ਇਤਿਹਾਸਕ ਨਗਰ ਪਹੂਵਿੰਡ ਤੋਂ ਸ਼ਹੀਦ ਬਾਬਾ ਦੀਪ ਸਿੰਘ ਜੀ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਤ ਵਿਸ਼ਾਲ ਨਗਰ ਕੀਰਤਨ ਜੋ ਗੁਰਦਆਰਾ ਟਾਹਲਾ ਸਹਿਬ ਅਮ੍ਰਿਤਸਰ ਜਾ ਰਿਹਾ ਸੀ
ਤਰਨ ਤਾਰਨ: ਬੀਤੀ 8 ਫ਼ਰਵਰੀ ਨੂੰ ਇਤਿਹਾਸਕ ਨਗਰ ਪਹੂਵਿੰਡ ਤੋਂ ਸ਼ਹੀਦ ਬਾਬਾ ਦੀਪ ਸਿੰਘ ਜੀ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਤ ਵਿਸ਼ਾਲ ਨਗਰ ਕੀਰਤਨ ਜੋ ਗੁਰਦਆਰਾ ਟਾਹਲਾ ਸਹਿਬ ਅਮ੍ਰਿਤਸਰ ਜਾ ਰਿਹਾ ਸੀ ਤਾਂ ਅਚਾਨਕ ਪਿੰਡ ਪਲਾਸੋਰ ਦੇ ਨੇੜੇ ਅਤਿਸ਼ਬਾਜੀ ਚਲਾਉਦੇ ਸਮੇਂ ਟਰਾਲੀ ਵਿਚ ਪਈ ਅਤਿਸ਼ਬਾਜ਼ੀ ਨੂੰ ਅੱਗ ਲੱਗ ਗਈ।
ਜਿਸ ਦੌਰਾਨ ਬਲਾਸਟ ਹੋਣ ਕਾਰਨ ਮੌਕੇ 'ਤੇ ਹੀ ਦੋ ਬੱਚਿਆਂ ਦੀ ਮੌਤ ਹੋ ਗਈ ਸੀ ਅਤੇ ਅਗਲੇ ਦਿਨ ਹੀ ਇਕ ਹੋਰ ਬੱਚੇ ਨੇ ਦਮ ਤੋੜ ਦਿਤਾ ਸੀ। ਪਹੂਵਿੰਡ ਵਾਸੀ ਸੁਖਰਾਜ ਸਿੰਘ ਦੇ ਦੋ ਲੜਕੇ ਜਿਨ੍ਹਾਂ ਵਿਚ ਹਰਨੂਰ ਸਿੰਘ ਤੇ ਹਰਮਨ ਸਿੰਘ ਜ਼ਖ਼ਮੀ ਹੋ ਗਏ ਸਨ ਜੋ ਕਿ ਇਲਾਜ ਅਧੀਨ ਸਨ ਅਤੇ ਅੱਜ ਡੀਐਮਸੀ ਲੁਧਿਆਣਾ ਵਿਖੇ ਇਲਾਜ ਅਧੀਨ ਹਰਮਨ ਸਿੰਘ ਪੁੱਤਰ ਸੁਖਰਾਜ ਸਿੰਘ (16) ਦੀ ਮੌਤ ਹੋ ਗਈ ਹੈ।
ਜਿਸ ਦੀ ਖ਼ਬਰ ਸੁਣ ਕੇ ਇਲਾਕੇ ਵਿਚ ਸੋਗ ਦੀ ਲਹਿਰ ਦੌੜ ਗਈ। ਇਸ ਦੁੱਖ ਦੀ ਘੜੀ ਵਿਚ ਜਸਬੀਰ ਸਿੰਘ ਡਿੰਪਾ ਮੈਂਬਰ ਪਾਰਲੀਮੈਂਟ ਖਡੂਰ ਸਹਿਬ ਵਲੋਂ ਮ੍ਰਿਤਕ ਹਰਮਨ ਦੇ ਘਰ ਜਾ ਕੇ ਮਾਪਿਆਂ ਨਾਲ ਦੁੱਖ ਸਾਂਝਾ ਕੀਤਾ ਗਿਆ। ਇਸ ਮੌਕੇ ਐਮਪੀ ਜਸਬੀਰ ਸਿੰਘ ਡਿੰਪਾ ਨੇ ਕਿਹਾ ਕਿ ਇਸ ਘਟਨਾਂ 'ਚ ਮਾਰੇ ਗਏ ਮਾਸੂਮ ਬੱਚਿਆਂ ਦੇ ਪਰਵਾਰਾਂ ਨੂੰ ਬੜਾ ਵੱਡਾ ਘਾਟਾ ਪਿਆ ਹੈ ਜੋ ਕਦੇ ਵੀ ਪੂਰਾ ਨਹੀਂ ਹੋ ਸਕਦਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।