image
ਪੰਜਾਬ ਅਤੇ ਹਰਿਆਣਾ 'ਚ ਸੀਤ ਲਹਿਰ ਤੇਜ਼ ਹੋਈ
ਚੰਡੀਗੜ, 19 ਦਸੰਬਰ : ਆਦਮਪੁਰ 'ਚ ਪਾਰਾ ਸਿਫ਼ਰ ਤੋਂ 1.9 ਡਿਗਰੀ ਸੈਲਸੀਅਸ ਹੇਠਾ ਰਹਿਣ ਨਾਲ ਪੰਜਾਬ ਅਤੇ ਹਰਿਆਣਾ ਸਨਿਚਰਵਾਰ ਨੂੰ ਸੀਤ ਲਹਿਰ ਦੀ ਚਪੇਟ 'ਚ ਰਿਹਾ | ਮੌਸਮ ਵਿਗਿਆਨ ਵਿਭਾਗ ਨੇ ਇਹ ਜਾਣਕਾਰੀ ਦਿਤੀ | ਦੋਨਾਂ ਦੀ ਸਾਂਝੀ ਰਾਜਧਾਨੀ ਚੰਡੀਗੜ੍ਹ 'ਚ ਘੱਟੋ ਘੱਟ ਤਾਪਮਾਨ 4.3 ਡਿਗਰੀ ਦਰਜ ਕੀਤਾ ਗਿਆ ਜੋ ਆਮ ਨਾਲ ਦੋ ਡਿਗਰੀ ਘੱਟ ਹੈ | ਵਿਭਾਗ ਮੁਤਾਬਕ ਪੰਜਾਬ 'ਚ ਸਿਫ਼ਰ ਤੋਂ 1.9 ਡਿਗਰੀ ਹੇਠਾਂ ਤਾਪਮਾਨ ਦੇ ਨਾਲ ਆਦਮਪੁਰ ਸੱਭ ਤੋਂ ਠੰਢਾ ਇਲਾਕਾ ਰਿਹਾ | ਉਥੇ ਹੀ ਅਮਿ੍ੰਤਸਰ ਦਾ ਘੱਟੋ ਘੱਟ ਤਾਪਮਾਨ 0.6 ਡਿਗਰੀ ਸੈਲਸਿਅਸ ਅਤੇ ਹਲਵਾੜਾ 'ਚ ਇਹ 0.8 ਡਿਗਰੀ ਦਰਜ ਕੀਤਾ ਗਿਆ | ਫਰੀਦਕੋਟ, ਪਠਾਨਕੋਟ, ਬਠਿੰਡਾ, ਲੁਧਿਆਣਾ, ਪਟਿਆਲਾ ਅਤੇ ਗੁਰਦਾਸਪੁਰ ਦਾ ਘੱਟੋ ਘੱਟ ਤਾਪਮਾਨ 1.0,2.2, 2.6,2.8,4 ਅਤੇ 4.1 ਡਿਗਰੀ ਸੈਲਸੀਅਸ ਰਿਹਾ | ਹਰਿਆਣਾ 'ਚ ਅੰਬਾਲਾ ਦਾ ਘੱਟੋ ਘੱਟ ਤਾਪਮਾਨ 4.0 ਡਿਗਰੀ ਦਰਜ ਕੀਤਾ ਗਿਆ, ਜਦਕਿ ਹਿਸਾਰ ਅਤੇ ਕਰਨਾਲ ਦਾ 2.8,2.3 ਡਿਗਰੀ ਸੈਲਸਿਅਸ ਰਿਹਾ |
(ਪੀਟੀਆਈ)
