ਕੋਰੋਨਾ ਦੇ 10 ਮਰੀਜ਼ ਸਨ ਦਾਖਲ
ਗਵਾਲੀਅਰ: ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਦੇ ਜੈਰਾਗਿਆ ਹਸਪਤਾਲ ਦੇ ਸੁਪਰ ਸਪੈਸ਼ਲਿਟੀ ਹਸਪਤਾਲ ਦੇ ਤੀਜੇ ਫਲਾਇਰ ਵਿਚ ਸ਼ਨੀਵਾਰ ਨੂੰ ਅੱਗ ਲੱਗੀ, ਜਿਸ ਵਿਚ ਕੋਰੋਨਾ ਦੇ ਕਰੀਬ ਦਸ ਮਰੀਜ਼ ਵੀ ਦਾਖਲ ਹਨ। ਪਹਿਲਾਂ ਹਸਪਤਾਲ ਪ੍ਰਬੰਧਕਾਂ ਨੇ ਖੁਦ ਅੱਗ ‘ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਜਦੋਂ ਅੱਗ ਬੇਕਾਬੂ ਹੋਣ ਲੱਗੀ ਤਾਂ ਫਾਇਰ ਅਮਲੇ ਨੂੰ ਸੂਚਿਤ ਕੀਤਾ ਗਿਆ।
ਘਟਨਾ ਦੀ ਜਾਣਕਾਰੀ ਮਿਲਦਿਆਂ ਹੀ ਜੀਆਰ ਮੈਡੀਕਲ ਕਾਲਜ ਦੇ ਡੀਨ ਡਾ: ਐਸ ਐਨ ਅਯੰਗਰ ਅਤੇ ਜੇਏਐਚ ਦੇ ਸੁਪਰਡੈਂਟ ਡਾ. ਆਰ ਕੇ ਐਸ ਧੱਕੜ ਵੀ ਮੌਕੇ ‘ਤੇ ਪਹੁੰਚ ਗਏ ਸਨ। ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਇਸ ਹਾਦਸੇ ਵਿੱਚ ਦੋ ਮਰੀਜ਼ ਝੁਲਸੇ ਗਏ ਹਨ। ਸੀਨੀਅਰ ਅਧਿਕਾਰੀਂਆਂ ਦੱਸਿਆ ਕਿ ਅਜੇ ਅੱਗ ਲੱਗਣ ਦੇ ਕਾਰਨਾ ਦਾ ਕੁਝ ਪਤਾ ਨਹੀਂ ਲੱਗ ਸਕਿਆ। ਉਨ੍ਹਾਂ ਕਿਹਾ ਕਿ ਇਸ ਦੀ ਜਾਣ ਪੜਤਾਲ ਕੀਤੀ ਜਾਵੇਗੀ ।