ਪਿੰਡ ਦੇ ਸਰਪੰਚ ਨੇ ਸਕੂਲ ਦੇ ਪਾਰਕ ਨੂੰ ਇੰਨੀ ਸੋਹਣੀ ਦਿੱਖ ਦਿੱਤੀ ਹੈ ਕਿ ਦੇਖਣ ਵਾਲੇ ਦੀ ਭੁੱਖ ਲਹਿ ਜਾਵੇ।
ਸੰਗਰੂਰ: ਸਰਕਾਰੀ ਸਕੂਲ ਦਾ ਨਾਂ ਲੈਂਦਿਆਂ ਹੀ ਅੱਖਾਂ ਅੱਗੇ ਖਸਤਾਹਾਲ ਕਮਰਿਆਂ ਤੇ ਜੰਗਲ ਬਣੇ ਪਲੇਅ ਗਰਾਊਂਡ ਦੀ ਤਸਵੀਰ ਘੁੰਮਣ ਲੱਗਦੀ ਹੈ ਪਰ ਇਸ ਖਿਆਲ ਨੂੰ ਗਲਤ ਸਾਬਿਤ ਕਰ ਰਿਹਾ ਹੈ ਸੰਗਰੂਰ ਦੇ ਪਿੰਡ ਭਾਈਕੀ ਪਸ਼ੌਰ ਦੇ ਸਰਕਾਰੀ ਸਕੂਲ ਦਾ ਇਹ ਜੁਮੈਟਰੀਕਲ ਪਾਰਕ। ਹਿੰਦੀ, ਮੈਥ, ਇੰਗਲਿਸ਼ ਹਰ ਵਿਸ਼ੇ ਦੀ ਜਾਣਕਾਰੀ ਤੋਂ ਇਲਾਵਾ ਭਾਰਤ, ਪੰਜਾਬ, ਜ਼ਿਲੇ ਤੇ ਪਿੰਡ ਦਾ ਨਕਸ਼ਾ ਵੀ ਬਣਾਇਆ ਗਿਆ ਹੈ। ਇਥੋਂ ਤੱਕ ਕਿ ਇੰਡੀਆ ਗੇਟ, ਇਸ ਪਾਰਕ ਦੀ ਸ਼ਾਨ ਹੈ।
Photo ਪਿੰਡ ਦੇ ਸਰਪੰਚ ਨੇ ਸਕੂਲ ਦੇ ਪਾਰਕ ਨੂੰ ਇੰਨੀ ਸੋਹਣੀ ਦਿੱਖ ਦਿੱਤੀ ਹੈ ਕਿ ਦੇਖਣ ਵਾਲੇ ਦੀ ਭੁੱਖ ਲਹਿ ਜਾਵੇ। ਕਾਂਗਰਸੀ ਆਗੂ ਤੇ ਸਾਬਕਾ ਮੁੱਖ ਮੰਤਰੀ ਬੀਬੀ ਰਾਜਿੰਦਰ ਕੌਰ ਭੱਠਲ ਨੇ ਇਸ ਪਾਰਕ ਦਾ ਉਦਘਾਟਨ ਕੀਤਾ ਤੇ ਇਥੇ ਬਣੇ ਇੰਡੀਆ ਗੇਟ ਬਾਰੇ ਜਾਣਕਾਰੀ ਦਿੱਤੀ। ਪਿੰਡ ਦੇ ਸਰਪੰਚ ਨੇ ਦੱਸਿਆ ਕਿ ਸਕੂਲ ਦਾ ਮੈਦਾਨ ਬਿਲਕੁਲ ਜੰਗਲ ਬਣ ਗਿਆ ਸੀ, ਜਿਸ ਦੀ ਜਗ੍ਹਾ 'ਤੇ ਪੰਚਾਇਤ ਨੇ ਇਹ ਪਾਰਕ ਬਣਾ ਦਿੱਤਾ।
Photo ਇਸ ਦਾ ਲਾਭ ਬੱਚਿਆਂ ਦੇ ਨਾਲ-ਨਾਲ ਲੋਕਾਂ ਨੂੰ ਵੀ ਹੋ ਰਿਹਾ ਹੈ। ਇੰਨਾ ਹੀ ਨਹੀਂ ਸਰਕਾਰ ਤੋਂ ਮਿਲੀ ਗ੍ਰਾਂਟ ਨਾਲ ਪਿੰਡ 'ਚ ਇਕ ਆਯੂਰਵੈਦਿਕ ਡਿਸਪੈਂਸਰੀ ਵੀ ਬਣਾਈ ਗਈ ਹੈ। ਸਰਪੰਚ ਦੇ ਇਸ ਉਪਰਾਲੇ ਤੋਂ ਜਿਥੇ ਪਿੰਡ ਵਾਸੀ ਖੁਸ਼ ਹਨ, ਉਥੇ ਹੀ ਸਕੂਲ ਇੰਚਾਰਜ ਨੇ ਦੱਸਿਆ ਕਿ ਇਸ ਪਾਰਕ ਦਾ ਬੱਚਿਆਂ ਨੂੰ ਕਾਫੀ ਲਾਭ ਮਿਲੇਗਾ ਤੇ ਖੇਡ ਦੇ ਨਾਲ-ਨਾਲ ਬੱਚੇ ਬਹੁਤ ਕੁਝ ਸਿੱਖ ਵੀ ਸਕਣਗੇ।
Photo ਉਧਰ ਬੱਚੇ ਵੀ ਇਸ ਪਾਰਕ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ। ਪਿੰਡ ਦਾ ਇਹ ਪਾਰਕ ਜਿਥੇ ਆਪਣੇ ਆਪ 'ਚ ਮਿਸਾਲ ਹੈ, ਉਥੇ ਹੀ ਪਿੰਡ ਦੇ ਸਰਪੰਚ ਦੀ ਸੋਚ ਵੀ ਕਾਬਿਲ-ਏ-ਤਾਰੀਫ ਹੈ। ਦੂਜੇ ਪਿੰਡਾਂ ਨੂੰ ਵੀ ਇਸ ਤੋਂ ਪ੍ਰੇਰਣਾ ਲੈਣ ਦੀ ਲੋੜ ਹੈ ਤਾਂ ਜੋ ਪੰਜਾਬ ਦੇ ਸਾਰੇ ਪਿੰਡ ਖੁਸ਼ਹਾਲ ਤੇ ਵਿਕਸਿਤ ਹੋ ਸਕਣ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
