ਇਹਨਾਂ ਚੱਕੀਆਂ ਤੇ ਕਣਕ ਪੀਸ ਕੇ ਉਸ ਤੋਂ ਆਟਾ...
ਅੰਮ੍ਰਿਤਸਰ: ਪਿੰਡ ਰਾਣੇਵਾਲੀ ਵਿਚ ਇਕ ਇਤਿਹਾਸਿਕ ਇਮਾਰਤ ਬਣੀ ਹੋਈ ਹੈ। ਜਦੋਂ ਭਾਰਤ ਤੇ ਬ੍ਰਿਟਿਸ਼ ਰਾਜ ਸਥਾਪਿਤ ਸੀ ਤਾਂ ਉਹਨਾਂ ਨੇ ਇਸ ਇਮਾਰਤ ਦਾ ਨਿਰਮਾਣ ਕੀਤਾ ਸੀ। ਇਸ ਇਮਾਰਤ ਦੀ ਖੂਬੀ ਇਹ ਹੈ ਕਿ ਇਸ ਵਿਚ ਪਣ-ਚੱਕੀਆਂ ਸਥਾਪਿਤ ਕੀਤੀਆਂ ਗਈਆਂ ਸਨ ਜੋ ਕਿ ਪਾਣੀ ਨਾਲ ਚਲਦੀਆਂ ਹਨ। ਇਹ ਪਣ-ਚੱਕੀ ਲਾਹੌਰ ਬ੍ਰਾਂਚ ਨਹਿਰ ਅੰਮ੍ਰਿਤਸਰ ਵਿਚ ਸਥਿਤ ਹੈ।
Piara Singh
ਇਹਨਾਂ ਚੱਕੀਆਂ ਤੇ ਕਣਕ ਪੀਸ ਕੇ ਉਸ ਤੋਂ ਆਟਾ ਤਿਆਰ ਕੀਤਾ ਜਾਂਦਾ ਸੀ। ਜਦੋਂ ਤਕ ਨਹਿਰ ਦਾ ਪਾਣੀ ਚਲਦਾ ਰਹਿੰਦਾ ਹੈ ਤਾਂ ਇਹ ਚੱਕੀਆਂ ਚਲਦੀਆਂ ਰਹਿੰਦੀਆਂ ਹਨ ਤੇ ਜਦੋਂ ਪਾਣੀ ਬੰਦ ਹੋ ਜਾਂਦਾ ਹੈ ਤਾਂ ਚੱਕੀਆਂ ਵੀ ਬੰਦ ਹੋ ਜਾਂਦੀਆਂ ਹਨ। ਇਹਨਾਂ ਚੱਕੀਆਂ ਬਾਰੇ ਕਿਹਾ ਜਾਂਦਾ ਹੈ ਕਿ ਇਹਨਾਂ ਚੱਕੀਆਂ ਤੋਂ ਤਿਆਰ ਕੀਤਾ ਆਟਾ ਮਨੁੱਖੀ ਸਿਹਤ ਲਈ ਬਹੁਤ ਹੀ ਲਾਹੇਵੰਦ ਹੈ।
Piara Singh
ਇਸ ਚੱਕੀ ਨੂੰ ਪਿਆਰਾ ਸਿੰਘ 11 ਸਾਲ ਤੋਂ ਚਲਾ ਰਹੇ ਹਨ ਇਸ ਤੋਂ ਪਹਿਲਾਂ ਉਹਨਾਂ ਦੇ ਵਡ-ਵਡੇਰਿਆਂ ਨੇ ਇਸ ਚੱਕੀ ਦਾ ਕੰਮ ਸੰਭਾਲਿਆ ਹੋਇਆ ਸੀ। ਆਟੇ ਤੋਂ ਇਲਾਵਾ ਇਸ ਚੱਕੀ ਤੇ ਪਸ਼ੂਆਂ ਲਈ ਦਲੀਆ ਵੀ ਪੀਸਿਆ ਜਾਂਦਾ ਹੈ, ਵੇਸਣ, ਦਾਲਾਂ ਵੀ ਪੀਸੀਆਂ ਜਾ ਸਕਦੀਆਂ ਹਨ। ਜਿਹੜੇ ਲੋਕ ਇਸ ਚੱਕੀ ਦਾ ਆਟਾ ਖਾਂਦੇ ਹਨ ਉਹਨਾਂ ਦਾ ਕਹਿਣਾ ਹੈ ਕਿ ਇਸ ਚੱਕੀ ਦਾ ਆਟਾ ਉਹਨਾਂ ਲਈ ਬਹੁਤ ਹੀ ਲਾਹੇਵੰਦ ਹੈ।
