ਪਾਰਲਰ ਵਾਲੀ ਕੁੜੀ ਨਾਲ ਛੇ ਮੁੰਡਿਆਂ ਨੇ ਕੀਤਾ ਜਬਰਜਨਾਹ...
ਫਤਿਗੜ੍ਹ ਸਾਹਿਬ: ਫਤਹਿਗੜ੍ਹ ਸਾਹਿਬ ਦੇ ਮੰਡੀ ਗੋਬਿੰਦਗੜ੍ਹ ਤੋਂ ਦਿਲ ਦਹਿਲਾਉਣ ਵਾਲੀ ਘਟਨਾ ਸਾਹਮਣੇ ਆਈ ਹੈ ਜਿੱਥੇ 6 ਦਰਿੰਦਿਆਂ ਨੇ ਪਿਸਤੌਲ ਦੀ ਨੋਕ ਤੇ ਇੱਕ ਲੜਕੀ ਦੇ ਨਾਲ ਗੈਂਗਰੇਪ ਕੀਤਾ। ਲੜਕੀ ਲੁਧਿਆਣਾ ਵਿਖੇ ਰਹਿੰਦੀ ਹੈ ਜੋ ਪਾਰਲਰ ਤੇ ਕੰਮ ਕਰਦੀ ਹੈ। ਉਸਦਾ ਘਰ ਫਰੀਦਕੋਟ ਵਿਖੇ ਹੈ। ਲੜਕੀ ਲੁਧਿਆਣਾ ਵਿਖੇ ਕਿਰਾਏ ਤੇ ਰਹਿ ਕੇ ਕੰਮ ਕਰ ਰਹੀ ਹੈ।
Rape Case
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਥਾਣਾ ਮੁਖੀ ਪ੍ਰੇਮ ਸਿੰਘ ਨੇ ਦੱਸਿਆ ਕਿ ਲੜਕੀ ਦੇ ਨਾਲ ਪਹਿਲਾਂ ਖੰਨਾ ਦੇ ਪਿੰਡ ਭਾਦਲਾ ਦਾ ਰਹਿਣ ਵਾਲਾ ਪਰਮਜੀਤ ਸਿੰਘ ਪੰਮਾ ਗੱਲਬਾਤ ਕਰਦਾ ਸੀ। ਉਸਨੇ ਲੜਕੀ ਨੂੰ ਮੰਡੀ ਗੋਬਿੰਦਗੜ੍ਹ ਬੁਲਾਇਆ। ਜਿੱਥੋਂ ਉਹ ਲੜਕੀ ਨੂੰ ਆਪਣੇ ਸਾਥੀ ਮੰਗਾ ਦੇ ਫਾਈਨਾਂਸ ਦਫਤਰ ਲੈ ਗਿਆ। ਉੱਥੇ ਪਹਿਲਾਂ ਚਾਰ ਜਣਿਆਂ ਨੇ ਲੜਕੀ ਨਾਲ ਜਬਰਦਸਤੀ ਸਰੀਰਕ ਸਬੰਧ ਬਣਾਏ।
rape case
ਲੜਕੀ ਦੇ ਦੱਸਣ ਮੁਤਾਬਕ ਰਜਿੰਦਰ ਸਿੰਘ ਰਾਜੀ ਨੇ ਪਿਸਤੌਲ ਦੀ ਨੋਕ ਤੇ ਉਸਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੰਦੇ ਹੋਏ ਉਸ ਨਾਲ ਤੇ ਇੱਕ ਹੋਰ ਸਾਥੀ ਨਾਲ ਸ਼ਰੀਰਕ ਸਬੰਧ ਬਣਾਉਣ ਲਈ ਮਜਬੂਰ ਕੀਤਾ। ਪੁਲਸ ਨੇ ਇਸ ਸੰਬਧੀ ਛੇ ਕਥਿਤ ਦੋਸ਼ੀਆਂ ਪਰਮਜੀਤ ਸਿੰਘ ਪੰਮਾ, ਗੋਲਡੀ ਗਿੱਲ, ਠੇਕੇਦਾਰ ਅਸ਼ਵਨੀ ਕੁਮਾਰ, ਦੀਸ਼ਾ, ਮੰਗਾ, ਰਜਿੰਦਰ ਸਿੰਘ ਰਾਜੀ ਖਿਲਾਫ ਮੁਕੱਦਮਾ ਦਰਜ ਕਰਕੇ ਦੋ ਕਥਿਤ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਜਦਕਿ ਚਾਰ ਕਥਿਤ ਦੋਸ਼ੀ ਹਾਲੇ ਫਰਾਰ ਹਨ।
