ਵੋਟ ਪਾਉਣ ਸਮੇਂ ਕੀਤੀ ਵੱਡੀ ਗਲਤੀ
ਚੰਡੀਗੜ੍ਹ : ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਛੋਟੀ ਧੀ ਗੁਰਲੀਨ ਕੌਰ ਨੂੰ ਚੋਣ ਜ਼ਾਬਤੇ ਦੀ ਉਲੰਘਣਾ ਲਈ ਚੋਣ ਕਮਿਸ਼ਨ ਨੇ ਨੋਟਿਸ ਭੇਜਿਆ ਹੈ। ਗੁਰਲੀਨ ਨੇ ਪਹਿਲੀ ਵਾਰ ਵੋਟ ਪਾਈ ਸੀ। ਲੋਕ ਸਭਾ ਚੋਣਾਂ 2019 ਦੇ ਅੰਤਮ ਗੇੜ ਲਈ ਐਤਵਾਰ ਨੂੰ ਪੰਜਾਬ ਦੀਆਂ 13 ਲੋਕ ਸਭਾ ਸੀਟਾਂ 'ਤੇ ਵੋਟਿੰਗ ਹੋਈ ਸੀ। ਗੁਰਲੀਨ ਨੇ ਬਠਿੰਡਾ ਲੋਕ ਸਭਾ ਸੀਟ 'ਤੇ ਪਹਿਲੀ ਵਾਰ ਆਪਣੇ ਵੋਟ ਦੇ ਅਧਿਕਾਰ ਦੀ ਵਰਤੋਂ ਕੀਤੀ।
Election Commission sent notice to Gurleen Kaur
ਚੋਣ ਅਧਿਕਾਰੀ ਨੇ ਦੱਸਿਆ ਕਿ ਗੁਰਲੀਨ ਜਦੋਂ ਵੋਟ ਪਾਉਣ ਲਈ ਵੋਟਿੰਗ ਕੇਂਦਰ 'ਚ ਪੁੱਜੀ ਤਾਂ ਉਸ ਦੇ ਸੂਟ 'ਤੇ ਅਕਾਲੀ ਦਲ ਦਾ ਬਿੱਲਾ ਲੱਗਿਆ ਹੋਇਆ ਸੀ। ਗੁਰਲੀਨ ਨੇ ਬਠਿੰਡਾ ਦੇ ਪੋਲਿੰਗ ਬੂਥ ਨੰਬਰ-136 'ਚ ਆਪਣੀ ਵੋਟ ਪਾਈ। ਚੋਣ ਕਮਿਸ਼ਨ ਨੇ ਨੋਟਿਸ ਜਾਰੀ ਕਰ ਕੇ ਜਵਾਬ ਮੰਗਿਆ ਹੈ। ਗੁਰਲੀਨ ਕੌਰ ਦੇ ਵੋਟ ਪਾਉਣ ਸਮੇਂ ਸੂਟ 'ਤੇ ਲੱਗੇ ਬਿੱਲੇ ਦੀ ਇਕ ਵੀਡੀਓ ਜਾਰੀ ਹੋਈ ਸੀ। ਇਸੇ ਵੀਡੀਓ ਦੇ ਆਧਾਰ 'ਤੇ ਚੋਣ ਕਮਿਸ਼ਨ ਨੇ ਨੋਟਿਸ ਜਾਰੀ ਕੀਤਾ ਹੈ।
Gurleen cast her vote for the 1s time,accompanied by her grandfather S. Parkash S. Badal. When the wisdom of age unites with the energy of youth,the country stands tall. It's a proud moment for us & for all those Indians whose children have come of age to be responsible citizens. pic.twitter.com/tBIDtSPklV
— Sukhbir Singh Badal (@officeofssbadal) 19 May 2019
ਚੋਣ ਅਧਿਕਾਰੀ ਨੇ ਦੱਸਿਆ ਕਿ ਜਵਾਬ ਆਉਣ ਤੋਂ ਬਾਅਦ ਇਸ ਦੀ ਰਿਪੋਰਟ ਚੋਣ ਕਮਿਸ਼ਨ ਨੂੰ ਭੇਜ ਦਿੱਤੀ ਜਾਵੇਗੀ। ਚੋਣ ਕਮਿਸ਼ਨ ਆਪਣੇ ਹਿਸਾਬ ਨਾਲ ਬਣਦੀ ਕਾਰਵਾਈ ਕਰੇਗਾ।
