image
ਜਾਪਾਨ 'ਚ 7.2 ਦੀ ਤੀਬਰਤਾ ਦਾ ਭੂਚਾਲ ਦਾ ਝਟਕਾ
ਟੋਕੀਉ, 20 ਮਾਰਚ : ਜਾਪਾਨ 'ਚ ਅੱਜ ਭੂਚਾਲ ਦਾ ਤੇਜ਼ ਝਟਕਾ ਆਇਆ | ਇਸ ਦੀ ਤੀਬਰਤਾ ਰਿਕਟਰ ਪੈਮਾਨੇ 'ਤੇ 7.2 ਮਾਪੀ ਗਈ ਹੈ | ਜਾਪਾਨ ਦੀ ਉਤਰ-ਪੂਰਬੀ ਤੱਟ ਇਲਾਕਿਆਂ 'ਚ ਭੂਚਾਲ ਤੋਂ ਬਾਅਦ ਸੁਨਾਮੀ ਦੀ ਚਿਤਾਵਨੀ ਜਾਰੀ ਕੀਤੀ ਗਈ ਹੈ | ਪਿਛਲੇ ਹੀ ਮਹੀਨੇ ਜਾਪਾਨ ਦੇ ਪੂਰਬੀ ਸਮੁੰਦਰੀ ਤੱਟ 'ਤੇ 7.1 ਤੀਬਰਤਾ ਦਾ ਭੂਚਾਲ ਆਇਆ ਸੀ ਹਾਲਾਂਕਿ ਉਦੋਂ ਸੁਨਾਮੀ ਦੀ ਕੋਈ ਚਿਤਾਵਨੀ ਜਾਰੀ ਨਹੀਂ ਕੀਤੀ ਗਈ ਸੀ | ਹਾਲ 'ਚ ਹੀ 11 ਮਾਰਚ ਨੂੰ ਜਾਪਾਨ 'ਚ ਆਏ ਭਿਆਨਕ ਭੂਚਾਲ ਤੇ ਸੁਨਾਮੀ ਦਾ ਇਕ ਦਹਾਕਾ ਬੀਤਿਆ ਹੈ | ਉਸ ਸਮੇਂ ਭੂਚਾਲ ਕਾਰਨ 6 ਤੋਂ ਦਸ ਮੀਟਰ ਉੱਚੀਆਂ ਸੁਨਾਮੀ ਦੀਆਂ ਲਹਿਰਾਂ ਨੇ ਤਬਾਹੀ ਮਚਾਈ ਸੀ | ਜਾਪਾਨ ਦੇ ਤੱਟ ਇਲਾਕਿਆਂ 'ਚ ਵੱਡੇ ਪੈਮਾਨੇ 'ਤੇ ਕਹਿਰ ਢਾਉਂਦੇ ਹੋਏ ਤੱਟ ਤੋਂ 10 ਕਿਲੋਮੀਟਰ ਅੰਦਰ ਤਕ ਤਬਾਹੀ ਹੋਈ ਸੀ | ਇਸ 'ਚ 18 ਹਜ਼ਾਰ ਲੋਕਾਂ ਦੀ ਮੌਤ ਹੋ ਗਈ ਸੀ | ਇਸ ਝਟਕੇ 
imageਤੋਂ ਬਾਅਦ ਜਪਾਨ ਦੇ ਲੋਕਾਂ ਅੰਦਰ ਘਬਰਾਹਟ ਦੇਖੀ ਗਈ ਤੇ ਕਈ ਲੋਕ ਸਮੁੰਦਰੀ ਤੱਟਾਂ ਤੋਂ ਦੂਰ ਜਾਂਦੇ ਵੀ ਦਿਖਾਈ ਦਿਤੇ | (ਪੀਟੀਆਈ)
