ਯੂਕੇ ਤੋਂ ਮੰਗਵਾਇਆ ਸੀ ਇਹ ਖ਼ਾਸ ਨਸਲ ਦਾ ਘੋੜਾ
ਸ੍ਰੀ ਮੁਕਤਸਰ ਸਾਹਿਬ : ਮਾਘੀ ਮੇਲੇ ਮੌਕੇ ਪਿੰਡ ਲੰਬੀ ਵਿਖੇ ਪਸ਼ੂ ਮੇਲਾ ਕਰਵਾਇਆ ਗਿਆ। ਮੇਲੇ ਵਿਚ ਵੱਡੀ ਗਿਣਤੀ ਪਸ਼ੂ ਪਾਲਕਾਂ ਨੇ ਸ਼ਿਰਕਤ ਕੀਤੀ। ਮੇਲੇ ਦੌਰਾਨ ਸੈਂਕੜਿਆਂ ਦੀ ਗਿਣਤੀ 'ਚ ਘੋੜਿਆਂ ਦੀ ਖ਼ਰੀਦੋ-ਫ਼ਰੋਖਤ ਹੋਈ ਪਰ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਘੋੜੇ ਨੂੰ ਇਸ ਵਾਰ ਵੀ ਕੋਈ ਖ਼ਰੀਦਦਾਰ ਮਿਲ ਨਹੀਂ ਪਾਇਆ।
Photo
ਦਰਅਸਲ ਵਿਦੇਸ਼ ਤੋਂ ਮੰਗਵਾਏ ਗਏ ਫਲਾਬੇਲਾ ਨਸਲ ਦੇ ਇਸ ਘੋੜੇ ਦੀ ਉਚਾਈ ਭਾਵੇਂ ਘੱਟ ਸੀ, ਪਰ ਕੀਮਤ ਅਸਮਾਨ ਛੂਹ ਰਹੀ ਸੀ। ਇਸ ਦੀ ਕੀਮਤ 8 ਲੱਖ ਰੱਖੀ ਗਈ ਸੀ। ਇਹ ਘੋੜਾ ਖ਼ਰੀਦਦਾਰਾਂ ਦਾ ਦਿਲ ਜਿੱਤਣ 'ਚ ਤਾਂ ਕਾਮਯਾਬ ਰਿਹਾ ਪਰ ਜੇਬ 'ਤੇ ਭਾਰੀ ਪੈ ਗਿਆ।
Photo
ਮੇਲੇ ਵਿਚ ਪੰਜਾਬ, ਹਰਿਆਣਾ ਅਤੇ ਰਾਜਸਥਾਨ ਤੋਂ ਵੱਡੀ ਗਿਣਤੀ ਵਪਾਰੀ ਪਹੁੰਚੇ ਹੋਏ ਸਨ। ਮੇਲੇ ਦੌਰਾਨ ਸੁਖਬੀਰ ਬਾਦਲ ਦੇ ਸਟੱਡ ਫਾਰਮ ਦਾ ਘੋੜਾ ਸਭ ਦੀ ਖਿੱਚ ਦਾ ਕੇਂਦਰ ਬਣਿਆ ਰਿਹਾ।
Photo
ਮੇਲੇ ਦੌਰਾਨ ਜੋ ਸਭ ਤੋਂ ਮਹਿੰਗਾ ਘੋੜਾ ਵਿੱਕਿਆ, ਉਸ ਦੀ ਕੀਮਤ ਵੀ ਦੋ ਲੱਖ ਸੀ, ਜਦਕਿ ਸੁਖਬੀਰ ਬਾਦਲ ਦੇ ਘੋੜੇ ਦੀ ਕੀਮਤ 8 ਲੱਖ ਸੀ। ਸੁਖਬੀਰ ਬਾਦਲ ਦੇ ਫ਼ਾਰਮ 'ਚੋਂ 8 ਘੋੜੇ ਲਿਆਂਦੇ ਗਏ ਸਨ।
Photo
ਮੇਲੇ 'ਚ ਪਹੁੰਚੇ ਠੇਕੇਦਾਰ ਬਿੰਨੀ ਦਾ ਕਹਿਣਾ ਸੀ ਕਿ ਇਸ ਵਾਰ ਮੇਲੇ ਵਿਚ ਪਸ਼ੂ ਪਾਲਕਾਂ ਵਲੋਂ ਵੱਖ ਵੱਖ ਨਸਲਾਂ ਦੇ 1810 ਘੋੜੇ ਲਿਆਂਦੇ ਗਏ ਸਨ। ਮੇਲੇ ਦੌਰਾਨ 680 ਘੋੜਿਆਂ ਦੀ ਵਿਕਰੀ ਹੋਈ ਜਿਨ੍ਹਾਂ ਵਿਚੋਂ ਸਭ ਤੋਂ ਮਹਿੰਗਾ ਘੋੜਾ 2 ਲੱਖ ਵਿਚ ਵਿਕਿਆ। ਮੇਲੇ ਦੌਰਾਨ ਵਿੱਕੇ ਘੋੜਿਆਂ ਤੋਂ 35 ਕਰੋੜ ਦਾ ਕਾਰੋਬਾਰ ਹੋਇਆ।
