ਪਿੰਡ ਦੁੱਲੇਵਾਲਾ ਦੇ ਵਸਨੀਕ ਗੁਰਸੇਵਕ ਸਿੰਘ ਪੁੱਤਰ ਦਰਸ਼ਨ ਸਿੰਘ ਨੇ ਇੱਕ ਪ੍ਰਾਈਵੇਟ ਸਕੂਲ ਦੇ ਪ੍ਰਬੰਧਕਾਂ 'ਤੇ ਫੀਸ ਭਰਨ ਦੇ ਬਾਵਜੂਦ ਬੱਚੇ ਨੂੰ ਰੋਲ ਨੰਬਰ ਨਾ ...
ਭਾਈ ਰੂਪਾ, ਪਿੰਡ ਦੁੱਲੇਵਾਲਾ ਦੇ ਵਸਨੀਕ ਗੁਰਸੇਵਕ ਸਿੰਘ ਪੁੱਤਰ ਦਰਸ਼ਨ ਸਿੰਘ ਨੇ ਇੱਕ ਪ੍ਰਾਈਵੇਟ ਸਕੂਲ ਦੇ ਪ੍ਰਬੰਧਕਾਂ 'ਤੇ ਫੀਸ ਭਰਨ ਦੇ ਬਾਵਜੂਦ ਬੱਚੇ ਨੂੰ ਰੋਲ ਨੰਬਰ ਨਾ ਦੇਣ ਦਾ ਦੋਸ਼ ਲਗਾਇਆ ਹੈ। ਉਨ੍ਹਾਂ ਡੀ.ਸੀ ਬਠਿੰਡਾ ਨੂੰ ਦਿੱਤੇ ਮੰਗ ਪੱਤਰ ਰਾਹੀਂ ਦੱਸਿਆ ਕਿ ਉਸ ਦਾ ਸਪੁੱਤਰ ਰਵਿੰਦਰ ਸਿੰਘ ਗੁਰੂਕੁਲ ਇੰਟਰਨੈਸ਼ਨਲ ਸਕੂਲ ਭਾਈ ਰੂਪਾ (ਬਠਿੰਡਾ) ਵਿਖੇ ਦਸਵੀਂ ਜਮਾਤ ਵਿੱਚ ਪੜ੍ਹਦਾ ਹੈ।
ਜਿਸ ਦੀ ਫੀਸ ਉਨ੍ਹਾਂ ਨੇ ਮਾਰਚ 2018 ਵਿਚ ਭਰ ਦਿੱਤੀ ਸੀ। ਉਨ੍ਹਾਂ ਕਿਹਾ ਕਿ ਫੀਸ ਦੇ ਸਬੰਧ ਵਿੱਚ ਉਨ੍ਹਾਂ ਸਕੂਲ ਪ੍ਰਬੰਧਕਾਂ ਨੂੰ ਬੈਂਕ ਦਾ ਇੱਕ ਚੈੱਕ ਵੀ ਦਿੱਤਾ ਸੀ ਅਤੇ ਫੀਸ ਭਰਨ ਉਪਰੰਤ ਮੇਰੇ ਮੰਗਣ ਦੇ ਬਾਵਜੂਦ ਉਨ੍ਹਾਂ ਮੇਰਾ ਇਹ ਚੈੱਕ ਵਾਪਿਸ ਨਹੀਂ ਕੀਤਾ ਅਤੇ 3250 ਰੁਪਏ ਹੋਰ ਫੀਸ ਦੀ ਮੰਗ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਬੰਧਕਾਂ ਨੇ ਧਮਕੀ ਦਿੱਤੀ ਕਿ ਫੀਸ ਨਾ ਭਰਨ ਦੀ ਸੂਰਤ ਵਿਚ ਤੁਹਾਡੇ ਬੱਚੇ ਨੂੰ ਪੇਪਰ ਵਿਚ ਨਹੀਂ ਬੈਠਣ ਦਿੱਤਾ ਜਾਵੇਗਾ ਜਦਕਿ 19 ਜੁਲਾਈ ਨੂੰ ਮੇਰੇ ਪੁੱਤਰ ਰਵਿੰਦਰ ਸਿੰਘ ਦਾ ਰੀਪੀਅਰ ਦਾ ਪੇਪਰ ਸੀ
ਪਰ ਸਕੂਲ ਵੱਲੋਂ ਰੋਲ ਨੰਬਰ ਨਾ ਦੇਣ ਕਾਰਨ ਉਸ ਦਾ ਪੇਪਰ ਨਹੀਂ ਹੋ ਸਕਿਆ। ਗੁਰਸੇਵਕ ਸਿੰਘ ਨੇ ਡੀ.ਸੀ ਬਠਿੰਡਾ ਤੋ ਮੰਗ ਕੀਤੀ ਕਿ ਇਸ ਸਬੰਧ ਵਿਚ ਸਕੂਲ ਪ੍ਰਬੰਧਕਾਂ ਖਿਲਾਫ ਕਾਰਵਾਈ ਕਰਕੇ ਉਸ ਨੂੰ ਇਨਸਾਫ ਦਿੱਤਾ ਜਾਵੇ। ਪ੍ਰਬੰਧਕਾਂ ਨੇ ਉਨ੍ਹਾਂ ਆਪਣੇ ਉੱਪਰ ਲੱਗੇ ਸਾਰੇ ਦੋਸ਼ਾਂ ਨੂੰ ਬੇਬੁਨਿਅਦ ਕਰਾਰ ਦਿੰਦਿਆਂ ਕਿਹਾ ਕਿ ਸਕੂਲ ਨੇ ਰੋਲ ਨੰਬਰ ਦੇਣ ਤੋਂ ਕੋਈ ਨਾਂਹ ਨਹੀਂ ਕੀਤੀ ਅਤੇ ਰੋਲ ਨੰਬਰ ਲੈ ਕੇ ਜਾਣ ਸਬੰਧੀ ਮਾਪਿਆਂ ਨੂੰ ਕਈ ਵਾਰ ਫੋਨ ਵੀ ਕੀਤਾ।
