ਰੋਟੀ ਤੋਂ ਬਿਨ੍ਹਾਂ ਭੁੱਖੇ ਨੀ ਮਰਦੇ ਲੋਕ ਦਵਾਈਆਂ ਤੋਂ ਬਿਨਾਂ ਮਰਦੇ ਨੇ
ਲੁਧਿਆਣਾ: ਲੁਧਿਆਣਾ ਵਿਚ ਬਲਜਿੰਦਰ ਸਿੰਘ ਜਿੰਦੂ ਨੇ ਮੋਦੀਖਾਨਾ ਖੋਲ੍ਹਣ ਤੋਂ ਬਾਅਦ ਹੁਣ ਹੋਰ ਵੀ ਕਾਫੀ ਮੋਦੀਖਾਨੇ ਖੁੱਲ੍ਹ ਰਹੇ ਨੇ ਜਿਥੇ ਅੱਜ ਤਲਵੰਡੀ ਭਾਈ ਕੇ ਵਿਖੇ ਮੋਦੀਖਾਨਾ ਖੋਲ੍ਹਿਆ ਗਿਆ ਜਿਸ ਦਾ ਉਦਘਾਟਨ ਬਲਜਿੰਦਰ ਸਿੰਘ ਜਿੰਦੂ ਅਤੇ ਦਮਦਮੀ ਟਕਸਾਲ ਜੱਥਾ ਰਾਜਪੁਰਾ ਦੇ ਆਗੂ ਬਰਜਿੰਦਰ ਸਿੰਘ ਪਰਵਾਨਾ ਨੇ ਕੀਤਾ।
Talwandi Bhai
ਇਸ ਮੌਕੇ ਬੋਲਦਿਆਂ ਬਲਜਿੰਦਰ ਸਿੰਘ ਜਿੰਦੂ ਅਤੇ ਦਮਦਮੀ ਟਕਸਾਲ ਜੱਥਾ ਰਾਜਪੁਰਾ ਦੇ ਆਗੂ ਬਰਜਿੰਦਰ ਸਿੰਘ ਪਰਵਾਨਾ ਨੇ ਕਿਹਾ ਕੇ ਦਵਾਈ ਲੋਕਾਂ ਦੀ ਵੱਡੀ ਜ਼ਰੂਰਤ ਹੈ ਜਿਸ ਦੇ ਲਈ ਅਜਿਹੇ ਮੋਦੀਖਾਨੇ ਖੋਲ੍ਹਣੇ ਚਾਹੀਦਾ ਹਨ। ਬਲਜਿੰਦਰ ਸਿੰਘ ਜਿੰਦੂ ਨੇ ਕਿਹਾ ਕਿ, "ਉਹਨਾਂ ਦਾ ਇਹੀ ਮਕਸਦ ਸੀ ਕਿ ਉਹ ਗੁਰੂ ਨਾਨਕ ਦੇਵ ਜੀ ਦੇ ਸਿਧਾਤਾਂ ਤੇ ਚਲ ਕੇ ਮਨੁੱਖਤਾ ਦੀ ਸੇਵਾ ਕਰਨ। ਅੱਜ ਇਸ ਨੇਕ ਕੰਮ ਨੂੰ ਸੰਗਤਾਂ ਨੇ ਬਹੁਤ ਅੱਗੇ ਪਹੁੰਚਾ ਦਿੱਤਾ ਹੈ ਤੇ ਉਹਨਾਂ ਨੇ ਇਸ ਵਿਚ ਵਧ-ਚੜ੍ਹ ਕੇ ਹਿੱਸਾ ਪਾਇਆ ਹੈ।
Talwandi Bhai
ਉਹਨਾਂ ਨੂੰ ਬਹੁਤ ਖੁਸ਼ੀ ਹੈ ਕਿ ਸੰਗਤਾਂ ਸੱਚੇ ਦਿਲੋਂ ਇਸ ਕੰਮ ਵਿਚ ਅਪਣਾ ਯੋਗਦਾਨ ਪਾ ਰਹੀਆਂ ਹਨ। ਜਿਹੜੇ ਸੇਵਾਦਾਰ ਇਸ ਸੇਵਾ ਵਿਚ ਲੱਗੇ ਹੋਏ ਹਨ ਉਹਨਾਂ ਨੂੰ ਅਤੇ ਉਹਨਾਂ ਦੇ ਪਰਿਵਾਰਾਂ ਨੂੰ ਅਪਸ਼ਬਦ ਬੋਲਿਆ ਜਾਂਦਾ ਹੈ। ਉਹਨਾਂ ਨੂੰ ਡਰਾਇਆ, ਧਮਕਾਇਆ ਜਾਂਦਾ ਹੈ। ਜੇ ਕਿਸੇ ਲੀਡਰ ਜਾਂ ਕਿਸੇ ਕਮੇਟੀ ਖਿਲਾਫ ਬੋਲਦੇ ਹਨ ਤਾਂ ਉਹਨਾਂ ਤੇ 295 ਦਾ ਪਰਚਾ ਦਰਜ ਕਰ ਦਿੱਤਾ ਜਾਂਦਾ ਹੈ।"
Talwandi Bhai
ਬਲਜਿੰਦਰ ਸਿੰਘ ਜਿੰਦੂ ਨੇ ਅੱਗੇ ਕਿਹਾ ਕਿ, "ਜਿਹੜੇ ਦੁਕਾਨਾਂ ਰਾਹੀਂ, ਹਸਪਤਾਲਾਂ ਰਾਹੀਂ ਹੋਰ ਕੋਈ ਕਿੱਤੇ ਰਾਹੀਂ ਲੋਕਾਂ ਨਾਲ ਠੱਗੀ ਮਾਰਦੇ ਹਨ ਉਹਨਾਂ ਲਈ ਕੋਈ ਧਾਰਾ ਨਹੀਂ? ਉਹ ਇਕ ਗੱਲ ਸਪੱਸ਼ਟ ਕਰ ਦੇਣਾ ਚਾਹੁੰਦੇ ਹਨ ਕਿ ਉਹਨਾਂ ਨੇ ਅਪਣੀ ਗਿਣਤੀ ਉਹਨਾਂ ਵਿਚ ਰੱਖਣੀ ਹੈ ਜੋ ਗੁਰੂ ਨਾਨਕ ਜੀ ਦੇ ਨਾਮ ਤੇ ਸੇਵਾ ਕਰਦੇ ਹਨ। ਉਹਨਾਂ ਨੇ ਉਹਨਾਂ ਵਿਚ ਗਿਣਤੀ ਨਹੀਂ ਰੱਖਣੀ ਜਿਹੜੇ ਗੁਰੂ ਨਾਨਕ ਨਾਮ ਰੱਖ ਕੇ ਵਪਾਰ ਕਰਦੇ ਹਨ।"
Talwandi Bhai
ਬਲਜਿੰਦਰ ਸਿੰਘ ਜਿੰਦੂ ਦਾ ਕਹਿਣਾ ਹੈ ਕਿ, "ਅੱਜ ਲੋੜ ਹੈ ਅਸੂਲ ਬਣਾਉਣ ਦੀ। ਸੇਵਾ ਦੇ ਮਿਸ਼ਨ ਲਈ ਮੋਦੀਖਾਨਾ ਚਲਾਇਆ ਗਿਆ ਹੈ ਤੇ ਸੇਵਾ ਹੀ ਕਰਨੀ ਹੈ ਨਾ ਕਿ ਵਪਾਰ। ਜੇ ਚਾਰੇ ਪਾਸੇ ਵਪਾਰ ਹੋਣ ਲਗ ਪਿਆ ਤਾਂ ਇਸ ਦਾ ਨੁਕਾਸਨ ਵੀ ਸੰਗਤਾਂ ਨੂੰ ਹੀ ਹੋਵੇਗਾ। ਜੇ ਮਾੜੇ ਲੋਕਾਂ ਨੂੰ ਰੋਕਿਆ ਨਹੀਂ ਜਾਵੇਗਾ ਤਾਂ ਮਾੜਿਆਂ ਦੀ ਤਦਾਦ ਵਧ ਜਾਵੇਗੀ ਤੇ ਚੰਗੇ ਲੋਕ ਖ਼ਤਮ ਹੋ ਜਾਣਗੇ।"
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
