ਠਗੀ ਦੇ ਮਾਮਲੇ ਵਿੱਚ ਰੋਪੜ ਦੀ ਚੀਫ ਜਿਊਡੀਸ਼ਿਅਲ ਮੈਜਿਸਟਰੇਟ ਮਦਨ ਲਾਲ ਦੀ ਅਦਾਲਤ ਨੇ ਸ਼ਿਵਸੇਨਾ ਦੇ ਰਾਸ਼ਟਰੀ ਪ੍ਰਧਾਨ ਨਿਸ਼ਾਂਤ ਸ਼ਰਮਾ ਨੂੰ 4 ਸਾਲ ਦੀ ਸਜ਼ਾ ਸੁਣਾਈ ...
ਪੰਜਾਬ :- ਠਗੀ ਦੇ ਮਾਮਲੇ ਵਿੱਚ ਰੋਪੜ ਦੀ ਚੀਫ ਜਿਊਡੀਸ਼ਿਅਲ ਮੈਜਿਸਟਰੇਟ ਮਦਨ ਲਾਲ ਦੀ ਅਦਾਲਤ ਨੇ ਸ਼ਿਵਸੇਨਾ ਦੇ ਰਾਸ਼ਟਰੀ ਪ੍ਰਧਾਨ ਨਿਸ਼ਾਂਤ ਸ਼ਰਮਾ ਨੂੰ 4 ਸਾਲ ਦੀ ਸਜ਼ਾ ਸੁਣਾਈ ਹੈ। ਦੱਸ ਦਈਏ ਕਿ ਨਿਸ਼ਾਂਤ ਸ਼ਰਮਾ ਨੂੰ 5000 ਰੁ ਜੁਰਮਾਨਾ ਵੀ ਲਗਾਇਆ ਗਿਆ ਹੈ। ਨਿਸ਼ਾਂਤ ਸ਼ਰਮਾਂ ਤੇ ਦੋਸ਼ ਹੈ ਕਿ ਅਖਬਾਰ ਵਿਚ ਇਸ਼ਤਿਹਾਰ ਦੇਕੇ ਲੋਕਾਂ ਨੂੰ ਸਸਤੇ ਰੇਤ 'ਤੇ ਗੱਡੀਆਂ ਵੇਚਣ ਦਾ ਝਾਂਸਾ ਦੇਕੇ ਉਹ ਲੋਕਾਂ ਨਾਲ ਠਗੀ ਮਾਰਦਾ ਸੀ। ਇਸ ਮਾਮਲੇ ਵਿੱਚ ਉਸਦੇ ਸਾਥੀ ਰਵੀ, ਵਿਕਾਸ ਅਤੇ ਰੋਹਿਤ ਭਗੌੜੇ ਹਨ। ਕੁਰਾਲੀ ਪੁਲਿਸ ਨੇ ਨਿਸ਼ਾਂਤ ਅਤੇ ਉਸਦੇ 3 ਸਾਥੀਆਂ ਦੇ ਖਿਲਾਫ 2011 ਵਿਚ ਐਫ.ਆਈ.ਆਰ - 166 ਦਰਜ ਕੀਤੀ ਸੀ।
Nishant Sharma
ਆਰੋਪੀਆਂ ਨੇ ਹਿਸਾਰ ਦੇ ਵਿਅਕਤੀ ਨੂੰ ਸੈਕੇਂਡ ਹੈਂਡ ਕਾਰ ਵੇਚਣ ਦੇ ਇਰਾਦੇ ਇਰਾਦੇ ਵਿਚ ਠਗੀ ਦਾ ਸ਼ਿਕਾਰ ਬਣਾਇਆ ਸੀ। ਆਰੋਪੀਆਂ ਨੇ ਹਿਸਾਰ ਦੇ ਪਟੇਲ ਨਗਰ ਵਿਚ ਸੁੰਦਰ ਕਲੋਨੀ ਦੇ ਅਨਿਲ ਕੁਮਾਰ ਪੁੱਤਰ ਲਾਲ ਚੰਦ ਨੂੰ ਇਨੋਵਾ ਵੇਚਣ ਦਾ ਸੌਦਾ ਕੀਤਾ ਸੀ। ਅਡਵਾਂਸ 1 ਲੱਖ 85 ਹਜਾਰ ਰੁਪਏ ਲੈ ਕੇ ਕਾਰ ਉਨ੍ਹਾਂ ਦੇ ਨਾਮ ਨਹੀਂ ਕਰਵਾਈ। ਅਨਿਲ ਕੁਮਾਰ ਨੇ ਪੁਲਿਸ ਨੂੰ ਸ਼ਿਕਾਇਤ ਵਿਚ ਲਿਖਿਆ ਹੈ ਕਿ ਆਰੋਪੀਆਂ ਨੇ ਆਪਣੀ ਫਰਮ ਐਮ.