ਪੰਚਾਇਤਾਂ ਭੰਗ ਕਰਨ ਦੇ ਫ਼ੈਸਲੇ ਨੂੰ ਹਾਈ ਕੋਰਟ ’ਚ ਚੁਣੌਤੀ; ਨਾਭਾ ਤੇ ਮੂਣਕ ਦੇ ਸਰਪੰਚਾਂ ਦੀ ਪਟੀਸ਼ਨ ’ਤੇ ਨੋਟਿਸ ਜਾਰੀ
Published : Aug 18, 2023, 8:21 am IST
Updated : Aug 18, 2023, 8:21 am IST
SHARE ARTICLE
High Court notice to state on plea against dissolution of Panchayats
High Court notice to state on plea against dissolution of Panchayats

ਸਰਪੰਚਾਂ ਨੇ ਪਟੀਸ਼ਨ ਦਾਖ਼ਲ ਕਰ ਕੇ ਸਰਕਾਰ ਦੇ ਫ਼ੈਸਲੇ ਨੂੰ ਸਮਾਂ ਪੂਰਾ ਹੋਣ ਤੋਂ ਪਹਿਲਾਂ ਪੰਚਾਇਤਾਂ ਭੰਗ ਕਰ ਕੇ ਨਿਯਮਾਂ ਦੀ ਉਲੰਘਣਾ ਕਰਾਰ ਦਿਤਾ

 

ਚੰਡੀਗੜ੍ਹ : ਪੰਜਾਬ ਸਰਕਾਰ ਵਲੋਂ ਪੰਚਾਇਤਾਂ ਭੰਗ ਕੀਤੇ ਜਾਣ ਦੇ ਹੁਕਮ ਨੂੰ ਹਾਈ ਕੋਰਟ ਵਿਚ ਚੁਣੌਤੀ ਦੇ ਦਿਤੀ ਗਈ ਹੈ। ਜ਼ਿਲ੍ਹਾ ਪਟਿਆਲਾ ਦੇ ਨਾਭਾ ਅਤੇ ਮੂਣਕ ਬਲਾਕਾਂ ਦੇ ਕਈ ਸਰਪੰਚਾਂ ਨੇ ਪਟੀਸ਼ਨ ਦਾਖ਼ਲ ਕਰ ਕੇ ਸਰਕਾਰ ਦੇ ਫ਼ੈਸਲੇ ਨੂੰ ਸਮਾਂ ਪੂਰਾ ਹੋਣ ਤੋਂ ਪਹਿਲਾਂ ਪੰਚਾਇਤਾਂ ਭੰਗ ਕਰ ਕੇ ਨਿਯਮਾਂ ਦੀ ਉਲੰਘਣਾ ਕਰਾਰ ਦਿਤਾ ਹੈ। ਹਾਈ ਕੋਰਟ ਨੇ ਸਰਕਾਰ ਨੂੰ ਨੋਟਿਸ ਜਾਰੀ ਕਰ ਕੇ ਜਵਾਬ ਮੰਗ ਲਿਆ ਹੈ।

ਇਹ ਵੀ ਪੜ੍ਹੋ: ਲੁਧਿਆਣਾ ਜੇਲ ਵਿਚ ASI ਹੀ ਕਰ ਰਿਹਾ ਸੀ ਨਸ਼ਾ ਸਪਲਾਈ; ਨਸ਼ੀਲੀਆਂ ਗੋਲੀਆਂ ਅਤੇ ਹੈਰੋਇਨ ਸਣੇ ਕਾਬੂ

ਐਡਵੋਕੇਟ ਮਨੀਸ਼ ਕੁਮਾਰ ਸਿੰਗਲਾ ਰਾਹੀਂ ਦਾਖ਼ਲ ਦੋ ਪਟੀਸ਼ਨਾਂ ਵਿਚ ਪਟਿਆਲਾ ਬਲਾਕ ਦੇ ਪਿੰਡ ਪਾਲੀਆ ਖੁਰਦ ਦੇ ਬਲਵਿੰਦਰ ਸਿੰਘ, ਵਜੀਦਪੁਰ ਦੇ ਦਰਸ਼ਨ ਸਿੰਘ, ਰਾਇਸਲ ਦੇ ਹਰਬੰਸ ਸਿੰਘ, ਜੱਸੋਮਾਜਰਾ ਦੇ ਅਮਰੀਸ਼ ਸਿੰਘ, ਬੌਰਾਂ ਕਲਾਂ ਦੇ ਜਗਰੂਪ ਸਿੰਘ ਤੇ ਮੂਣਕ ਬਲਾਕ ਦੇ ਪਿੰਡ ਮਨਿਆਣਾ ਦੇ ਗੁਰਸੇਵ ਸਿੰਘ, ਬੁਸ਼ੈਹਰਾ ਦੇ ਬਲਜੀਤ ਸਿੰਘ, ਗਣੋਤਾ ਦੇ ਸੁਖਵਿੰਦਰ ਸਿੰਘ ਤੇ ਮਕੌਰ ਸਾਹਿਬ ਦੇ ਮਨੇਜਰ ਸਿੰਘ ਨੇ ਕਿਹਾ ਹੈ ਕਿ ਪੰਚਾਇਤਾਂ ਪੰਜ ਸਾਲ ਲਈ ਚੁਣੀਆਂ ਜਾਂਦੀਆਂ ਹਨ ਤੇ ਕਿਸੇ ਪੰਚਾਇਤ ਦਾ ਸਮਾਂ ਉਦੋਂ ਤੋਂ ਸ਼ੁਰੂ ਹੁੰਦਾ ਹੈ, ਜਦੋਂ ਪੰਚਾਇਤਾਂ ਪਹਿਲੀ ਮੀਟਿੰਗ ਕਰ ਕੇ ਕੰਮਕਾਜ ਸੰਭਾਲਦੀਆਂ ਹਨ, ਉਦੋਂ ਤੋਂ ਪੰਜ ਸਾਲ ਤਕ ਲਈ ਇਨ੍ਹਾਂ ਦੀ ਮਿਆਦ ਹੁੰਦੀ ਹੈ।

