ਭਾਰਤ-ਪਾਕਿ ਸਰਹੱਦ 'ਤੇ ਮੁਕਾਬਲਾ, 5 ਨਸ਼ਾ ਤਸਕਰ ਢੇਰ
ਬੀ.ਐਸ.ਐਫ਼. ਦਾ ਸਰਚ ਆਪਰੇਸ਼ਨ ਜਾਰੀ
ਤਰਨਤਾਰਨ/ਖਾਲੜਾ, 22 ਅਗੱਸਤ (ਅਜੀਤ ਘਰਿਆਲਾ/ਗੁਰਪ੍ਰੀਤ ਸੈਡੀ) : ਭਾਰਤ-ਪਾਕਿ ਸਰਹੱਦ ਸੈਕਟਰ ਖਾਲੜਾ ਦੀ ਢੱਲ ਚੌਕੀ ਨੇੜੇ ਸ਼ੁਕਰਵਾਰ ਦੇਰ ਰਾਤ ਬੀਐਸਐਫ਼ ਦੀ 103 ਬਟਾਲੀਅਨ ਦੇ ਜਵਾਨਾਂ ਨੇ ਸਰਹੱਦ ਪਾਰ ਕਰ ਕੇ ਆਏ ਪੰਜ ਨਸ਼ਾ ਤਸਕਰਾਂ ਨੂੰ ਮੁਕਾਬਲੇ 'ਚ ਢੇਰ ਕਰ ਦਿਤਾ। ਸੂਤਰਾਂ ਦੀ ਮੰਨੀਏ ਤਾਂ ਪੰਜ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ ਪਰ ਅਜੇ ਤਕ ਇਨ੍ਹਾਂ ਦੀ ਪਛਾਣ ਨਹੀਂ ਹੋ ਸਕੀ। ਖ਼ਦਸ਼ਾ ਪ੍ਰਗਟਾਇਆ ਜਾ ਰਿਹਾ ਹੈ ਕਿ ਅਜੇ ਹੋਰ ਵੀ ਲਾਸ਼ਾਂ ਬਰਾਮਦ ਹੋ ਸਕਦੀਆਂ ਹਨ ਤੇ ਇਲਾਕੇ 'ਚ ਸਰਚ ਆਪਰੇਸ਼ਨ ਹਾਲੇ ਵੀ ਜਾਰੀ ਹੈ। ਮੌਕੇ ਤੋਂ ਬਰਾਮਦ ਦੋ ਬੈਂਗਾਂ 'ਚ 9 ਕਿਲੋ ਹੈਰੋਇਨ, 5 ਪਿਸਤੌਲ, ਇਕ ਏਕੇ-47 ਤੇ 27 ਰਾਊਂਡ ਮਿਲੇ ਹਨ। ਬੀਐਸਐਫ਼ ਅਧਿਕਾਰੀਆਂ ਵਲੋਂ ਮਾਮਲੇ ਦਾ ਪ੍ਰਗਟਾਵਾ ਅੱਜ ਕੀਤਾ ਜਾਵੇਗਾ।
ਇਸ ਤੋਂ ਪਹਿਲਾਂ ਬੀਐਸਐਫ਼ ਦੇ ਗੁਰਦਾਸਪੁਰ ਸੈਕਟਰ ਤਹਿਤ ਆਉਣ ਵਾਲੀ ਬੀਓਪੀ ਚੰਦੂ ਬਡਾਲਾ ਦੇ ਕੋਲ 89 ਬਟਾਲੀਅਨ ਦੇ ਜਵਾਨਾਂ ਤੇ ਐਸਟੀਐਫ਼ ਨੇ ਚਾਰ ਕਿਲੋ 290 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ ਸੀ। ਪਾਕਿਸਤਾਨੀ ਤਸਕਰਾਂ ਤੋਂ ਹੈਰੋਇਨ ਮੰੰਗਵਾਉਣ ਵਾਲੇ ਸੁਖਵਿੰਦਰ ਸਿੰਘ ਨਾਮ ਦੇ ਨੌਜਵਾਨ ਨੂੰ ਕਾਬੂ ਕੀਤਾ ਗਿਆ ਸੀ।
ਬੀਐਸਐਫ਼ ਦੇ ਸੈਕਟਰ ਗੁਰਦਾਸਪੁਰ ਦੇ ਡੀਆਈਜੀ ਰਾਜੇਸ਼ ਸ਼ਰਮਾ ਨੇ ਦਸਿਆ ਕਿ ਐਸਟੀਐਫ਼ ਤੇ ਬੀਐਸਐਫ਼ ਨੇ ਸ਼ੁਕਰਵਾਰ ਨੂੰ ਸਰਹੱਦ 'ਤੇ ਕੰਡਿਆਲੀ ਤਾਰ ਦੇ ਪਾਰ ਸੰਯੁਕਤ ਸਰਚ ਆਪਰੇਸ਼ਨ ਚਲਾ
IMAGEਇਆ ਸੀ। ਇਸ ਦੌਰਾਨ ਪਲਾਸਟਿਕ ਦੀ ਪਾਈ 'ਚ ਪਾ ਕੇ ਖੇਤਾਂ 'ਚ ਦਬਾਏ ਗਏ ਹੈਰੋਇਨ ਦੇ ਪੰਜ ਪੈਕੇਜ ਬਰਾਮਦ ਕੀਤੇ ਗਏ। ਹੈਰੋਇਨ ਪਿੰੰਡ ਚੰਦੂ ਵਡਾਲਾ ਦੇ ਹੀ ਰਹਿਣ ਵਾਲੇ ਨੌਜਵਾਨ ਸੁਖਵਿੰੰਦਰ ਸਿੰਘ ਕਾਲਾ ਨੇ ਪਾਕਿਸਤਾਨੀ ਤਸਕਰਾਂ ਤੋਂ ਮੰਗਵਾਈ ਸੀ ਤੇ ਖੇਤ 'ਚ ਦੱਬੀ ਹੋਈ ਮਿਲੀ।
