ਕੰਗਨਾ ਤੋਂ ਗ੍ਰਿਫ਼ਤਾਰ ਕਰ ਕੇ ਮੌਤ ਦੀ ਸਜ਼ਾ ਦਿਤੀ ਜਾਵੇ
ਜੀਂਦ, 22 ਨਵੰਬਰ : ਦੇਸ਼ ਲਈ 2014 ਤੋਂ ਅਸਲੀ ਆਜ਼ਾਦੀ ਦਸਣ ਵਾਲੀ ਅਭਿਨੇਤਰੀ ਕੰਗਨਾ ਰਣੌਤ ਨੂੰ ਸ਼ਹੀਦ ਚੰਦਰ ਸ਼ੇਖ਼ਰ ਆਜ਼ਾਦ ਦੇ ਭਤੀਜੇ ਅਤੇ ਹਿੰਦੂ ਰਿਪਬਲੀਕਨ ਆਰਮੀ ਦੇ ਪ੍ਰਧਾਨ ਪੰਡਤ ਸੁੁਜੀਤ ਆਜ਼ਾਦ ਨੇ ਤੁਰਤ ਗ੍ਰਿਫ਼ਤਾਰ ਕਰ ਕੇ ਮੌਤ ਦੀ ਸਜ਼ਾ ਦੇਣ ਦੀ ਮੰਗ ਕੀਤੀ ਹੈ।
ਆਜ਼ਾਦ ਨੇ ਕਿਹਾ, ‘‘ਇਸ ਤੋਂ ਵੱਡੀ ਬਦਕਿਸਮਤੀ ਕੀ ਹੋਵੇਗੀ ਕਿ ਇਕ ਅਭਿਨੇਤਰੀ ਸ਼ਹੀਦਾਂ ਦਾ ਅਪਮਾਨ ਕਰਦੀ ਹੈ ਅਤੇ ਸਰਕਾਰ ਉਸ ਵਿਰੁਘ ਰਾਜ ਧਰੋਹ ਦਾ ਮੁਕੱਦਮਾ ਦਰਜ ਕਰ ਕੇ ਗ੍ਰਿਫ਼ਤਾਰ ਨਹੀਂ ਕਰਦੀ। ਕੇਂਦਰ ਤੁਰਤ ਉਸ ਤੋਂ ਪਦਮਸ਼੍ਰੀ ਵਾਪਸ ਲੈ ਕੇ ਉਸ ਨੂੰ ਗ੍ਰਿਫ਼ਤਾਰ ਕਰੇ, ਵਰਨਾ ਦੇਸ਼ ਵਿਚ ਇਕ ਮਹੀਨੇ ਬਾਅਦ ਅੰਦੋਲਨ ਚਲੇਗਾ ਜਿਸ ਨੂੰ ਰੋਕਣਾ ਸਰਕਾਰ ਦੇ ਵੱਸ ਦੀ ਗੱਲ ਨਹੀਂ ਹੋਵੇਗੀ।’’ ਉਨ੍ਹਾਂ ਇਥੇ ਇਕ ਸਮਾਰੋਹ ਵਿਚ ਕਿਹਾ ਕਿ ਭਵਿਖ ਵਿਚ ਕੋਈ ਅਜਿਹੀ ਹਿੰਮਤ ਨਾ ਕਰ ਸਕੇ, ਇਸ ਲਈ ਕੇਂਦਰ ਸਰਕਾਰ ਨੂੰ ਅਜਿਹੇ ਵਿਵਾਦਤ ਬਿਆਨ ਦੇਣ ਵਾਲਿਆਂ ਵਿਰੁਧ ਸਖ਼ਤ ਕਾਰਵਾਈ ਕਰਨੀ ਜ਼ਰੂਰੀ ਹੈ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਸ਼ਹੀਦਾਂ ਦੀਆਂ ਕੁਰਬਾਨੀਆਂ ਨਾਲ ਅੱਜ ਦੇਸ਼ ਆਜ਼ਾਦੀ ਦਾ ਆਨੰਦ ਮਾਣ ਰਿਹਾ ਹੈ, ਉਨ੍ਹਾਂ ਦਾ ਅਪਮਾਨ ਇਸ ਦੇਸ਼ ਦੀ ਜਨਤਾ ਕਦੇ ਬਰਦਾਸ਼ਤ ਨਹੀਂ ਕਰੇਗੀ। ਸੁਜੀਤ ਆਜ਼ਾਦ ਨੇ ਕਿਹਾ ਕਿ ਕੰਗਨਾ ਨੂੰ ਸਜ਼ਾ ਦੇਣ ’ਤੇ ਇਕ ਮਹੀਨਾ ਬਾਅਦ ਜੋ ਅੰਦੋਲਨ ਹੋਵੇਗਾ, ਉਸ ਵਿਚ ਬਾਲੀਵੁਡ ਦਾ ਵੀ ਬਾਈਕਾਟ ਹੋਵੇਗਾ। (ਏਜੰਸੀ)
