ਆਮ ਆਦਮੀ ਪਾਰਟੀ ਪੰਜਾਬ ਦੇ ਪ੍ਰਧਾਨ ਅਤੇ ਸਾਂਸਦ ਭਗਵੰਤ ਮਾਨ ਨੇ ਬੁੱਧਵਾਰ ਨੂੰ ਲੋਕ ਸਭਾ ਵਿੱਚ ਪਰਲ ਅਤੇ ਕਰਾਊਨ ਵਰਗੀਆਂ..
ਚੰਡੀਗੜ੍ਹ : ਆਮ ਆਦਮੀ ਪਾਰਟੀ ਪੰਜਾਬ ਦੇ ਪ੍ਰਧਾਨ ਅਤੇ ਸਾਂਸਦ ਭਗਵੰਤ ਮਾਨ ਨੇ ਬੁੱਧਵਾਰ ਨੂੰ ਲੋਕ ਸਭਾ ਵਿੱਚ ਪਰਲ ਅਤੇ ਕਰਾਊਨ ਵਰਗੀਆਂ ਚਿਟਫੰਡ ਕੰਪਨੀਆਂ ਦੁਆਰਾ ਕਰੋੜਾਂ ਲੋਕਾਂ ਦੇ ਨਾਲ ਅਰਬਾਂ ਰੁਪਏ ਦੀ ਠਗੀ ਮਾਰਨ ਦਾ ਮੁੱਦਾ ਚੁੱਕਦੇ ਹੋਏ ਕੇਂਦਰ ਸਰਕਾਰ ਤੋਂ ਮੰਗ ਕੀਤੀ ਕਿ ਉਹ ਇਸ ਚਿਟਫੰਡ ਕੰਪਨੀਆਂ ਦੀ ਸਾਰੀ ਜ਼ਮੀਨ ਵੇਚਕੇ ਪੀੜਿਤ ਲੋਕਾਂ ਦਾ ਪੈਸਾ ਵਿਆਜ ਸਮੇਤ ਵਾਪਸ ਕਰੇ।
Bhagwant Maan Chit Fund
ਭਗਵੰਤ ਮਾਨ ਲੋਕ ਸਭਾ ਵਿੱਚ ਚਿਟਫੰਡ ਕੰਪਨੀਆਂ ਦੇ ਵਿਰੁੱਧ ਲਿਆਏ ਗਏ ਬਿਲ 'ਤੇ ਬੋਲ ਰਹੇ ਸਨ। ਉਨ੍ਹਾਂ ਨੇ ਇਸ ਬਿਲ ਦੀ ਹਿਮਾਇਤ ਕਰਦੇ ਹੋਏ ਇਸਨ੍ਹੂੰ ਸਪੱਸ਼ਟ ਅਤੇ ਸਖ਼ਤ ਬਣਾਉਣ ਦੀ ਮੰਗ ਰੱਖੀ। ਭਗਵੰਤ ਮਾਨ ਨੇ ਕਿਹਾ ਕਿ ਚਿਟਫੰਡ ਕੰਪਨੀਆਂ ਦੇ ਵਿਰੁੱਧ ਇੰਨਾ ਸਖ਼ਤ ਕਨੂੰਨ ਹੋਣਾ ਚਾਹੀਦਾ ਹੈ ਕਿ ਭਵਿੱਖ ਵਿੱਚ ਕੋਈ ਅਜਿਹੀ ਠਗੀ ਮਾਰਨ ਦੀ ਸੋਚ ਵੀ ਨਾ ਸਕੇ।
Bhagwant Maan Chit Fund
ਮਾਨ ਨੇ ਅਮਰੀਕਾ ਵਿੱਚ ਚਿਟਫੰਡ ਕੰਪਨੀ ਦੁਆਰਾ ਆਮ ਲੋਕਾਂ ਦੇ ਨਾਲ ਠਗੀ ਮਾਰਨ ਵਾਲੇ ਐਲਨ ਸਟੈਂਫਰਡ ਨਾਂ ਦੇ ਵਿਅਕਤੀ ਅਤੇ ਅਮਰੀਕਾ ਦੇ ਸਖ਼ਤ ਕਨੂੰਨ ਦੀ ਮਿਸਾਲ ਦਿੰਦੇ ਹੋਏ ਦੱਸਿਆ ਕਿ ਇਸ ਵਿਅਕਤੀ ਨੂੰ ਅਮਰੀਕਾ ਦੀ ਅਦਾਲਤ ਨੇ 180 ਸਾਲ ਦੀ ਸਜ਼ਾ ਦੇ ਕੇ ਅਜਿਹੇ ਲੋਕਾਂ ਨੂੰ ਸਖ਼ਤ ਸੁਨੇਹਾ ਦਿੱਤਾ।
Bhagwant Maan Chit Fund
ਭਗਵੰਤ ਮਾਨ ਨੇ ਪਰਲ ਚਿਟਫੰਡ ਕੰਪਨੀ ਦੇ ਬਾਰੇ ਵਿੱਚ ਕਿਹਾ ਕਿ ਪੂਰੇ ਦੇਸ਼ ਵਿੱਚ ਇਸ ਕੰਪਨੀ ਨੇ ਲੱਗਭੱਗ 5 ਕਰੋੜ ਲੋਕਾਂ ਦੇ ਨਾਲ ਠਗੀ ਕਰਕੇ ਵੱਡੇ ਪੱਧਰ 'ਤੇ ਨਾਮੀ - ਬੇਨਾਮੀ ਸੰਪਤੀਆਂ ਬਣਾਈਆਂ। ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਪਿੱਛਲੀ ਸਰਕਾਰ ਦੇ ਦੌਰਾਨ ਉਨ੍ਹਾਂ ਨੇ ਚਿਟਫੰਡ ਕੰਪਨੀਆਂ ਦਾ ਮੁੱਦਾ ਚੁੱਕਿਆ ਸੀ ਤਾਂ ਤੁਰੰਤ ਵਿੱਤ ਮੰਤਰੀ ਅਰੁਣ ਜੇਤਲੀ ਨੇ ਦੱਸਿਆ ਸੀ ਕਿ ਪਰਲ ਕੰਪਨੀ ਦਾ ਮਾਲਿਕ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਪਰ ਪਰਲ ਕੰਪਨੀ ਦੇ ਮਾਲਿਕ ਦੀ ਸਿਰਫ ਗ੍ਰਿਫ਼ਤਾਰੀ ਨਾਲ ਪੀੜਿਤ ਪਰਿਵਾਰ ਨੂੰ ਰਾਹਤ ਨਹੀਂ ਮਿਲਣੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
