ਸੁਰੱਖਿਆ ਦੇ ਮੱਦੇਨਜ਼ਰ ਪੁਲਿਸ ਨੇ ਰਸਤਾ ਬਦਲਿਆ, ਹੁਕਮ ਜਾਰੀ

ਜਲੰਧਰ : ਜਲੰਧਰ ਦੇ ਗੁਰੂ ਗੋਬਿੰਦ ਸਿੰਘ ਸਟੇਡੀਅਮ ’ਚ ਗਣਤੰਤਰ ਦਿਵਸ ਸਮਾਰੋਹ 26 ਜਨਵਰੀ ਨੂੰ ਹੋਵੇਗਾ। ਸਮਾਰੋਹ ਦੀਆਂ ਤਿਆਰੀਆਂ ਜ਼ੋਰਾਂ ’ਤੇ ਹਨ, ਜਦਕਿ ਪੁਲਿਸ ਵਲੋਂ ਸ਼ਹਿਰ ਭਰ ’ਚ ਸੁਰੱਖਿਆ ਦੇ ਸਖਤ ਪ੍ਰਬੰਧ ਕੀਤੇ ਗਏ ਹਨ। ਸਟੇਡੀਅਮ ਦੀ ਸੁਰੱਖਿਆ ਲਈ ਪੁਲਿਸ ਨੇ ਆਵਾਜਾਈ ਨੂੰ ਵੀ ਮੋੜ ਦਿਤਾ ਹੈ ਤਾਂ ਜੋ ਸਮਾਰੋਹ ਦੌਰਾਨ ਆਉਣ ਵਾਲੇ ਲੋਕਾਂ ਅਤੇ ਮਹਿਮਾਨਾਂ ਨੂੰ ਕੋਈ ਸਮੱਸਿਆ ਨਾ ਹੋਵੇ। 

ਕਮਿਸ਼ਨਰੇਟ ਜਲੰਧਰ ਨੇ ਮੁਸਾਫ਼ਰ ਬੱਸਾਂ ਅਤੇ ਬੱਸ ਸਟੈਂਡ ਜਲੰਧਰ ਤੋਂ ਆਉਣ-ਜਾਣ ਵਾਲੇ ਗੱਡੀਆਂ ਲਈ ਰੂਟਾਂ ਨੂੰ ਹੇਠ ਲਿਖੇ ਅਨੁਸਾਰ ਡਾਇਵਰਟ ਕੀਤਾ ਹੈ। ਇਸ ਤੋਂ ਇਲਾਵਾ ਸਟੇਡੀਅਮ ਪਹੁੰਚਣ ਵਾਲੇ ਦਰਸ਼ਕਾਂ ਲਈ ਕਾਰਾਂ, ਬੱਸਾਂ ਅਤੇ ਦੋ ਪਹੀਆ ਗੱਡੀਆਂ ਦੀ ਪਾਰਕਿੰਗ ਦੇ ਪ੍ਰਬੰਧ ਵੀ ਹੇਠ ਲਿਖੇ ਅਨੁਸਾਰ ਕੀਤੇ ਗਏ ਹਨ, ਤਾਂ ਜੋ ਗਣਤੰਤਰ ਦਿਵਸ ਸਮਾਰੋਹ ਦੌਰਾਨ ਆਮ ਲੋਕਾਂ ਨੂੰ ਕਿਸੇ ਤਰ੍ਹਾਂ ਦੀ ਅਸੁਵਿਧਾ ਦਾ ਸਾਹਮਣਾ ਨਾ ਕਰਨਾ ਪਵੇ। 