ਕੇ. ਕੰਪਲੈਕਸ, ਨਜ਼ਦੀਕ ਸੰਨੀ ਇਨਕਲੇਵ ਖਰੜ ਦਾ ਪਤਾ ਦੇਕੇ ਇਸ਼ਤਿਹਾਰ ਦਿੱਤਾ ਕਿ ਉਨ੍ਹਾਂ ਦੇ ਕੋਲ ਇਨੋਵਾ ਅਤੇ ਸਕੋਡਾ ਕਾਰ ਸੈਕੇਂਡ ਹੈਂਡ ਵਿਕਰੀ ਲਈ ਉਪਲੱਬਧ ਹਨ।
ਉਹ ਕੁਰਾਲੀ ਆਕੇ ਇਨੋਵਾ ਕਾਰ ਦੇਖਕੇ ਗਿਆ। ਆਰੋਪੀਆਂ ਨੇ ਉਸ ਨੂੰ ਕਾਰ ਦਿਖਾਈ ਅਤੇ ਅਡਵਾਂਸ ਰਾਸ਼ੀ ਲੈ ਲਈ, ਪਰ ਬਾਅਦ ਵਿਚ ਉਸ ਦੇ ਚੱਕਰ ਇਹ ਕਹਿਕੇ ਲਗਵਾਉਂਦੇ ਰਹੇ ਕਿ ਗੱਡੀ ਦਾ ਮਾਲਿਕ ਨਹੀਂ ਆਇਆ ਹੈ। ਬਾਅਦ ਵਿਚ ਆਰੋਪੀਆਂ ਨੇ ਉਸ ਨੂੰ ਲਈ ਗਈ ਰਾਸ਼ੀ ਦਾ ਚੈਕ ਸੌਂਪ ਦਿੱਤਾ। ਕੁੱਝ ਦਿਨ ਬਾਅਦ ਉਸ ਨੂੰ ਕਿਹਾ ਕਿ ਉਹ ਆਪਣੇ ਪੈਸੇ ਚੈਕ ਬੈਂਕ ਵਿਚ ਲਗਾਕੇ ਲੈ ਲਵੇ, ਪਰ ਚੈਕ ਬਾਊਂਸ ਹੋ ਗਿਆ। ਉਸ ਦੀ ਚਾਰਾਂ ਨਾਲ ਮੋਬਾਇਲ ਉੱਤੇ ਇਸ ਬਾਰੇ ਵਿਚ ਗੱਲ ਹੋਈ, ਫਿਰ ਉਨ੍ਹਾਂ ਨੇ ਉਸ ਨੂੰ ਆਪਣੇ ਦਫਤਰ ਬੁਲਾਇਆ।
ਉੱਥੇ ਉਸ ਨੂੰ ਸਿਰਫ 15 ਹਜ਼ਾਰ ਦੇਕੇ ਕਿਹਾ ਕਿ ਤੁਸੀ 2 ਦਿਨ ਬਾਅਦ ਆਓ। ਜਦੋਂ ਉਹ ਆਇਆ ਤਾਂ ਉਸ ਨੂੰ 20 ਹਜ਼ਾਰ ਰੁਪਏ ਦਿੱਤੇ ਅਤੇ ਧਮਕੀਆਂ ਦੇਣ ਲੱਗੇ ਕਿ ਹੁਣ ਦੁਬਾਰਾ ਇੱਥੇ ਆਇਆ ਤਾਂ ਜਾਨੋਂ ਮਾਰ ਦੇਣਗੇ। ਇਸਤੋਂ ਬਾਅਦ ਅਨਿਲ ਨੇ ਐਫ.ਆਈ.ਆਰ ਦਰਜ ਕਰਵਾਈ। ਰੂਪਨਗਰ ਦੇ ਚੀਫ ਜਿਊਡੀਸ਼ਿਅਲ ਮੈਜਿਸਟਰੇਟ ਮਦਨ ਲਾਲ ਨੇ ਆਰੋਪੀ ਨਿਸ਼ਾਂਤ ਸ਼ਰਮਾ ਨੂੰ 4 ਸਾਲ ਦੀ ਕੈਦ ਅਤੇ 5 ਹਜਾਰ ਰੁਪਏ ਜੁਰਮਾਨੇ ਦੀ ਸਜ਼ਾ ਸੁਣਾਈ ਹੈ।
