ਬੀਤੇ ਦੋ ਦਿਨਾਂ ਵਿੱਚ 100 ਤੋਂ ਵੱਧ ਆਟਾ ਮਿੱਲਾਂ ਦੀ ਜਾਂਚ
ਚੰਡੀਗੜ : ਲੁਧਿਆਣਾ ਜ਼ਿਲੇ ਦੇ ਆਲਮਗੀਰ ਸਥਿਤ ਆਟਾ ਮਿੱਲ ਵਿੱਚ 2000 ਕੁਇੰਟਲ ਖਰਾਬ ਅਤੇ ਮੁਸ਼ਕ ਮਾਰਦੀ ਕਣਕ ਨੂੰ ਸਹੀ ਕਣਕ ਵਿੱਚ ਰਲਾ ਕੇ ਆਟਾ ਬਣਾਉਣ ਦੀ ਘਟਨਾ ਦੇ ਪਰਦਾਫਾਸ ਹੋਣ ਤੋਂ ਬਾਅਦ ਫੂਡ ਸੇਫਟੀ ਕਮਿਸ਼ਨਰੇਟ ਵੱਲੋਂ ਤੁਰੰਤ ਕਾਰਵਾਈ ਕਰਦਿਆ ਰਾਜ ਭਰ ਦੀਆ ਆਟਾ ਮਿੱਲਾਂ ਦੀ ਜਾਂਚ ਅਤੇ ਘਟੀਆ ਆਟਾ ਜੋ ਕਿ ਮਨੁੱਖਾਂ ਦੇ ਖਾਣਯੋਗ ਨਹੀਂ ਹੈ ਦੀ ਵਿਕਰੀ ਨੂੰ ਨੱਥ ਪਾਉਣ ਲਈ ਜਾਂਚ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ।
ਉਕਤ ਪ੍ਰਗਟਾਵਾ ਕਮਿਸ਼ਨਰ ਫੂਡ ਐਂਡ ਡਰੱਗ ਐਡਮਿਨਟ੍ਰੇਸ਼ਨ ਸ.ਕਾਹਨ ਸਿੰਘ ਪੰਨੂੰ ਵੱਲੋਂ ਕੀਤਾ ਗਿਆ। ਸ. ਪੰਨੂੰ ਨੇ ਕਿਹਾ ਕਿ ਕੋਈ ਵਿਅਕਤੀ ਭਾਰਤੀ ਖਾਣ ਪੀਣ ਵਿੱਚੋਂ ਫਲ਼ਾਂ, ਮਠਿਆਈ ਅਤੇ ਪਨੀਰ ਨੂੰ ਤਾਂ ਬਾਹਰ ਕਰ ਸਕਦਾ ਹੈ ਪ੍ਰੰਤੂ ਆਟੇ ਨੂੰ ਬਾਹਰ ਕਰਨ ਬਾਰੇ ਸੋਚਿਆ ਵੀ ਨਹੀਂ ਸਕਦਾ ਅਤੇ ਵਿਸੇਸ਼ ਕਰਕੇ ਮੱਧਵਰਗੀ ਪਰਿਵਾਰ ਦੇ ਭੋਜਨ ਦਾ ਮੁੱਖ ਹਿੱਸਾ ਆਟਾ ਤੋਂ ਬਣੀਆਂ ਰੋਟੀਆ ਹੀ ਹੁੰਦੀਆ ਹਨ। ਉਨਾਂ ਜਾਣਕਾਰੀ ਦਿੰਦਿਆ ਦੱਸਿਆ ਕਿ 22 ਜਾਂਚ ਟੀਮਾਂ ਗਠਿਤ ਕੀਤੀਆਂ ਗਈਆ ਹਨ ਜਿਨਾਂ ਨੂੰ ਸਾਰੀਆਂ ਸ਼ੱਕੀ ਮਿੱਲਾਂ ਦੀ ਜਾਂਚ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ।
