀ ਹਾਲਤ ਨਾਲ ਜੂਝ ਰਹੇ ਪੰਜਾਬ ਨੂੰ ਕੇਂਦਰ ਨੇ ਵੱਡੀ ਰਾਹਤ ਦੇ ਦਿਤੀ ਹੈ। ਕੇਂਦਰ ਸਰਕਾਰ ਨੇ ਜੀਐਸਟੀ ਦੇ ਬਕਾਏ ਜਾਰੀ ਕੀਤੇ ਹਨ। ਕੇਂਦਰ ਨੇ ਰਾਜਾਂ ਨੂੰ 35,298 ਕਰੋੜ ਜਾਰੀ ਕੀਤੇ ਹਨ। ਇਨ੍ਹਾਂ ਵਿਚੋਂ 2228 ਕਰੋੜ ਰੁਪਏ ਅੱਜ ਪੰਜਾਬ ਨੂੰ ਮਿਲ ਗਏ ਹਨ ਜਿਸ ਦੀ ਪੁਸ਼ਟੀ ਪ੍ਰਮੁੱਖ ਸਕੱਤਰ ਨੇ ਕਰ ਦਤੀ ਹੈ।
GST
ਪਿਛਲੇ ਦਿਨੀਂ ਮਨਪ੍ਰੀਤ ਬਾਦਲ ਨੇ ਕੇਂਦਰੀ ਵਿੱਤ ਮੰਤਰੀ ਸੀਤਾਰਮਨ ਨਾਲ ਮੁਲਾਕਾਤ ਕੀਤੀ ਸੀ ਤੇ ਸੀਤਾਰਮਨ ਨੇ ਮਨਪ੍ਰੀਤ ਨੂੰ ਭਰੋਸਾ ਦਿਤਾ ਸੀ ਕਿ ਛੇਤੀ ਹੀ ਜੀ ਐਸ ਟੀ ਦਾ ਬਕਾਇਆ ਜਾਰੀ ਕਰ ਦਿਤਾ ਜਾਵੇਗਾ। ਅੱਜ ਮਿਲੇ ਬਕਾਏ ਨਾਲ ਪੰਜਾਬ ਸਰਕਾਰ ਦੀ ਗੱਡੀ ਕਾਫ਼ੀ ਹੱਦ ਤਕ ਰੁੜ ਜਾਵੇਗੀ ਕਿਉਂਕਿ ਪੰਜਾਬ ਦਾ ਖ਼ਜ਼ਾਨਾ ਖ਼ਾਲੀ ਹੋਣ ਕਾਰਨ ਸਰਕਾਰ ਕੰਗਾਲੀ ਦੀ ਹਾਲਤ 'ਚ ਆ ਗਈ ਸੀ।
Manpreet Badal And Nirmala Sitaraman
ਸਰਕਾਰ ਕੋਲ ਰੋਜ਼ਮਰ੍ਹਾ ਦੇ ਖ਼ਰਚੇ ਚਲਾਉਣ ਲਈ ਵੀ ਪੈਸਾ ਨਹੀਂ ਸੀ। ਸਾਰੇ ਵਿਭਾਗਾਂ ਦੇ ਮੁਲਾਜ਼ਮ ਤਨਖ਼ਾਹਾਂ ਨਾ ਮਿਲਣ ਕਾਰਨ ਪੰਜਾਬ ਸਰਕਾਰ ਨੂੰ ਕੋਸ ਰਹੇ ਸਨ ਤੇ ਇਨ੍ਹਾਂ ਮੁਲਾਜ਼ਮਾਂ ਨੂੰ ਮਨਪ੍ਰੀਤ ਬਾਦਲ ਨਾਲ ਕਾਫ਼ੀ ਰੋਸਾ ਸੀ ਤੇ ਪਿਛਲੇ ਦਿਨੀਂ ਮੁਲਾਜ਼ਮਾਂ ਨੇ ਮਨਪ੍ਰੀਤ ਬਾਦਲ ਦੇ ਪੋਸਟਰ ਵੀ ਜਾਰੀ ਕੀਤੇ ਸਨ। ਪਾਵਰਕਾਮ ਦੇ ਮੁਲਾਜ਼ਮਾਂ ਨੇ ਵੀ ਸਰਕਾਰ ਵਿਰੁਧ ਝੰਡਾ ਚੁਕਿਆ ਹੋਇਆ ਹੈ।
Punjab Govt
ਮੁਲਾਜ਼ਮਾਂ ਨੂੰ ਤਨਖ਼ਾਹਾਂ ਨਾ ਦੇਣ 'ਤੇ ਵੀ ਮਨਪ੍ਰੀਤ ਵਿਰੋਧੀ ਧਿਰਾਂ ਦੇ ਨਿਸ਼ਾਨੇ 'ਤੇ ਆ ਗਏ ਸਨ। ਬੀਤੇ ਦਿਨੀਂ ਸੁਖਬੀਰ ਬਾਦਲ ਨੇ ਵੀ ਟਵਿੱਟਰ ਰਾਹੀਂ ਤੰਜ ਕਸਿਆ ਸੀ। ਹੁਣ ਇਸ ਤਰ੍ਹਾਂ ਲਗਦਾ ਹੈ ਕਿ ਕੇਂਦਰ ਸਰਕਾਰ ਵਲੋਂ ਮਿਲੇ ਇਸ ਪੈਸੇ ਨਾਲ ਪੰਜਾਬ ਸਰਕਾਰ ਸੁਖ ਦਾ ਸਾਹ ਲਵੇਗੀ।
Sukhbir Badal
ਇਹ ਬਕਾਇਆ ਮਿਲਣ ਤੋਂ ਬਾਅਦ ਇਕ ਗੱਲ ਹੋਰ ਸਪੱਸ਼ਟ ਹੋ ਗਈ ਕਿ ਸੂਬੇ ਅੰਦਰ ਜੇਕਰ ਵਿਰੋਧੀ ਪਾਰਟੀ ਦੀ ਸਰਕਾਰ ਹੋਵੇ ਤਾਂ ਕੇਂਦਰ ਜਾਣਬੁੱਝ ਕੇ ਸੂਬਾ ਸਰਕਾਰ ਨੂੰ ਜ਼ਲੀਲ ਕਰਦਾ ਹੈ। ਇਥੇ ਵੀ ਬਿਲਕੁੱਲ ਅਜਿਹਾ ਹੀ ਹੋਇਆ ਕਿ ਭਾਜਪਾ ਨੇ ਅਪਣੇ ਭਾਈਵਾਲਾਂ ਦੇ ਆਖੇ ਲੱਗ ਕੇ ਪਿਛਲੇ ਸਮੇਂ ਤੋਂ ਪੰਜਾਬ ਦੇ ਹਰੇਕ ਵਰਗ ਨੂੰ ਫਾਹੇ ਟੰਗੀ ਰਖਿਆ।