Mill
ਹੋਰ ਵੀ ਕਈ ਪਿੰਡਾਂ ਦੇ ਲੋਕ ਇੱਥੇ ਆਟਾ ਪਿਸਵਾਉਣ ਆਉਂਦੇ ਹਨ। ਪਿਆਰਾ ਸਿੰਘ ਨੇ 2011 ਵਿਚ ਚੱਕੀ ਦਾ ਕੰਮ ਸਾਂਭਿਆ ਸੀ ਤੇ ਉਹਨਾਂ ਨੇ ਹੀ ਇਸ ਦੀ ਇਮਾਰਤ ਦੀ ਮੁਰੰਮਤ ਕਰਵਾਈ ਸੀ ਤੇ ਚੱਕੀਆਂ ਦਾ ਕੰਮ ਵੀ ਸੁਚਾਰੂ ਕਰਵਾਇਆ ਸੀ। ਪਿਆਰਾ ਸਿੰਘ ਨੇ ਪ੍ਰਸ਼ਾਸ਼ਨ ਨੂੰ ਵੀ ਗੁਹਾਰ ਲਗਾਈ ਸੀ ਕਿ ਇਮਾਰਤ ਦੀ ਹਾਲਤ ਖਸਤਾ ਹੋ ਰਹੀ ਹੈ ਤੇ ਇਸ ਦੀ ਮੁਰੰਮਤ ਕਰਵਾਈ ਜਾਵੇ ਪਰ ਉਹਨਾਂ ਦੀ ਗੱਲ ਵੱਲ ਕਿਸੇ ਵੀ ਅਧਿਕਾਰੀ ਨੇ ਗੌਰ ਨਹੀਂ ਕੀਤੀ।
Water
ਬਿਜਲੀ ਦਾ ਤਾਂ ਕੋਈ ਖਰਚ ਨਹੀਂ ਹੈ ਪਰ ਪਾਣੀ ਦੇ ਬਿਲ ਦਾ ਖਰਚ ਜ਼ਰੂਰ ਹੁੰਦਾ ਹੈ, ਪਾਣੀ ਦਾ ਬਿਲ 3700 ਰੁਪਏ ਹੈ ਜੋ ਕਿ ਉਹਨਾਂ ਨੂੰ ਹਰ ਮਹੀਨੇ ਦੇਣਾ ਪੈਂਦਾ ਹੈ। ਉੱਥੇ ਪਹੁੰਚੇ ਗਾਹਕਾਂ ਨੇ ਦਸਿਆ ਕਿ ਇਸ ਚੱਕੀ ਦਾ ਆਟਾ ਬਹੁਤ ਹੀ ਹੌਲੀ ਪੀਸਿਆ ਜਾਂਦਾ ਹੈ ਜਿਸ ਕਾਰਨ ਇਹ ਸੜਦਾ ਨਹੀਂ ਤੇ ਬਾਰੀਕ ਵੀ ਪੀਸਦਾ ਹੈ।
Piara Singh
ਗਾਹਕਾਂ ਨੇ ਦਸਿਆ ਕਿ ਇਸ ਦਾ ਆਟਾ ਸਿਹਤ ਲਈ ਬਹੁਤ ਹੀ ਫ਼ਾਇਦੇਮੰਦ ਹੈ ਤੇ ਇਹ ਹੈ ਵੀ ਪੁਰਾਤਨ ਸਮੇਂ ਦੀ। ਸੋ ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਹ ਅਜਿਹੀਆਂ ਇਤਿਹਾਸਿਕ ਤੇ ਸਿਹਤ ਲਈ ਲਾਹੇਵੰਦ ਚੀਜ਼ਾਂ ਦੀ ਸਾਂਭ-ਸੰਭਾਲ ਕਰੇ ਤਾਂ ਜੋ ਲੋਕ ਬਿਮਾਰੀਆਂ ਤੋਂ ਬਚੇ ਰਹਿਣ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
