ਸਿਆਸੀ ਮੈਦਾਨ ਵਿਚ ਆਮ ਆਦਮੀ ਪਾਰਟੀ ਪੰਜਾਬ ਦੇ ਪ੍ਰਧਾਨ ਭਗਵੰਤ ਮਾਨ ਨੂੰ ਸਭ ਤੋਂ ਵੱਧ ਐਲਰਜ਼ੀ ਬਾਗੀ ਹੋ ਕੇ ਵੱਖਰੀ ਪੰਜਾਬ ਏਕਤਾ ਪਾਰਟੀ ਬਣਾਉਣ...
ਚੰਡੀਗੜ੍ਹ : ਸਿਆਸੀ ਮੈਦਾਨ ਵਿਚ ਆਮ ਆਦਮੀ ਪਾਰਟੀ ਪੰਜਾਬ ਦੇ ਪ੍ਰਧਾਨ ਭਗਵੰਤ ਮਾਨ ਨੂੰ ਸਭ ਤੋਂ ਵੱਧ ਐਲਰਜ਼ੀ ਬਾਗੀ ਹੋ ਕੇ ਵੱਖਰੀ ਪੰਜਾਬ ਏਕਤਾ ਪਾਰਟੀ ਬਣਾਉਣ ਵਾਲੇ ਸੁਖਪਾਲ ਖਹਿਰਾ ਨਾਲ ਹੈ। ਸੁਖਪਾਲ ਖਹਿਰਾ ਕਰਕੇ ਹੀ ਭਗਵੰਤ ਮਾਨ ਨੇ ਗੱਠਜੋੜ ਵਿਚ ਸ਼ਾਮਲ ਹੋਣ ਤੋਂ ਇੰਨਕਾਰ ਕਰ ਦਿੱਤਾ ਸੀ। ਤਵਾਰ ਨੂੰ ਸੰਗਰੂਰ ਵਿਚ ਦੋਵੇਂ ਵਿਰੋਧੀ ਲੀਡਰ ਅਚਾਨਕ ਆਹਮੋ-ਸਾਹਮਣੇ ਆ ਗਏ।
Sukhpal Khaira
ਇੱਕ ਦੂਜੇ ਤੇ ਤਾਬੜਤੋੜ ਹਮਲੇ ਕਰਨ ਵਾਲੇ ਦੋਵੇਂ ਲੀਡਰ ਵੇਖਦਿਆਂ ਹੀ ਮੁਸਕਰਾ ਪਏ। ਉਨ੍ਹਾਂ ਨੇ ਹੱਥ ਮਿਲਾਇਆ ਤੇ ਕੁਝ ਚਿਰ ਗੱਲ ਵੀ ਕੀਤੀ। ਦਰਅਸਲ ਭਗਵੰਤ ਮਾਨੇ ਤੇ ਸੁਖਪਾਲ ਖਹਿਰਾ ਅਚਾਨਕ ਹੀ ਸੰਗਰੂਰ ਦੇ ਰੈਸਟ ਹਾਊਸ ਵਿਚ ਆਹਮੋ-ਸਾਹਮਣੇ ਆ ਗਏ। ਦੋਵਾਂ ਨੇ ਇੱਕ ਦੂਜੇ ਨਾਲ ਹੱਥ ਮਿਲਾਇਆ ਤੇ ਹਾਲ-ਚਾਲ ਪੁੱਛਿਆ।
Bhagwant maan with Sukhpal Khaira
ਭਗਵੰਤ ਮਾਨ ਪ੍ਰੈਸ ਕਾਂਨਫਰੰਸ ਕਰਨ ਮਗਰੋਂ ਰੈਸਟ ਹਾਊਸ ਦੇ ਕਮਰੇ ਵਿਚ ਬੈਠੇ ਸਨ, ਜਦਕਿ ਸੁਖਪਾਲ ਖਹਿਰਾ ਸਾਬਕਾ ਮੰਤਰੀ ਗੋਬਿੰਦ ਸਿੰਘ ਕਾਂਝਲਾ ਨਮਿਤ ਅੰਤਿਮ ਆਰਦਾਸ ਵਿਚ ਸ਼ਾਮਲ ਹੋਣ ਤੋਂ ਪਹਿਲਾਂ ਰੈਸਟ ਆਊਸ ਪੁੱਜੇ ਸਨ। ਦੋਵੇਂ ਅਚਾਨਕ ਹੀ ਰੈਸਟ ਹਾਊਸ ਦੇ ਕਮਰੇ ਵਿਚ ਇਕੱਠੇ ਹੋ ਗਏ। ਦੋਵਾਂ ਨੇ ਹੱਥ ਮਿਲਾਇਆ ਤੇ ਅੱਧਾ ਕੁ ਮਿੰਟ ਇੱਕ ਦੂਜੇ ਕੋਲ ਖੜ੍ਹੇ ਤੇ ਰਸਮੀ ਤੌਰ ‘ਤੇ ਹਾਲ ਚਾਲ ਪੁੱਛਿਆ।