ਇਹ ਵੀ ਪੜ੍ਹੋ: ਯਾਸੀਨ ਮਲਿਕ ਦੀ ਪਤਨੀ ਨੂੰ ਪਾਕਿਸਤਾਨ ਵਿਚ ਮਿਲਿਆ ਮੰਤਰੀ ਦਾ ਦਰਜਾ, ਕੇਅਰਟੇਕਰ ਸਰਕਾਰ 'ਚ ਚੁੱਕੀ ਸਹੁੰ 

ਹਾਈ ਕੋਰਟ ਦਾ ਧਿਆਨ ਦਿਵਾਇਆ ਗਿਆ ਕਿ ਪੰਚਾਇਤਾਂ ਦੀਆਂ ਆਮ ਚੋਣਾਂ 30 ਦਸੰਬਰ 2018 ਨੂੰ ਹੋਈਆਂ ਸੀ ਤੇ ਇਸ ਲਿਹਾਜ ਨਾਲ ਜਨਵਰੀ 2019 ਤੋਂ ਸਮਾਂ ਸ਼ੁਰੂ ਹੋਇਆ ਤੇ ਇਹ ਕਾਰਜਕਾਲ ਜਨਵਰੀ 2024 ਤਕ ਬਣਦਾ ਹੈ ਪਰ ਸਰਕਾਰ ਨੇ 10 ਅਗੱਸਤ ਨੂੰ ਇਕ ਨੋਟੀਫ਼ੀਕੇਸ਼ਨ ਜਾਰੀ ਕਰ ਕੇ ਪੰਚਾਇਤਾਂ ਭੰਗ ਕਰ ਦਿਤੀਆਂ, ਜਿਹੜੀ ਕਿ ਸੰਵਿਧਾਨਕ ਤੌਰ ’ਤੇ ਗ਼ਲਤ ਹੈ, ਕਿਉਂਕਿ ਪੰਜ ਸਾਲ ਪੂਰੇ ਹੋਣ ਤੋਂ ਪਹਿਲਾਂ ਪੰਚਾਇਤਾਂ ਭੰਗ ਨਹੀਂ ਕੀਤੀਆਂ ਜਾ ਸਕਦੀਆਂ।

ਇਹ ਵੀ ਪੜ੍ਹੋ: ਪਹਿਲਾਂ ਹਿੰਦੂ ਹੀ ਸਨ ਮੁਸਲਮਾਨ, ਹਿੰਦੂ ਧਰਮ ਇਸਲਾਮ ਨਾਲੋਂ ਵੀ ਪੁਰਾਣਾ : ਗ਼ੁਲਾਮ ਨਬੀ ਆਜ਼ਾਦ

ਮੂਣਕ ਬਲਾਕ ਦੇ ਇਕ ਸਰਪੰਚ ਨੇ ਤਾਂ ਪਟੀਸ਼ਨ ਵਿਚ ਇਥੋਂ ਤਕ ਕਿਹਾ ਕਿ ਹਾਲ ਵਿਚ ਆਏ ਹੜਨ ਕਾਰਨ ਘੱਗਰ ਵਿਚ ਆਏ ਪਾਣੀ ਨੇ ਪਿੰਡ ਦਾ ਕਾਫ਼ੀ ਨੁਕਸਾਨ ਕੀਤਾ ਤੇ ਇਸ ਲਈ ਫੌਰੀ ਰਾਹਤ ਕਾਰਜ ਚਲ ਰਹੇ ਹਨ ਤੇ ਪੰਚਾਇਤ ਨੇ ਅਪਣੇ ਪੱਧਰ ’ਤੇ ਮਾਰਕੀਟ ਵਿਚੋਂ ਸਮਾਨ ਵੀ ਖਰੀਦਿਆ ਹੈ ਤੇ ਇਸ ਦੀ ਅਦਾਇਗੀ ਸਰਕਾਰ ਤੋਂ ਪੈਸੇ ਆਉਣ ’ਤੇ ਹੋਣੀ ਹੈ ਪਰ ਜੇਕਰ ਪੰਚਾਇਤ ਭੰਗ ਹੋਈ ਰਹੀ ਤਾਂ ਅਦਾਇਗੀ ਬਾਰੇ ਭੰਬਲਭੂਸਾ ਬਣਿਆ ਰਹੇਗਾ। ਹਾਈ ਕੋਰਟ ਨੇ ਸਰਕਾਰ ਨੂੰ ਇਨ੍ਹਾਂ ਪਟੀਸ਼ਨਾਂ ’ਤੇ ਨੋਟਿਸ ਜਾਰੀ ਕਰ ਕੇ ਜਵਾਬ ਮੰਗ ਲਿਆ ਹੈ।

Location: India, Chandigarh

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM
Advertisement