ਉਤਰ ਪ੍ਰਦੇਸ਼ ਵਿਚ ਯੋਗੀ ਸਰਕਾਰ ਵਲੋਂ ਵਿਕਾਸ ਦੇ ਭਾਵੇਂ ਵੱਡੇ-ਵੱਡੇ ਦਾਅਵੇ ਕੀਤੇ ਜਾ ਰਹੇ ਹਨ ਪਰ ਹਕੀਕਤ ਇਹ ਹੈ ਕਿ ਯੂਪੀ ਵਿਚ ਹਾਲੇ ਤਕ 'ਹਰ....
ਉਤਰ ਪ੍ਰਦੇਸ਼ (ਭਾਸ਼ਾ) : ਉਤਰ ਪ੍ਰਦੇਸ਼ ਵਿਚ ਯੋਗੀ ਸਰਕਾਰ ਵਲੋਂ ਵਿਕਾਸ ਦੇ ਭਾਵੇਂ ਵੱਡੇ-ਵੱਡੇ ਦਾਅਵੇ ਕੀਤੇ ਜਾ ਰਹੇ ਹਨ ਪਰ ਹਕੀਕਤ ਇਹ ਹੈ ਕਿ ਯੂਪੀ ਵਿਚ ਹਾਲੇ ਤਕ 'ਹਰ ਘਰ ਟਾਇਲਟ' ਦਾ ਵਾਅਦਾ ਵੀ ਪੂਰਾ ਨਹੀਂ ਕੀਤਾ ਜਾ ਸਕਿਆ ਜਦਕਿ ਇੱਥੇ ਯੋਗੀ ਦੀ ਅਗਵਾਈ ਭਾਜਪਾ ਸਰਕਾਰ ਨੂੰ ਬਣਿਆਂ ਪੌਣੇ ਦੋ ਸਾਲ ਹੋ ਚੁੱਕੇ ਹਨ। ਹਾਲਾਤ ਇਹ ਹਨ ਕਿ ਇਲਾਹਾਬਾਦ ਵਿਚ ਹੋਏ ਇਕ ਸਮੂਹਿਕ ਵਿਆਹ ਵਿਚ 18 ਜੋੜਿਆਂ ਦੇ ਵਿਆਹ ਹੋਏ, ਜਿੱਥੇ ਪ੍ਰਬੰਧਕਾਂ ਨੇ ਸਾਰੇ ਨਵੇਂ ਵਿਆਹੇ ਜੋੜਿਆਂ ਨੂੰ ਟਾਇਲਟ ਸੀਟਾਂ ਗਿਫ਼ਟ ਕੀਤੀਆਂ। ਜਿਨ੍ਹਾਂ ਨੂੰ ਉਹ ਅਪਣੇ-ਅਪਣੇ ਘਰ ਲਏ ਗਏ।
ਹਾਲਾਂਕਿ ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸਵੱਛ ਭਾਰਤ ਮਿਸ਼ਨ ਤੋਂ ਪ੍ਰੇਰਿਤ ਹੋ ਕੇ ਹੋਰ ਸਮਾਨ ਸੂਟਕੇਸ, ਸਿਲਾਈ ਮਸ਼ੀਨ ਆਦਿ ਦੇ ਬਦਲੇ ਇਸ ਵਾਰ ਤੋਹਫ਼ੇ ਵਿਚ ਟਾਇਲਟ ਸੀਟ ਦੇਣ ਦਾ ਫ਼ੈਸਲਾ ਕੀਤਾ ਤਾਕਿ ਉਹ ਸਿਹਤਮੰਦ ਤਰੀਕੇ ਨਾਲ ਅਪਣੇ ਜੀਵਨ ਦੀ ਸ਼ੁਰੂਆਤ ਕਰ ਸਕਣ. ਪਰ ਇਸ ਨਾਲ ਭਾਜਪਾ ਸਰਕਾਰ ਦੇ ਵਿਕਾਸ ਸਬੰਧੀ ਦਾਅਵਿਆਂ ਦੀ ਪੋਲ ਖੁੱਲ੍ਹਦੀ ਹੈ। ਕਿ ਅਜੇ ਤਕ ਲੋਕਾਂ ਦੇ ਘਰਾਂ ਵਿਚ ਟਾਇਲਟ ਤਕ ਨਹੀਂ ਬਣਾਈਆਂ ਜਾ ਸਕੀਆਂ। ਯੂਪੀ ਵਿਚਲੇ ਇਨ੍ਹਾਂ ਹਾਲਾਤਾਂ 'ਤੇ ਬਾਲੀਵੁੱਡ ਦੇ ਅਦਾਕਾਰ ਅਕਸ਼ੈ ਕੁਮਾਰ ਦੀ ਫਿਲਮ 'ਟਾਇਲਟ।
ਏਕ ਪ੍ਰੇਮ ਕਥਾ' ਵੀ ਆਈ ਸੀ।ਜਿਸ ਵਿਚ ਟਾਇਲਟ ਨਾ ਹੋਣ ਦੀ ਸਮੱਸਿਆ ਨਾਲ ਜੂਝ ਰਹੇ ਲੋਕਾਂ ਬਾਰੇ ਦਿਖਾਇਆ ਗਿਆ ਸੀ। ਪਰ ਅਫ਼ਸੋਸ ਦੀ ਗੱਲ ਹੈ ਕਿ ਇਸ ਦੇ ਬਾਵਜੂਦ ਵੀ ਸਰਕਾਰ ਨੇ ਇਸ ਸਮੱਸਿਆ ਵੱਲ ਧਿਆਨ ਨਹੀਂ ਦਿਤਾ। ਇਥੋਂ ਤਕ ਕਿ ਹੁਣ ਨਵੇਂ ਵਿਆਹੇ ਜੋੜਿਆਂ ਨੂੰ ਵੀ ਟਾਇਲਟ ਸੀਟਾਂ ਦੇ ਤੋਹਫ਼ੇ ਦਿਤੇ ਜਾਣ ਲੱਗੇ ਹਨ।