ਅੰਤਰਰਾਸ਼ਟਰੀ ਯੋਗ ਦਿਵਸ ਨੂੰ ਸਮਰਪਿਤ ਅੱਜ ਇੱਕ ਰੋਜਾ ਯੋਗ ਅਭਿਆਸ ਕੈਂਪ ਦਾ ਆਯੋਜਨ ਹਾਈਟੈਕ ਖੇਡ ਕਮ ਸਪੋਰਟਸ ਪਾਰਕ ਦਾਖਾ ਦੀ......
ਮੁੱਲਾਂਪੁਰ ਦਾਖਾ : ਅੰਤਰਰਾਸ਼ਟਰੀ ਯੋਗ ਦਿਵਸ ਨੂੰ ਸਮਰਪਿਤ ਅੱਜ ਇੱਕ ਰੋਜਾ ਯੋਗ ਅਭਿਆਸ ਕੈਂਪ ਦਾ ਆਯੋਜਨ ਹਾਈਟੈਕ ਖੇਡ ਕਮ ਸਪੋਰਟਸ ਪਾਰਕ ਦਾਖਾ ਦੀ ਗਰਾਊਡ ਵਿੱਚ ਕੀਤਾ ਗਿਆ। ਯੋਗ ਅਭਿਆਸ ਕੈਂਪ 'ਚ ਯੋਗ ਮਾਹਰ ਅਤੇ ਪਤੰਜਲੀ ਯੋਗ ਸੇਵਾ ਸੰਮਤੀ ਲੁਧਿਆਣਾ ਦਿਹਾਤੀ ਦੇ ਪ੍ਰਧਾਨ ਅਨਿਲ ਸੇਠੀ ਨੇ ਯੋਗ ਅਭਿਆਸੀਆਂ ਨੂੰ ਸਰੀਰ ਦੀ ਨਿਰੋਗਤਾ ਲਈ ਜਿੱਥੇ ਵੱਖ ਵੱਖ ਤਰ੍ਹਾਂ ਦੇ ਯੋਗ ਆਸਨ ਕਰਵਾਏ ਉਥੇ ਮਾਮੂਲੀ ਸਰੀਰਕ ਬਿਮਾਰੀਆਂ ਨੂੰ ਦੂਰ ਕਰਨ ਲਈ ਯੋਗ ਟਿਪਸ ਵੀ ਦਿੱਤੇ। ਇਸ ਮੌਕੇ ਉਹਨਾਂ ਕਿਹਾ ਕਿ ਸਿਹਤਯਾਬੀ ਲਈ ਬਿਨਾਂ ਦਵਾਈ ਸਿਰਫ ਯੋਗ ਹੀ ਇਕੋ ਇੱਕ ਹੱਲ ਹੈ।
ਜਿਸ ਰਾਹੀ ਬਿਨਾਂ ਕੋਈ ਸਾਇਡ ਇਫੈਕਟ 99 ਫੀਸਦੀ ਬਿਮਾਰੀਆਂ ਤੋਂ ਮੁਕਤੀ ਪਾਈ ਜਾ ਸਕਦੀ ਹੈ। ਯੋਗ ਦੇ ਅਨੇਕਾਂ ਫਾਇਦਿਆਂ ਤੋਂ ਸਾਨੂੰ ਸਾਰਿਆਂ ਨੂੰ ਜਾਗਰੂਕ ਹੋਣਾ ਚਾਹੀਦਾ ਹੈ ਜਿਹੜੀ ਕਿ ਅੱਜ ਦੇ ਸਮੇਂ ਦੀ ਮੁੱਖ ਲੋੜ ਹੈ। ਇਸ ਮੌਕੇ ਡੀ.ਐਸ.ਪੀ ਜਸਵਿੰਦਰ ਸਿੰਘ ਬਰਾੜ, ਵਿਧਾਇਕ ਜਗਤਾਰ ਸਿੰਘ ਹਿੱਸੋਵਾਲ, ਕ੍ਰਿਸ਼ਨ ਕੁਮਾਰ ਬਾਵਾ ਪ੍ਰਧਾਨ ਬਾਬਾ ਬੰਦਾ ਸਿੰਘ ਬਹਾਦਰ ਫਾਊਂਡੇਸ਼ਨ, ਪ੍ਰਧਾਨ ਤੇਲੂ ਰਾਮ, ਤ੍ਰਿਲੋਕ ਸਿੰਘ, ਸਰੋਜ ਬਾਲਾ, ਸਚਿਨ ਸ਼ਰਮਾ, ਸੰਜੇ ਸ਼ਰਮਾ, ਹਰਕੇਵਲ ਸਿੰਘ, ਕੇ. ਸਾਧੂ ਸਿੰਘ,
ਹਰਵਿੰਦਰ ਬਬਲਾ, ਹਰਜੀਤ ਸਿੰਘ ਐਸ.ਡੀ.ਓ, ਦਰਸ਼ਨ ਸਿੰਘ, ਸੁਖਦੇਵ ਸਿੰਘ ਹੈਪੀ, ਸੁਰੇਸ਼ ਅਰੋੜਾ, ਰਾਜੀਵ ਮਲਹੋਤਰਾ, ਰਮਨ ਕੁਮਾਰ, ਧਰਮਪਾਲ ਸਿੰਗਲਾ, ਦਿਨੇਸ਼ ਸ਼ਰਮਾ, ਹਰਜਿੰਦਰ ਸਿੰਘ ਐਤੀਆਣਾ, ਨਿਸ਼ਾਂਤ ਅਰੋੜਾ, ਰਾਜੀਵ ਗੋਇਲ, ਵਿਸ਼ਾਲ ਕੁਮਾਰ ਝਾਂਜੀ ਆਦਿ ਤੋਂ ਇਲਾਵਾ ਸਮੂਹ ਗਰਾਮ ਪੰਚਾਇਤ ਦਾਖਾ ਅਤੇ ਸ਼ਹਿਰ ਵਾਸੀ ਵੀ ਭਾਰੀ ਗਿਣਤੀ ਵਿੱਚ ਹਾਜਰ ਸਨ।
