ਫਿਰ ਵੀ ਇਸ ’ਤੇ ਨਾ ਤਾਂ ਫੂਡ ਸਪਲਾਈ ਅਧਿਕਾਰੀ ਅਤੇ ਨਾ ਹੀ ਟ੍ਰੈਫਿਕ ਪੁਲਿਸ ਕੋਈ ਕਾਰਵਾਈ ਕਰ ਰਹੀ ਹੈ

ਏਸ਼ੀਆ ਦੀ ਸਭ ਤੋਂ ਵੱਡੀ ਅਨਾਜ ਮੰਡੀ ਖੰਨਾ ਵਿਚ ਖਰੀਦ ਏਜੰਸੀਆਂ ਨਾਲ ਮਿਲ ਕੇ ਟ੍ਰਾਂਸਪੋਰਟ ਠੇਕੇਦਾਰ ਦੁਆਰਾ ਓਵਰਲੋਡਿੰਗ ਦਾ ਧੰਦਾ ਜੋਰਾਂ ’ਤੇ ਚਲਾਇਆ ਜਾ ਰਿਹਾ ਹੈ। ਇਥੋਂ ਦੇ ਠੇਕੇਦਾਰ ਠੇਕਾ ਨਿਯਮਾਂ ਦੀਆਂ ਧੱਜੀਆਂ ਉਡਾ ਰਹੇ ਹਨ। ਟ੍ਰੈਫਿਕ ਨਿਯਮਾਂ ਨੂੰ ਵੀ ਧਿਆਨ ਵਿਚ ਰੱਖਦੇ ਹੋਏ ਟ੍ਰੈਫਿਕ ਪੁਲਿਸ ਦੀ ਕਾਰਜ ਪ੍ਰਣਾਲੀ ’ਤੇ ਵੀ ਸਵਾਲ ਖੜ੍ਹੇ ਹੋ ਰਹੇ ਹਨ। ਇਕ ਟਰੱਕ ਵਿਚ 500 ਦੇ ਕਰੀਬ ਬੋਰੀਆਂ ਲੋਡ ਕੀਤੀਆਂ ਜਾ ਰਹੀਆਂ ਹਨ। ਜਦਕਿ ਕਾਨੂੰਨ ਤਹਿਤ ਇਹ ਬਿਲਕੁਲ ਗ਼ਲਤ ਹੈ।

Photo

ਇਸ ਨਾਲ ਹਾਦਸਿਆਂ ਦਾ ਵੀ ਡਰ ਰਹਿੰਦਾ ਹੈ। ਫਿਰ ਵੀ ਇਸ ’ਤੇ ਨਾ ਤਾਂ ਫੂਡ ਸਪਲਾਈ ਅਧਿਕਾਰੀ ਅਤੇ ਨਾ ਹੀ ਟ੍ਰੈਫਿਕ ਪੁਲਿਸ ਕੋਈ ਕਾਰਵਾਈ ਕਰ ਰਹੀ ਹੈ। ਬੁੱਧਵਾਰ ਵੀ ਸ਼ਰੇਆਮ ਓਵਰਲੋਡਿੰਗ ਕਰ ਵੇਅਰਹਾਊਸ ਦੇ ਗੋਦਾਮ ਵਿਚ ਬੋਰੀਆਂ ਉਤਾਰੀਆਂ ਜਾ ਰਹੀਆਂ ਸਨ। ਇਕ ਟਰੱਕ ਵਿਚ 500 ਤਕ ਬੋਰੀਆਂ ਲੋਡ ਕਰਕੇ ਟਰੱਕ ਮੰਡੀ ਤੋਂ ਬਾਹਰ ਲਿਜਾਏ ਜਾ ਰਹੇ ਹਨ।

Photo

ਹੈਰਾਨੀ ਦੀ ਗੱਲ ਇਹ ਹੈ ਕਿ ਖਰੀਦ ਏਜੰਸੀਆਂ ਦੁਆਰਾ ਵੀ ਅੱਖਾਂ ਬੰਦ ਕਰਕੇ ਇਹਨਾਂ ਦਾ ਗੇਟ ਪਾਸ ਕੱਟਿਆ ਜਾ ਰਿਹਾ ਹੈ। ਜਿਸ ਨਾਲ ਸਵਾਲ ਪੈਦਾ ਹੁੰਦੇ ਹਨ ਕਿ ਠੇਕੇਦਾਰ ਅਤੇ ਅਧਿਕਾਰੀਆਂ ਦੀ ਸਾਂਝੇਦਾਰੀ ਨਾਲ ਇਹ ਕੰਮ ਕੀਤਾ ਜਾ ਰਿਹਾ ਹੈ। ਵੇਅਰਹਾਊਸ ਮੈਨੇਜਰ ਮਨਪ੍ਰੀਤ ਸਿੰਘ ਦੇ ਰਿਕਾਰਡ ਵਿਚ 500 ਤਕ ਬੋਰੀਆਂ ਇਕ ਟਰੱਕ ਵਿਚ ਲੋਡ ਦਰਜ ਹਨ। ਫਿਰ ਵੀ ਉਹ ਕਹਿੰਦੇ ਹਨ ਕਿ ਸੱਭ ਠੀਕ ਚਲ ਰਿਹਾ ਹੈ।

ਆੜਤੀ ਜ਼ਿਆਦਾ ਲੋਡਿੰਗ ਕਰਵਾ ਦਿੰਦੇ ਹਨ। ਬਾਕੀ ਕੋਈ ਗੱਲ ਨਹੀਂ ਹੈ। ਉਹਨਾਂ ਨੇ ਕਿਹਾ ਕਿ ਨਿਯਮਾਂ ਦੇ ਵਿਰੁੱਧ ਕੋਈ ਵੀ ਕੰਮ ਨਹੀਂ ਹੋ ਰਿਹਾ। ਠੇਕੇਦਾਰ ਰਾਜੂ ਨੇ ਕਿਹਾ ਕਿ ਉਹਨਾਂ ਨੇ ਏਜੰਸੀ ਜੋ ਵੀ ਗੇਟ ਪਾਸ ਕੱਟ ਦਿੰਦੀ ਹੈ ਉਸ ਹਿਸਾਬ ਨਾਲ ਲੋਡਿੰਗ ਕੀਤੀ ਜਾਂਦੀ ਹੈ। ਏਜੰਸੀ ਦੇ ਅਧਿਕਾਰੀ ਜਿੰਨੀਆਂ ਬੋਰੀਆਂ ਦਿੰਦੇ ਹਨ ਉੰਨੀ ਹੀ ਲੋਡਿੰਗ ਹੁੰਦੀ ਹੈ। ਇਸ ਵਿਚ ਉਹਨਾਂ ਦਾ ਕੋਈ ਕਸੂਰ ਨਹੀਂ ਹੈ। ਏਜੰਸੀ ਗੇਟ ਪਾਸ ਨਾ ਕੱਟੇ ਉਹ ਓਵਰਲੋਡਿੰਗ ਨਹੀਂ ਕਰਵਾਉਣਗੇ।