ਉੱਥੇ ਹੀ ਲੜਕੀ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਅੱਜ ਦੀ ਵਿਆਹ...
ਹੁਸ਼ਿਆਰਪੁਰ: ਵਿਆਹ ਦੇ ਜੋੜੇ ਵਿਚ ਹਾਰ-ਸ਼ਿੰਗਾਰ ਲਗਾ ਕੇ ਬੈਠੀ ਮਾਪਿਆਂ ਦੀ ਇਹ ਉਹ ਬਦਨਸੀਬ ਧੀ ਹੈ ਜੋ ਉਸ ਵਿਅਕਤੀ ਦੇ ਬਾਰਾਤ ਲੈ ਕੇ ਢੁੱਕਣ ਦਾ ਇੰਤਜ਼ਾਰ ਕਰ ਰਹੀ ਹੈ ਜਿਸ ਨਾਲ ਇਸ ਦੇ ਮਾਪਿਆਂ ਨੇ ਚੁੰਨੀ ਚੜ੍ਹਾ ਕੇ ਤੋਰਿਆ ਸੀ। ਪਰ ਹੁਣ ਇਸ ਦੇ ਸੁਪਨਿਆਂ ਦਾ ਸ਼ਹਿਜ਼ਾਦਾ ਇਸ ਨਾਲ ਵਿਆਹ ਕਰਵਾਉਣ ਤੋਂ ਹੀ ਮੁਨਕਰ ਹੋ ਗਿਆ ਹੈ ਅਤੇ ਇਸ ਨੂੰ ਛੱਡ ਕੇ ਦੌੜ ਗਿਆ ਹੈ। ਬਸ ਇਸੇ ਕਰ ਕੇ ਵਿਆਹ ਦਾ ਜੋੜਾ ਪਾ ਕੇ ਹੁਣ ਇਨਸਾਫ ਲਈ ਥਾਣੇ ਪਹੁੰਚ ਚੁੱਕੀ ਹੈ।
Marriage
ਮਾਮਲਾ ਦਸੂਹਾ ਦਾ ਹੈ ਜਿੱਥੇ ਪੀੜਤ ਲੜਕੀ ਦਾ ਇਲਜ਼ਾਮ ਹੈ ਕਿ ਲੜਕਾ ਪੰਜ ਸਾਲ ਵਿਆਹ ਦਾ ਝਾਂਸਾ ਦੇ ਕੇ ਉਸ ਨਾਲ ਸ਼ਰੀਰਕ ਸ਼ੋਸ਼ਣ ਕਰਦਾ ਰਿਹਾ ਅਤੇ ਇਹ ਕਹਿ ਕੇ ਉਸ ਨੂੰ ਕਿਰਾਏ ਦੇ ਮਕਾਨ ਤੇ ਰੱਖਦਾ ਰਿਹਾ ਹੈ ਕਿ ਉਸ ਦਾ ਘਰਦਿਆਂ ਨਾਲ ਕੋਈ ਝਗੜਾ ਚਲ ਰਿਹਾ ਹੈ ਅਤੇ ਮਾਹੌਲ ਠੀਕ ਹੋਣ ਤੇ ਉਸ ਵੱਲੋਂ ਵਿਆਹ ਕਰਵਾ ਲਿਆ ਜਾਵੇਗਾ।
Marriage
ਉੱਥੇ ਹੀ ਲੜਕੀ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਅੱਜ ਦੀ ਵਿਆਹ ਦੀ ਤਰੀਕ ਰੱਖੀ ਹੋਈ ਸੀ ਤੇ ਉਹ ਸਵੇਰ ਤੋਂ ਹੀ ਬਾਰਾਤ ਦਾ ਇੰਤਜ਼ਾਰ ਕਰ ਰਹੇ ਹਨ ਪਰ ਅਜੇ ਤਕ ਬਾਰਾਤ ਨਹੀਂ ਪਹੁੰਚੀ। ਉਹ ਪਹਿਲਾਂ ਤੋਂ ਹੀ ਘਰਦਿਆਂ ਨਾਲ ਲੜ ਕੇ ਕਿਰਾਏ ਦੇ ਮਕਾਨ ਤੇ ਰਹਿ ਰਿਹਾ ਸੀ ਤੇ ਉਸ ਨੇ ਲੜਕੀ ਨੂੰ ਇਹ ਹੋਇਆ ਸੀ ਕਿ ਉਸ ਦਾ ਪਰਿਵਾਰ ਨਾਲ ਝਗੜਾ ਖਤਮ ਹੋਣ ਤੋਂ ਬਾਅਦ ਉਹ ਉਸ ਨਾਲ ਵਿਆਹ ਕਰਵਾ ਲਵੇਗਾ।
Marriage
ਇਸ ਕਰ ਕੇ ਲੜਕੀ ਦੇ ਪਰਿਵਾਰ ਨੇ ਚੁੰਨੀ ਚੜ੍ਹਾ ਉਸ ਨੂੰ ਲੜਕੇ ਨਾਲ ਤੋਰ ਦਿੱਤਾ। ਉਸ ਤੋਂ ਬਾਅਦ 5 ਸਾਲ ਉਹ ਇਕੱਠੇ ਕਿਰਾਏ ਤੇ ਰਹਿ ਰਹੇ ਸਨ। ਉਸ ਦੇ ਪਤੀ ਗੱਡੀ ਚਲਾਉਂਦੇ ਹਨ ਤੇ ਜਦੋਂ ਉਹ ਵਾਪਸ ਆਇਆ ਤਾਂ ਉਹ ਲੜਕੀ ਕੋਲ ਨਾ ਆ ਕੇ ਸਿੱਧਾ ਅਪਣੇ ਮਾਤਾ-ਪਿਤਾ ਦੇ ਘਰ ਚਲਿਆ ਗਿਆ ਤੇ ਉਸ ਨੇ ਲੜਕੀ ਨੂੰ ਕਿਹਾ ਕਿ ਹੁਣ ਉਹ ਉਸ ਨੂੰ ਨਹੀਂ ਰੱਖੇਗਾ।
Police
ਇਸ ਤੋਂ ਬਾਅਦ ਇਸ ਮਾਮਲੇ ਤੇ ਕਾਰਵਾਈ ਹੁੰਦੀ ਰਹੀ ਤੇ ਉਹਨਾਂ ਦੇ ਪਰਿਵਾਰ ਨੇ ਲੜਕੇ ਦੇ ਪਰਿਵਾਰ ਨਾਲ ਗੱਲਬਾਤ ਕੀਤੀ ਪਰ ਕੋਈ ਨਤੀਜਾ ਨਹੀਂ ਨਿਕਲਿਆ। ਉਹਨਾਂ ਨੇ ਪੰਚਾਇਤ ਬੁਲਾਈ ਤੇ ਇਸ ਤੋਂ ਬਾਅਦ ਐਸਐਸਪੀ ਦੇ ਰਿਪੋਰਟ ਵੀ ਕੀਤੀ ਸੀ ਉੱਥੇ ਮਹਿਲਾ ਮੰਡਲ ਤੇ ਕਾਰਵਾਈ ਕੀਤੀ ਗਈ ਸੀ।
Marriage
2 ਤਰੀਕਾਂ ਤੇ ਉਹ ਵਿਅਕਤੀ ਨਹੀਂ ਪਹੁੰਚਿਆ ਤੇ ਤੀਜੀ ਤਰੀਕ ਤੇ ਉਹਨਾਂ ਨੇ ਰਾਜ਼ੀਨਾਵਾਂ ਕਰ ਲਿਆ ਸੀ ਕਿ ਉਹ ਲੜਕੀ ਨਾਲ ਵਿਆਹ ਕਰਵਾਏਗਾ ਅਤੇ ਵਿਆਹ ਲਈ 21 ਤਰੀਕ ਰੱਖੀ ਗਈ ਸੀ। ਉੱਥੇ ਹੀ ਪੁਲਿਸ ਦਾ ਕਹਿਣਾ ਹੈ ਕਿ ਉਹਨਾਂ ਵੱਲੋਂ ਮਾਮਲੇ ਤੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
