ਅੱਜ ਦੇ ਮੰਤਰੀ ਹਨ 13 ਮਾਮਲਿਆਂ ਨੂੰ ਪਹਿਲ ਦੇ ਆਧਾਰ 'ਤੇ ਕਰਨਗੇ ਹੱਲ
ਅੰਮ੍ਰਿਤਸਰ: ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਦੀ ਪਤਨੀ ਨਵਜੋਤ ਕੌਰ ਸਿੱਧੂ ਨੇ ਅੱਜ ਗੋਲਡਨ ਐਵੇਨਿਊ ਵਿੱਚ ਸ਼ਿਰਕਤ ਕੀਤੀ। ਇਥੇ ਉਹਨਾਂ ਨੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਕਿ ਜੋ ਅੱਜ ਦੇ ਮੰਤਰੀ ਹਨ ਉਹ 13 ਮਾਮਲਿਆਂ ਨੂੰ ਪਹਿਲ ਦੇ ਆਧਾਰ 'ਤੇ ਹੱਲ ਕਰਨਗੇ।
Navjot Kaur Sidhu
ਸਾਰੇ ਮੰਤਰੀਆਂ ਨੇ ਇਹਨਾਂ ਮੁੱਦਿਆਂ ਨੂੰ ਮੰਨਿਆਂ ਹੈ। ਇਸ ਲਈ ਹੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਮੁੱਖ ਮੰਤਰੀ ਦੀ ਕੁਰਸੀ ਤੋਂ ਹਟਾਇਆ ਗਿਆ ਕਿਉਂਕਿ ਕਿਤੇ ਨਾ ਕਿਤੇ ਲੱਗ ਰਿਹਾ ਸੀ ਕਿ ਉਹਨਾਂ ਦੀ ਮੌਜੂਦਗੀ ਵਿਚ ਇਹ 13 ਮਾਮਲੇ ਹੱਲ ਨਹੀਂ ਹੋਣਗੇ। ਇਸ ਲਈ ਹੀ ਇੰਨੇ ਵੱਡੇ ਸਿਆਸਤਦਾਨ ਨੂੰ ਸਾਈਡ 'ਤੇ ਕੀਤਾ ਗਿਆ।
Navjot Kaur Sidhu
ਉਹਨਾਂ ਪਤੀ ਸਿੱਧੂ ਦੇ ਪਾਕਿਸਤਾਨ ਦੌਰੇ ਬਾਰੇ ਗੱਲਬਾਤ ਕਰਦਿਆਂ ਕਿਹਾ ਕਿ ਸਾਰਿਆਂ ਨੂੰ ਪਤਾ ਹੈ ਕਿ ਨਵਜੋਤ ਸਿੱਧੂ ਇਕ ਹੀ ਵਾਰ ਪਾਕਿਸਤਾਨ ਗਏ ਸਨ। ਕਰਤਾਰਪੁਰ ਲਾਂਘਾ ਖੁੱਲ੍ਹਣ ਤੇ ਇਮਰਾਨ ਖਾਨ ਨੂੰ ਜੱਫੀ ਪਾਈ। ਉਸ ਤੋਂ ਬਾਅਦ ਉਹ ਪਾਕਿ ਨਹੀਂ ਗਏ ਅਤੇ ਨਾ ਹੀ ਉਥੋਂ ਕੁੱਝ ਲੈ ਕੇ ਆਏ।
Navjot Kaur Sidhu
ਨਵਜੋਤ ਕੌਰ ਸਿੱਧੂ ਨੇ ਕਿਹਾ ਕਿ ਕਿਤੇ ਨਾ ਕਿਤੇ ਕਾਂਗਰਸੀ ਲੀਡਰਾਂ ਨੂੰ ਕੰਮ ਕਰਨ ਦੀ ਮੌਕਾ ਨਹੀਂ ਮਿਲਿਆ। ਜਿਸ ਨਾਲ ਲੋਕਾਂ ਨੂੰ ਉਹਨਾਂ 'ਤੇ ਵਿਸ਼ਵਾਸ਼ ਨਹੀਂ ਰਿਹਾ ਪਰ ਹੁਣ ਕੋਸ਼ਿਸ਼ ਕੀਤੀ ਜਾਵੇਗੀ ਅੱਗੇ ਆ ਕੇ ਲੋਕ ਭਲਾਈ ਦੇ ਕੰਮ ਕੀਤੇ ਜਾਣ।
Navjot Kaur Sidhu
ਨਵਜੋਤ ਕੌਰ ਸਿੱਧੂ ਨੇ ਬਾਦਲਾਂ ਨੂੰ ਵੀ ਖੁੱਲ੍ਹਾ ਚੈਲੰਜ ਦਿੱਤਾ ਹੈ ਕਿ ਚਾਹੇ ਬੈਂਕ ਬਕਾਇਆ ਚੈੱਕ ਕਰ ਲਵੋ ਚਾਹੇ ਇਨਕਮ ਟੈਕਸ ਦੀ ਰੇਡ ਮਰਾਵਾ ਦਿਓ ਤੇ ਵੇਖ ਲਵੋ ਨਵਜੋਤ ਸਿੱਧੂ ਨੇ ਕੀ ਕਮਾਈ ਕੀਤੀ ਹੈ।
Navjot Kaur Sidhu
ਬੀਬੀ ਸਿੱਧੂ ਨੇ ਕਿਹਾ ਕਿ ਗੁਰਦਾਸਪੁਰ ਵਿਚ ਲੋਕਾਂ ਨੇ ਵੱਡੇ-ਵੱਡੇ ਕੜਾਹੇ ਵਿਖਾਏ। ਜਿਹਨਾਂ ਵਿਚ ਸੋਨਾ ਪਿਘਲਦਾ। ਲੋਕਾਂ ਨੇ ਦੱਸਿਆ ਕਿ ਇਹ ਸੋਨਾ ਬਾਰਡਰ ਪਾਰੋਂ ਆਉਂਦਾ ਹੈ ਤੇ ਇਥੋਂ ਦੀ ਮੋਹਰ ਲੱਗੀ ਹੁੰਦੀ ਹੈ। ਉਹੀ ਸੋਨਾ ਇਹਨਾਂ ਵੱਡੇ ਵੱਡੇ ਕੜਾਹਿਆਂ ਵਿਚ ਪਿਘਲਾਇਆ ਜਾਂਦਾ। ਹਜੇ ਤੱਕ ਅਸੀਂ ਸੋਨਾ ਲਿਆਉਣ ਵਾਲਿਆਂ ਨੂੰ ਨਹੀਂ ਫੜ ਨਹੀਂ ਸਕੇ। ਇਨਸਾਨ ਇਹੀ ਸੋਚਦਾ ਹੈ ਉਸਦੇ ਸੂਬੇ ਦਾ ਭਲਾ ਹੋਵੇ। ਕੇਂਦਰ ਸਰਕਾਰ ਤੋਂ ਅਲੱਗ ਹੋ ਕੇ ਕੋਈ ਕੰਮ ਨਹੀਂ ਕੀਤਾ ਜਾ ਸਕਦਾ। ਰਾਜ ਸਰਕਾਰ ਤੇ ਕੇਂਦਰ ਸਰਕਾਰ ਸਾਥ ਚੱਲ ਕੇ ਪੰਜਾਬ ਨੂੰ ਨਸ਼ਾ ਮੁਕਤ ਬਣਾਉਣ।