ਡਾਇਵਰਟ ਕੀਤਾ ਟ੍ਰੈਫਿਕ 

• ਸਵੇਰੇ 07:00 ਵਜੇ ਤੋਂ ਦੁਪਹਿਰ 02:00 ਵਜੇ ਤਕ ਜਲੰਧਰ ਬੱਸ ਸਟੈਂਡ/ਸਿਟੀ ਤੋਂ ਕਪੂਰਥਲਾ ਆਉਣ ਵਾਲੀਆਂ ਬੱਸਾਂ/ਭਾਰੀ ਵਾਹਨ ਪੀ.ਏ.ਪੀ. ਚੌਕ-ਕਰਤਾਰਪੁਰ ਰੂਟ ਦੀ ਵਰਤੋਂ ਕਰਨਗੇ। 
• ਇਸੇ ਤਰ੍ਹਾਂ ਜਲੰਧਰ ਬੱਸ ਸਟੈਂਡ/ਸਿਟੀ ਤੋਂ ਨਕੋਦਰ-ਸ਼ਾਹਕੋਟ ਵਲ ਆਉਣ-ਜਾਣ ਵਾਲੇ ਹਲਕੇ ਵਾਹਨ ਬੱਸ ਸਟੈਂਡ-ਸਮਰਾ ਚੌਕ-ਕੂਲ ਰੋਡ-ਟ੍ਰੈਫਿਕ ਸਿਗਨਲ ਲਾਈਟਾਂ ਅਰਬਨ ਅਸਟੇਟ ਫੇਜ਼-2, ਸੀ.ਟੀ. ਸੰਸਥਾ ਪਿੰਡ ਰਾਹੀਂ ਪ੍ਰਤਾਪਪੁਰਾ ਰਸਤੇ ਦੀ ਵਰਤੋਂ ਕਰੇਗੀ ਅਤੇ ਵਡਾਲਾ ਚੌਕ-ਰਵਿਦਾਸ ਚੌਕ ਮਾਰਗ ’ਤੇ ਪੂਰੀ ਤਰ੍ਹਾਂ ਪਾਬੰਦੀ ਹੋਵੇਗੀ। 

ਡਾਇਵਰਜ਼ਨ ਪੁਆਇੰਟ 

• ਸਮਰਾ ਚੌਕ ਤੋਂ ਨਕੋਦਰ-ਮੋਗਾ ਵਾਲੇ ਪਾਸੇ ਜਾਣ ਲਈ। 
• ਟੀ-ਪੁਆਇੰਟ ਨਕੋਦਰ ਰੋਡ ਤੋਂ ਮਿਲਕਬਾਰ ਚੌਕ ਵਲ ਭਾਰੀ ਗੱਡੀਆਂ ਦਾ ਦਾਖਲਾ ਬੰਦ ਰਹੇਗਾ। 
• ਨਕੋਦਰ ਚੌਕ ਤੋਂ ਗੁਰੂ ਨਾਨਕ ਮਿਸ਼ਨ ਚੌਕ ਵਲ ਆਵਾਜਾਈ ’ਤੇ ਪਾਬੰਦੀ ਲਗਾਈ ਗਈ ਹੈ। 
• ਟੀ-ਪੁਆਇੰਟ ਏ.ਪੀ.ਜੇ. ਕਾਲਜ ਤੋਂ ਚੁਨ-ਮਾਨ ਚੌਕ ਵਲ ਆਉਣ ’ਤੇ ਪਾਬੰਦੀ। 
• ਮਸੰਦ ਚੌਕ ਤੋਂ ਮਿਲਕਬਾਰ ਚੌਕ ਵਲ ਭਾਰੀ ਗੱਡੀਆਂ ਦੀ ਆਵਾਜਾਈ ’ਤੇ ਪਾਬੰਦੀ ਲਗਾਈ ਗਈ ਹੈ। 
• ਗੀਤਾ ਮੰਦਰ ਟ੍ਰੈਫਿਕ ਸਿਗਨਲ ਲਾਈਟਾਂ ਨੂੰ ਸਿਟੀ ਚੁਨ-ਮਾਨ ਚੌਕ ਵਲ ਆਉਣ ਤੋਂ ਰੋਕਿਆ ਗਿਆ ਹੈ। 
• ਮੋੜ ਪ੍ਰਤਾਪਪੁਰਾ ਨਕਦਰ ਰੋਡ ਤੋਂ ਸੀ.ਟੀ. ਇੰਸਟੀਚਿਊਟ-ਅਰਬਨ ਅਸਟੇਟ-ਕੂਲ ਰੋਡ-ਸਮਰਾ ਚੌਕ।