ਬੀਤੇ ਦੋ ਦਿਨਾਂ ਵਿੱਚ 100 ਤੋਂ ਵੱਧ ਆਟਾ ਮਿੱਲਾਂ ਦੀ ਜਾਂਚ ਕੀਤੀ ਗਈ ਅਤੇ ਵੱਡੇ ਪੱਧਰ ਤੇ ਸੈਪਲ ਭਰੇ ਗਏ। ਭਰੇ ਗਏ ਨਮੂਨਿਆ ਦੇ ਜਾਂਚ ਨਤੀਜੇ ਆਉਣੇ ਅਜੇ ਬਾਕੀ ਹਨ ਅਤੇ ਮਿਲਾਵਟਖੋਰਾਂ ਖਿਲਾਫ਼ ਕਾਨੂੰਨ ਅਨੁਸਾਰ ਸਖਤ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ।ਇਸਦੇ ਨਾਲ ਹੀ ਆਟਾ ਮਿੱਲ ਮਾਲਕਾਂ ਨੂੰ ਵੀ ਚੰਗੇ ਮਿਆਰ ਦੀ ਕਣਕ ਐਫ.ਸੀ.ਆਈ , ਮਾਨਤਾ ਪ੍ਰਾਪਤ ਆੜ•ਤੀਏ ਅਤੇ ਹੋਰ ਭਰੋਸੇਮੰਦ ਥਾਵਾਂ ਤੋਂ ਖ੍ਰੀਦਣ ਲਈ ਪ੍ਰੇਰਰਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਉਨ•ਾਂ ਨੂੰ ਐਫ.ਐਸ,ਐਸ. ਏ. ਆਈ. ਤੋਂ ਲਾਈਸੈਂਸ ਲੈਣ ਲਈ ਕਿਹਾ ਗਿਆ।
ਇੱਥੇ ਇਹ ਦਸਣਾ ਜਰੂਰੀ ਹੈ ਕਿ ਬੀਤੇ ਸੋਮਵਾਰ ਫੂਡ ਸੇਫਟੀ ਟੀਮ ਅਤੇ ਡੇਅਰੀ ਡਿਵੈਲਪਮੈਂਟ ਆਫੀਸਰ ਦੀ ਸਾਂਝੀ ਟੀਮ ਵੱਲੋਂ ਲੁਧਿਆਣਾ ਜ਼ਿਲ•ੇ ਦੇ ਆਲਮਗੀਰ ਸਥਿਤ ਭਗਵਤੀ ਐਗਰੋ ਪ੍ਰੋਡਕਟਸ ਵੱਲੋਂ 2000 ਕੁਇੰਟਲ ਖਰਾਬ ਅਤੇ ਮੁਸ਼ਕ ਮਾਰਦੀ ਕਣਕ ਨੂੰ ਸਹੀ ਕਣਕ ਵਿੱਚ ਰਲਾ ਕੇ ਆਟਾ ਅਤੇ ਮੈਦਾ ਬਣਾਉਣ ਦੀ ਘਟਨਾ ਦੇ ਪਰਦਾਫਾਸ ਕੀਤਾ ਗਿਆ ਸੀ। ਬੀਤੇ ਦੋ ਦਿਨਾਂ ਦੌਰਾਨ ਮੁਹਾਲੀ, ਖਰੜ, ਰੂਪਨਗਰ, ਹੁਸ਼ਿਆਰਪੁਰ, ਫਾਜ਼ਿਲਕਾ, ਅਬੋਹਰ, ਮੁਕਤਸਰ, ਪਠਾਨਕੋਟ, ਲੁਧਿਆਣਾ, ਫਗਵਾੜਾ, ਬਠਿੰਡਾ, ਸੰਗਰੂਰ, ਫਤਿਹਗੜ• ਸਾਹਿਬ, ਬਰਨਾਲਾ, ਐਸ.ਬੀ.ਐਸ.ਨਗਰ ਅਤੇ ਮਾਨਸਾ ਵਿਖੇ ਆਟਾ ਮਿੱਲਾਂ ਦੀ ਜਾਂਚ ਕੀਤੀ ਗਈ।
