ਐੱਮਪੀ ਚੋਣਾਂ 'ਚ ਬੇਹੱਦ ਘੱਟ ਵੋਟਾਂ ਲੈਣ 'ਤੇ ਪਰਿਵਾਰ ਦੇ ਮੈਂਬਰਾਂ 'ਤੇ ਦੋਸ਼ ਲਗਾ ਕੇ ਸੁਰਖੀਆਂ 'ਚ ਆਏ ਨੀਟੂ ਸ਼ਟਰਾਂ ਵਾਲਾ ਨੇ ਫਗਵਾੜਾ ਜ਼ਿਮਨੀ ਚੋਣਾਂ 'ਚ ਵੀ ਬੁਰੀ
ਜਲੰਧਰ : ਐੱਮਪੀ ਚੋਣਾਂ 'ਚ ਬੇਹੱਦ ਘੱਟ ਵੋਟਾਂ ਲੈਣ 'ਤੇ ਪਰਿਵਾਰ ਦੇ ਮੈਂਬਰਾਂ 'ਤੇ ਦੋਸ਼ ਲਗਾ ਕੇ ਸੁਰਖੀਆਂ 'ਚ ਆਏ ਨੀਟੂ ਸ਼ਟਰਾਂ ਵਾਲਾ ਨੇ ਫਗਵਾੜਾ ਜ਼ਿਮਨੀ ਚੋਣਾਂ 'ਚ ਵੀ ਬੁਰੀ ਤਰ੍ਹਾਂ ਹਾਰ ਦਾ ਮੂੰਹ ਵੇਖਿਆ ਸੀ। ਹਾਰ ਤੋਂ ਬਾਅਦ ਮੌਜੂਦਾ ਸਰਕਾਰ 'ਤੇ ਹੇਰਾਫੇਰੀ ਦਾ ਦੋਸ਼ ਲਗਾ ਕੇ ਆਪਣਾ ਕੁੜਤਾ ਹੀ ਪਾੜ ਦਿੱਤਾ ਸੀ। ਹੁਣ ਨੀਟੂ ਨੇ ਦਿੱਲੀ 'ਚ ਹੋਣ ਵਾਲੀਆਂ ਵੋਟਾਂ 'ਚ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਚੁਣੌਤੀ ਦੇਣ ਦੀ ਗੱਲ ਕਹੀ ਹੈ।
Kejriwal
ਦਿੱਲੀ ਰਵਾਨਾ ਹੋਣ ਤੋਂ ਪਹਿਲਾਂ ਨੀਟੂ ਸ਼ਟਰਾਂ ਵਾਲਾ ਨੇ ਕਿਹਾ ਕਿ ਇਕ ਵਾਰ ਦਿੱਲੀ ਦੀ ਜਨਤਾ ਉਨ੍ਹਾਂ ਦਾ ਸਾਥ ਦੇਵੇ, ਉਹ ਸਾਰਾ ਕੁਝ ਕਰ ਦੇਣਗੇ ਜੋ ਕਿਸੇ ਹੋਰ ਸਰਕਾਰ ਨੇ ਨਹੀਂ ਕੀਤਾ। ਦੱਸ ਦਈਏ ਕਿ ਪੰਜਾਬ ਵਿਚ 21 ਅਕਤੂਬਰ 2019 ਨੂੰ 4 ਵਿਧਾਨ ਸਭਾ ਹਲਕਿਆਂ ਫਗਵਾੜਾ, ਦਾਖਾ, ਮੁਕੇਰੀਆਂ, ਜਲਾਲਾਬਾਦ ਵਿੱਚ ਉਪ ਚੋਣਾਂ ਹੋਈਆਂ ਸਨ।
File Photo
ਉਥੇ ਹੀ ਨੀਟੂ ਸ਼ਟਰਾਂ ਵਾਲੇ ਨੇ ਫਗਵਾੜਾ ਸੀਟ ਤੋਂ ਆਜ਼ਾਦ ਉਮੀਦਵਾਰ ਵਜੋਂ ਆਪਣੇ ਨਾਮਜ਼ਦਗੀ ਕਾਗਜ਼ ਭਰੇ ਸਨ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਉਹ ਜਲੰਧਰ ਲੋਕ ਸਭਾ ਖੇਤਰ ਤੋਂ ਆਜ਼ਾਦ ਉਮੀਦਵਾਰ ਦੇ ਰੂਪ ਵਿਚ ਚੋਣ ਮੈਦਾਨ ਵਿਚ ਉੱਤਰਿਆ ਸੀ ਅਤੇ ਉਕਤ ਚੋਣਾਂ 'ਚ ਆਪਣੇ ਹੀ ਪਰਿਵਾਰ ਦੇ ਸਾਰੇ ਮੈਂਬਰਾਂ ਦੀਆਂ ਵੋਟਾਂ ਪ੍ਰਾਪਤ ਨਾ ਕਰਨ 'ਤੇ ਵੋਟ ਕੇਂਦਰ 'ਤੇ ਰੋਣ ਕਾਰਨ ਮੀਡੀਆ ਦੀਆਂ ਸੁਰਖੀਆਂ ਬਣਿਆ ਸੀ।
File Photo
ਨੀਟੂ ਨੇ ਚੋਣ ਅਧਿਕਾਰੀ ਨੂੰ ਸੌਂਪੇ ਆਪਣੇ ਤੇ ਪਰਿਵਾਰ ਦੀ ਸੰਪਤੀ ਦੇ ਬਿਓਰੇ ‘ਚ ਬੇਸ਼ੱਕ ਅਸੈੱਸਮੈਂਟ ਸਾਲ 2019-20 ਲਈ ਆਪਣੀ ਸਾਲਾਨਾ ਆਮਦਨ ਰਿਟਰਨ 3,25,583 ਰੁਪਏ ਤੇ ਆਪਣੀ ਪਤਨੀ ਨੀਲਮ ਦੀ 2,98,498 ਰੁਪਏ ਦੇ ਰੂਪ ‘ਚ ਦਰਸਾਈ ਸੀ ਪਰ ਚੋਣਾਂ ਲੜਨ ਲਈ ਪਰਿਵਾਰ ਕੋਲ ਸਿਰਫ 30 ਹਜ਼ਾਰ ਦੀ ਨਕਦੀ ਹੈ।
Kejriwal
ਬੈਂਕ ਖਾਤੇ ‘ਚ ਬੈਲੈਂਸ ਸਿਫ਼ਰ ਸੀ ਜਦੋਂ ਕਿ ਚਲ ਤੇ ਅਚੱਲ ਸੰਪਤੀ ਦੇ ਨਾਂ ‘ਤੇ ਟੀ.ਵੀ.ਐੱਸ. ਮੋਟਰਸਾਈਕਲ ਸੀ ਪਰ ਉਸ ‘ਤੇ ਵੀ 70 ਹਜ਼ਾਰ ਦਾ ਬੈਂਕ ਕਰਜ਼ਾ ਬਕਾਇਆ ਸੀ। ਇਸ ਤੋਂ ਇਲਾਵਾ ਕਾਰਪੋਰੇਸ਼ਨ ਬੈਂਕ ਦਾ 50 ਹਜ਼ਾਰ ਦਾ ਕਰਜ਼ਾ ਉਤਾਰਨ ਲਈ ਬਕਾਇਆ ਸੀ।
